<p><span style="color: #000000;">ព័ត៌មានអន្តរជាតិ ៖ យុទ្ធសាស្រ្ត ស្រីស្អាត ៣ នាក់ បោកប្រាស់ឆ្មាំគុកនោះ ពិតជាបានសម្រេចពិតប្រា កដមែន ដោយបានរំដោះ ក្រុមទណ្ឌិត រាប់សិបនាក់ ចេញពីការជាប់ឃុំឃាំង ក្នុងគុក មួយកន្លែង នៅ ក្នុងប្រទេស ប្រេស៊ីល ។</span></p>
<p><a class="thickbox" title="" href="/FileManager/Commons/2015/2/10/80-10-02-2015--15-09-44.jpg"><img src="/FileManager/Articles/mce/2015/2/10/80-10-02-2015--15-09-44.jpg" alt="" /></a></p>
<p><span style="color: #000000;">សេចក្តីរាយការណ៍ ពីទំព័រ អ័រតេ អោយដឹងថា ក្រុមទណ្ឌិត មានគ្នាដល់ទៅ ២៨ នាក់ បាន ហែកគុក រត់ចេញយ៉ាងងាយស្រួលជាទីបំផុត បន្ទាប់ពីឆ្មាំគុកភាគច្រើន នៅឯពន្ធនាគារ Nova Mutum ជិតក្រុង Cuiaba ភាគកណ្តាលប្រទេស ប្រេស៊ីលនោះ លង់លក់ក្នុងសុបិន្ត ក៏ដូចជា សន្លប់ ស្តូក ស្តឹង ក្រោយ ត្រូវបានពង្វក់ដោយស្រ្តី ៣ នាក់ ដែលពិន័យស្រាពួកគេអស់ជាច្រើន លាយ ឡំ ជាមួយនឹងសារធាតុ ញៀន ក្រោយពីមានការលួងលោម ដោយសន្យាថា នឹងឡើងគ្រែ ជាមួយនឹងគ្នា ។ </span></p>
<p><a class="thickbox" title="" href="/FileManager/Commons/2015/2/10/81-10-02-2015--15-09-54.jpg"><img src="/FileManager/Articles/mce/2015/2/10/81-10-02-2015--15-09-54.jpg" alt="" /></a></p>
<p><span style="color: #000000;">លុះព្រឹកស្អែក បន្ទាប់ពីកើតមានរឿងហេតុ ធ្វេសប្រហែសយ៉ាងដូច្នេះ ក្រុមមន្រ្តីប៉ូលីស ពាក់ព័ន្ធ បាន រកឃើញ ក្រុមបុរសជាឆ្មាំគុក ៣ នាក់នោះ ស្ថិតនៅក្នុងសភាព អាក្រាតកាយ និងដៃ ជាប់ខ្នោះ ខណៈ ក្រោយមកទៀត មន្រ្តីពាក់ព័ន្ធ បានរកឃើញកាបូបមួយ ពោរពេញទៅដោយសម្លៀក បំ ពាក់ ខោក្នុង ស្រ្តី ដែលគេមានជំនឿជាក់អោយដឹងថា ជារបស់ស្រ្តីចិត្តឆើតទាំង ៣ នាក់នោះ ពាក់ កាលពីយប់មិញ វេលាម៉ោង ប្រមាណ ៣ ទាបភ្លឺ ឈានចូល ថ្ងៃ ព្រហស្បត្ត៍ ក្នុងប្រតិបត្តិការ ពង្វក់ ឆ្មាំគុក អោយដួល សន្លប់ ។ </span></p>
<p><a class="thickbox" title="" href="/FileManager/Commons/2015/2/10/82-10-02-2015--15-10-02.jpg"><img src="/FileManager/Articles/mce/2015/2/10/82-10-02-2015--15-10-02.jpg" alt="" /></a></p>
<p><span style="color: #000000;">បន្ថែមពីលើនេះ សេចក្តីរាយការណ៍អោយដឹងថា ជាគ ម្រោង ផែន ការល្អហួស ឆ្មាំទាំង ៣ នាក់ ដួល សន្លប់ ខណៈពុំបានចាំអ្វីទាំងអស់ ថាបានកើតឡើងកាលពីយប់មិញ ក្នុងនោះ ឆ្មាំម្នាក់ នៅធីងធោង នៅឡើយ ព្យាយាមក្រោកពីសន្លប់ ខណៈឆ្មាំម្នាក់ទៀត នៅសន្លប់នៅឡើយ សូម្បីតែសាកសួរចម្លើយ ក៏ពុំទាន់បានផង ក្នុងនោះ សព្វាវុធ មួយចំនួន ក៏បានបាត់បង់ទៅ ដូចគ្នាដែរ ក្រោយពីធ្វេសប្រហែស ជាមួយនឹងរឿងហេតុ មិននឹកស្មានដល់លើកនេះ ក្រុមបុរសជាឆ្មាំគុក ទាំង ៣ នាក់នោះ ត្រូវបានចាប់ ឃាត់ខ្លួន និង រង់ចាំការផ្តន្ទាទោស ទៅលើកំហុសឆ្គងលើកនេះ ។ </span></p>
<p><a class="thickbox" title="" href="/FileManager/Commons/2015/2/10/83-10-02-2015--15-10-10.jpg"><img src="/FileManager/Articles/mce/2015/2/10/83-10-02-2015--15-10-10.jpg" alt="" /></a></p>
<p><span style="color: #000000;">របាយការណ៍បញ្ជាក់បានថា ផែនការដ៏ល្អឥតខ្ចោះលើកនេះ គឺរៀបឡើងដោយ បុរសម្នាក់ជាមិត្តប្រុស ស្រ្តីម្នាក់ក្នុងចំណោម ៣ នាក់ ដែលគាត់កំពុងតែ ជាប់គុក ពីបទ ឧក្រិដ្ឋ ប៉ុនប៉ង សម្លាប់មនុស្ស ប្លន់ និង រក្សាទុក សព្វាវុធ មានជាគ្រឿងផ្ទុះជាដើម ។ ជាមួយនឹង ចំណាត់ ការឆ្លើយតបភ្លាមៗ ក្រុមមន្រ្តី ប៉ូលីស ដែលពាក់ព័ន្ធ បានបើប្រតិបត្តិការតាមចាប់មកវិញ ទ្រង់ ទ្រាយធំ ក្នុងនោះ ទណ្ឌិត ៨ នាក់ ក្នុងចំណោម ២៨ នាក់ដែលលួចរត់ចេញពីគុកនោះ ត្រូវបានចាប់ត្រលប់មកវិញ ៕</span></p>
<p><object width="484" height="415" data="http://www.youtube.com/v/7oUvuvpaVaY&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/7oUvuvpaVaY&rel=1" /></object></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ អ័រតេ </span></p>