<p><strong>ភ្នំពេញ៖</strong> ខ្សែភាពយន្តបែបកំប្លែង លាយឡំនឹងឈុតឆាក ខ្មោចព្រាយបិសាច ភ័យរន្ធត់ ប្រចាំឆ្នាំ២០១៤ មានចំណងជើងថា "អាព្រឿងងាប់ហើយ" ដែលជាវណ្ណកម្មថ្មីរបស់ផលិតកម្ម មហាហង្ស សហការជាមួយផលិតកម្ម មាតុចក្រហ្វីលម៍ កំពុងតែត្រៀមខ្លួន អង្រួនទីផ្សារភាពយន្ត ក្នុងប្រទេសកម្ពុជា ខណៈរឿងនេះ បានប្រមូលផ្ដុំដោយ ឈុតឆាកប្លែកៗ បែបកំប្លែង ស្នេហាស្រុកស្រែ និងទិដ្ឋភាពល្អៗ ជាច្រើនក្នុងសាច់រឿង ។</p>
<p>ថ្មីៗនេះ ភាពយន្ត "អាព្រឿងងាប់ហើយ.!" ត្រូវបានចេញជាវីដេអូខ្លី ( Trailer) នៅក្នុងយូធូប ហើយតាមរយៈការទស្សនា បានបង្ហាញថា ធានាថា ពិតជាមិនធ្វើឲ្យទស្សនិកជន ទស្សនាខកបំណងឡើយ ។ ខ្សែភាពយន្តនេះត្រូវបានគេដឹងថាកញ្ញា ភិន សុដាលីស បានចាប់ដៃ គ្នាជាលើកដំបូង ជាមួយនឹង តារាសម្តែងជើងយូរ និងទើបតែទទួលបាន រហស្សនាមថ្មីថា "នាយឡប់" លោក ប៉ែន ចំរ៉ុង ។ ប៉ុន្តែពេលនេះ លោក ប៉ែន ចំរ៉ុង ត្រូវបានទទួលងារមួយទៀតហើយ គឺ "អាព្រឿង" បន្ទាប់ពីភាពយន្ត នេះត្រូវបានចាក់បញ្ចាំង ជាផ្លូវការ ។</p>
<p>លោក ហ៊ុយ យ៉ាឡេង ចាងហ្វាងផលិតកម្ម មាតុចក្រហ្វីលម៍ និងជាអ្នកដឹកនាំសម្តែង ធ្លាប់បានថ្លែងឲ្យដឹងថា នេះជាស្នាដៃ ទី១ សម្រាប់ ផលិតកម្មរបស់លោក ដែលបានបង្កើតឡើង អស់រយៈពេលជាងមួយឆ្នាំមកហើយ ។ ខ្សែភាពយន្ត "អាព្រឿងងាប់ហើយ..! " គឺជាស្នាដៃថ្មី ប្លែកពីគេ ដែលលោកតាក់តែងនិពន្ធឡើង ជាយូរមកហើយ ទម្រាំជ្រើសរើសបាន តួសម្ដែង និងដៃគូ ដើម្បីសហការគ្នាថត ។</p>
<p>លោកបានបញ្ជាក់ទៀតថា មូលហេតុដែល ផលិតកម្មរបស់លោក សហការជាមួយផលិតកម្ម មហាហង្ស ព្រោះយល់ថា ផលិតកម្មនេះ មានបទពិសោធន៍ច្រើន ក្នុងការថត និងផលិតខ្សែភាពយន្ត ជាពិសេសមានក្រុមការងារ និងបច្ចេកទេសគ្រប់គ្រាន់ អាចឲ្យលោកសង្ឃឹម យ៉ាងមុតមាំថា ខ្សែភាពយន្តនេះ នឹងទទួលបានជោគជ័យ ៕</p>
<p style="text-align: center;"><object width="488" height="418" data="http://www.youtube.com/v/A1t1Fq_rLlQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/A1t1Fq_rLlQ&rel=1" /></object></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-140/hour-697.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-140/hour-698.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-099/v_0736.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-099/v_0738.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-099/v_0732.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/33664-qq-trailer-video-inside.html" target="_blank">ផ្តល់សិទ្ធដោយ ៖ ដើមអម្ពិល</a></p>