<div class="article-content">
<p class="font-null"><strong>ក្រចេះ ៖</strong> ដោយសារតែ មានជម្លោះ ជាមួយគ្នានេះ នៅពេលរាំងធុងបាស់ ក្នុងវត្ត បុរសម្នាក់ ត្រូវ<br />ភាគី ម្ខាងទៀត លួចបាញ់មួយព្រួញ ចំ-ពោះ ជាប់ឆ្កឹង កាលពីវេលាម៉ោង១០យប់ ថ្ងៃទី២៩ ខែ<br />កញ្ញា ឆ្នាំ២០១៣ ស្ថិតក្នុង ភូមិត្នោត ឃុំថ្មី ស្រុកចិត្របុរី ខណៈជនរងគ្រោះ កំពុងឈរ នោម នៅ<br />គៀនរបងវត្ត ពេលរាំធុងបាស់ចប់ ។ ដោយសារតែស្ថានភាព ធ្ងន់ធ្ងរពេក ជនរងគ្រោះត្រូវដឹក<br />បញ្ជូន មកកាន់មន្ទីរពេទ្យ កាល់ម៉ែត ដើម្បីធ្វើការវះកាត់ ។</p>
<p class="font-null">សាច់ញាតិ ជនរងគ្រោះ ដែលមកកំដរ បានឲ្យដឹងថា ជនរងគ្រោះឈ្មោះ ឆាន សិទ្ធ អាយុ១៩ឆ្នាំ<br /> រស់នៅភូមិ-ឃុំកើត ហេតុខាងលើ ។ សាច់ញាតិ បានបន្តថា នៅយប់កើតហេតុ បន្ទាប់ពីរាំធុង<br />បាស់ចប់ ជនរងគ្រោះបានដើរត្រឡប់ទៅផ្ទះវិញ ហើយពេលកំពុងឈរបត់ជើងតូចក្បែរ របងវត្ត<br />ក៏ត្រូវជនមិនស្គាល់មុខ លួចបាញ់១ព្រួញចំពោះជាប់ឆ្កឹងតែម្តង។</p>
<p class="font-null">ក្រោយកើតហេតុ កម្លាំងសមត្ថកិច្ច មូលដ្ឋាន បានធ្វើការស្រាវជ្រាវ តាមចាប់ជនដៃដល់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-068/Senghou-0373.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>