<div class="article-content">
<p><strong>ភ្នំពេញ ៖</strong> រថយន្ដកុងតឺន័រ ដឹកស៊ីម៉ងត៍ពេញមួយគ្រឿង នៅពេលដែលថយគូថ ដាក់ស៊ីម៉ងត៍<br />ឱ្យផ្ទះលក់ស៊ីម៉ងត៍ ឆាយ វ៉ាន់ហាត ស្ថិតនៅតាមបណ្ដោយផ្លូវ ២៧១ មុខផ្សារហេង លី ក្នុង<br />ខណ្ឌទួលគោក បានដាច់កាឡេ រួចហើយ រអិលទៅមុខ ជ្រុលបុករបាំងថ្មចែកទ្រូងផ្លូវ បណ្ដាល<br />ឱ្យបាក់អស់៣កង់ ហើយបង្កឱ្យស្ទះចរាចរជាង ១ម៉ោង តាំងពី ចំណុចស្ពានអាកាស៧មករា <br />រហូតមកដល់ចំណុចកើតហេតុ ។</p>
<p>មន្ដ្រីនគរបាលចរាចរជើងគោក ដែលចុះទៅជួយ អន្ដរាគមន៍ គ្រោះថ្នាក់ចរាចរនេះ បានឱ្យដឹងថា<br /> កាលពីវេលាម៉ោង ១០និង៣០នាទី ព្រឹកថ្ងៃទី២៣ ខែកុម្ភៈ ឆ្នាំ ២០១៣នេះ រថយន្ដកុងតឺន័រ ដឹកស៊ី<br />ម៉ងត៍ពេញមួយគ្រឿង ពណ៌ខៀវ ពាក់ស្លាកលេខ ភ្នំពេញ ៣អា១២៧៨ បាន ថយគូថ ដាក់ស៊ីម៉ងត៍<br /> ស្រាប់តែពេលនោះដាច់កាឡេ ធ្វើឱ្យរថយន្ដរអិលទៅមុខ បុករបាំងថ្មចែកទ្រូងផ្លូវ បណ្ដាលឱ្យបាក់<br />អស់៣កង់ ។</p>
<p>មន្ដ្រីនគរបាលចរាចររូបនេះបានបន្ដថា ក្រោយកើតហេតុ ដោយសារតែរថយន្ដធំ ហើយដាច់កាឡេ<br />ទៅមុខលែងរួច នៅកាត់ទទឹងផ្លូវ ធ្វើឱ្យកកស្ទះចរាចរយ៉ាងខ្លាំង ប៉ុន្ដែត្រូវបានកម្លាំងនគរបាលចរាចរ<br />ជើងគោក និងកម្លាំងសមត្ថកិច្ចមូលដ្ឋាន ជួយបញ្ជាចរាចរ ដោយឱ្យរថយន្ដធំៗធ្វើដំណើរផ្លូវផ្សេង <br />ពោល អនុញ្ញាតឱ្យតែរថយន្ដធុនតូច និងម៉ូតូឆ្លងកាត់ទីនោះ។</p>
<p>យ៉ាងណាក៏ដោយ រហូតមកដល់វេលាម៉ោង១១និង៤០នាទី ព្រឹកថ្ងៃដដែលនេះ រថយន្ដកុងតឺន័រមិន<br />ទាន់ត្រូវបានស្ទូច និងបើកចេញ នៅឡើយទេ ដោយរង់ចាំអ្នកបើករថយន្ដ ទៅទិញកាឡេថ្មី យកមក<br />ប្ដូរផ្លាស់ ៕</p>
<p style="text-align: center;"><img src="http://111.92.240.170:81/dap-news/dap-images/2013/February/id-079/nak-350.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-079/nak-351.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-079/nak-352.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-079/nak-353.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-079/nak-354.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-079/nak-355.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-079/nak-356.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>