<div class="article-content">
<p><strong>កោះកុងៈ</strong> គ្រោះថ្នាក់ចរាចរមួយ បានកើតឡើង គួរឱ្យរន្ធត់ ដោយរថយន្ដដឹកផ្លែឈើនោះ ហោះ<br />ពីលើចុងឈើ ធ្លាក់ចូលជ្រោះ ជម្រៅប្រហែល ៥០ ម៉ែត្រ ធ្វើឱ្យមនុស្សស្លាប់ ៣នាក់ ចំណែករថ<br />យន្ដ ខ្ទេចស្ទើរទាំងស្រុង ។</p>
<p>ហេតុការណ៍នេះ បានកើតឡើង នៅវេលាម៉ោង ១១ និង ២៥ នាទីយប់ ថ្ងៃទី២១ ខែមេសា ឆ្នាំ<br /> ២០១៣ ដែលស្ថិតនៅចំណុច ខាងលិចស្ពានតាតៃ ឃុំតាតៃ ស្រុកកោះកុង ខេត្ដកោះកុង តាម<br />បណ្ដោយផ្លូវជាតិលេខ ៤៨ ។ រថយន្ដដែលធ្លាក់ជ្រោះនោះ ជាប្រភេទរថយន្ដកូរ៉េ ២តោន កន្លះ<br />ពណ៌ខៀវ ពាក់ស្លាកលេខ ភ្នំពេញ 2G 8590 ដែលផ្ទុកផ្លែឈើពេញ ។ ចំណែកឯ ជនរង គ្រោះ<br />ទាំង ៣ នាក់ ដែលបានបាត់បង់ជីវិតនោះ មានឈ្មោះ ចាន់ ដារារិទ្ធិ ហៅ តួ ភេទប្រុស អាយុ <br />៣៥ ឆ្នាំ មានទីលំនៅ ភូមិ ៣ សង្កាត់ស្មាច់មានជ័យ ក្រុងខេមរភូមិន្ទ ខេត្ដកោះកុង-ឈ្មោះ វ៉ា ភេទ<br />ប្រុស អាយុ ៣៤ឆ្នាំ មានទីលំនៅ ភូមិឃុំជាមួយគ្នា ចំណែកជនរងគ្រោះម្នាក់ទៀត ពុំស្គាល់ឈ្មោះ។</p>
<p>លោក ស៊ុន ឃៀម អធិការនគរបាល ស្រុកកោះកុង បានឱ្យភ្នាក់ងារ ដើមអម្ពិលដឹង នៅព្រឹក ថ្ងៃ<br />ទី២២ ខែមេសា នេះថា រថយន្ដដែលគ្រោះថ្នាក់ ខាងលើ នេះ គឺបើកបរដោយឈ្មោះ ចាន់ ដារារិទ្ធិ <br />ហៅ តួ ដឹកផ្លែឈើពីកោះកុងទៅភ្នំពេញ ហើយបើកបរក្នុងល្បឿនលឿន ហើយពេលមកដល់ត្រង់<br />ចំណុចនោះ ផ្លូវកោង ចុះចំណោទទៀត ចាប់ហ្រ្វាំងមិនទាន់ ក៏ហោះពីចុងឈើចូលជ្រោះតែម្ដង<br />ហើយមនុស្សដែលនៅក្នុងកាបីនទាំង ៣ នាក់ ស្លាប់ទាំងអស់ ចំណែក រថយន្ដត្រូវខ្ទេចបាសជើង<br />ឡើងលើ ។</p>
<p>លោកអធិការបានបន្ដថា ចំណែកជនរងគ្រោះទាំង ៣ នាក់ សមត្ថកិច្ចលោកកំពុងយកអេស្កាទ័រ<br />កាយ ដើម្បីយកសពចេញពីក្នុងរថយន្ដ ។</p>
<p>ជាចុងក្រោយ លោកសូមអំពាវនាវ ដល់អ្នកបើកបរទាំងអស់ ឱ្យមានការប្រុងប្រយ័ត្ន កុំបើកបរក្នុង<br />ល្បឿនលឿន ហួសកំណត់ ហើយឱ្យមាន ការប្រុងប្រយ័ត្នជានិច្ច មុនពេលបើកបរ ពីព្រោះផ្លូវជាតិ<br />លេខ ៤៨ នេះ មានចំណោទច្រើន មានផ្លូវបទច្រើន ត្រូវតែប្រុងប្រយ័ត្ន ទាំងអស់គ្នា ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/April/id-015/T-0500.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0502.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0503.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0504.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>