<p><strong>ភ្នំពេញ ៖</strong> នារីវ័យក្មេងដ៏ស្រស់ស្អាតម្នាក់ ត្រូវបានគេចាប់អារម្មណ៍យ៉ាងខ្លាំង បន្ទាប់ពីនាង បានប្រើប្រាស់ពាក្យសំដីមិនសមរម្យ ទៅលើមិត្តភក្តិដែលលេង ប្រព័ន្ធទំនាក់ទំនង Facebook ជាមួយគ្នា។</p>
<p>នៅពេលដែលរូបភាពរបស់នាង ត្រូវបានបង្ហោះលើគេហទំព័រ Facebook ហើយមិត្តភក្តិ Like និងបញ្ចេញមតិថា «នាងសិចស៊ី និងគួរឲ្យស្រឡាញ់» នោះ ស្រាប់តែនាងបញ្ចេញវីដេអូមួយ ជេរទៅដល់មិត្តភក្តិតែម្តង ដោយភ្ជាប់ជាមួយពាក្យមិនសមរម្យ មើលងាយអ្នកស្រែ ធ្វើឲ្យអ្នកនិយមលេង Facebook ព្រួតគ្នាបញ្ចេញមតិខ្លាំងៗ លើវីដេអូនាងវិញយ៉ាងចាស់ដៃ។</p>
<p>មតិរបស់គណនីមួយ មានឲ្យដឹងថា «ប្រទេសកម្ពុជាសេដ្ឋកិច្ច ៨០ភាគរយ ពឹងផ្អែកលើ កសិកម្ម បើគ្មានអ្នកស្រែនាងក៏មិនមានរូបរាង បានប៉ុណ្ណឹងដែរ ហេតុអីបានជានាង ជេរអ្នកស្រែបែបនេះ»។ រីឯមតិមួយទៀតបានបញ្ចេញថា «នាងជាមនុស្សរៀនបានជ្រៅជ្រះ តែអន់ចារិក និយាយពាក្យសំដី មិនស្មើរនឹងក្មេងរៀនថ្នាក់មតេយ្យផង។ អីចឹងមុននឹងនិយាយ ជេរអ្នកស្រែគួរតែគិតជាមុនសិន ព្រោះអ្នកស្រែក៏ជាមនុស្សដែរ ក៏ចេះខឹងដែរ»។</p>
<p>ទោះបីជាយ៉ាងណាក៏ដោយ យោងតាមវីដេអូនេះ បានបញ្ជាក់យ៉ាងច្បាស់ថា ពាក្យសំដីដែលនាង បានប្រើប្រាស់នោះ ពិតជាមិនសមរម្យនោះទេ ព្រោះគ្រាន់តែជា ជម្លោះផ្ទាល់ខ្លួនតែប៉ុណ្ណោះ នាងមិនគួរប្រើប្រាស់ ពាក្យសំដីជេរសំដៅទៅលើអ្នកស្រែ ទាំងអស់នោះឡើយ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-098/S_0058.jpg" alt="" width="600" /></p>
<p style="text-align: center;"><object width="500" height="400" data="http://www.youtube.com/v/pWb-q8i9zlw&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/pWb-q8i9zlw&rel=1" /></object></p>
<p style="text-align: right;"><br />ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/25171--facebook-video-inside.html"><span style="color: #0000ff;">ដើមអំពិល</span></a></p>