<div class="article-content">
<p><strong>ភ្នំពេញ ៖</strong> សំណុំរឿង ថៅកែស្រីជា ភរិយារបស់ឧកញ៉ា វេង លីតិចឡា វាយធ្វើ បាបអ្នកបម្រើ<br /> យ៉ាងឃោរឃៅនោះ ឥឡូវ ត្រូវសមត្ថកិច្ច កសាងសំណុំរឿងបញ្ជូនទៅ កាន់តុលាការហើយ<br /> ខណៈដែលថៅកែស្រី រងនូវការចោទប្រកាន់ខាងលើ មិនព្រម ចូលខ្លួនទៅបំភ្លឺ នៅចំពោះមុខ<br />សមត្ថកិច្ច រួចមក ។</p>
<p>សំណុំរឿងខាងលើនេះ ត្រូវបានសមត្ថ កិច្ចនាយកដ្ឋាន ប្រឆាំងអំពើជួញដូរមនុស្ស និងការពារ<br />អនីតិជន ក្រសួងមហាផ្ទៃបញ្ជូន ទៅកាន់តុលាការហើយ កាលពីថ្ងៃទី១៨ ខែមីនា ឆ្នាំ ២០១៣<br /> កន្លងទៅនេះ បន្ទាប់ពី សមត្ថកិច្ច បើកធ្វើការស្រាវជ្រាវ និង កសាងសំណុំរឿង អស់រយៈពេល<br />ជិត ១ ខែរួចមក ។</p>
<p>ប្រភពពីសមត្ថកិច្ច បានឱ្យដឹងថា សំណុំ រឿងខាងលើនេះ សមត្ថកិច្ចសម្រេចធ្វើការ ចោទប្រកាន់<br />តែឈ្មោះ លី ពៅ ជាភរិយា ឧកញ៉ា វេង លីតិចឡា តែម្នាក់ប៉ុណ្ណោះ ពី បទ ធ្វើទារុណកម្មលើ<br />អនីតិជន និងកេង ប្រវ័ញ្ចកម្លាំងពលកម្ម លើក្មេងស្រី ។ ដោយឡែកលោកឧកញ៉ា វេង លីតិចឡា<br /> ដែលជាមេគ្រួសារនៅក្នុងផ្ទះ មានរឿងរ៉ាវខាងលើនេះ មិនត្រូវបានសមត្ថ កិច្ច ធ្វើការចោទប្រកាន់<br />នោះទេ ។ ប៉ុន្ដែ គេ អះអាងថា ពេលសំណុំរឿងទៅដល់តុលា ការ ប្រសិនបើតុលាការធ្វើការ<br />ស្រាវជ្រាវ រកឃើញបទល្មើសពាក់ព័ន្ធនោះ តុលាការ អាចនឹងចេញដីកាកោះហៅ ទៅបំភ្លឺ ឬក៏ <br />ចោទប្រកាន់បាន ។</p>
<p>គួរបញ្ជាក់ថា ក្រោយផ្ទុះរឿងរ៉ាវអំពើ ហិង្សា ទៅលើអ្នកបម្រើស្រីខាងលើរួចមក សមត្ថកិច្ច<br />ក្រសួងមហាផ្ទៃ បានបើកការ ស៊ើបអង្កេត រួចហើយកោះហៅគ្រួសារប្ដី- ប្រពន្ធខាងលើ<br /> ហើយនៅថ្ងៃទី០១ ខែមីនា សមត្ថកិច្ចបានកោះហៅឧកញ៉ា វេង លីតិច ឡា ឱ្យចូលខ្លួនទៅ<br />បំភ្លឺ ដោយលោកបាន ចូលខ្លួនទៅបំភ្លឺ តាមការកោះហៅដោយ មិនមានការគេចវេសនោះទេ ។ <br />ប៉ុន្ដែ ខណៈ ឆ្លើយបំភ្លឺ នៅចំពោះមុខសមត្ថកិច្ច លោក បានធ្វើការបដិសេធ មិនមានជាប់ពាក់ព័ន្ធ<br /> ទៅនឹងអំពើហិង្សា លើអ្នកបម្រើនោះ ឡើយ ហើយស្ដ្រីរងគ្រោះទាំង ២នាក់ ក៏បានអះអាងថា<br /> លោកឧកញ៉ា មិនបាន វាយធ្វើបាបខ្លួននោះដែរ អ្នកវាយធ្វើបាប ធ្វើទារុណកម្មរាល់ថ្ងៃនោះ <br />គឺឈ្មោះ លី ពៅ ជាភរិយារបស់លោកតែប៉ុណ្ណោះ តែឈ្មោះ លី ពៅ ខណៈសមត្ថកិច្ចកោះហៅ <br />ឱ្យចូល ខ្លួនទៅបំភ្លឺ គឺមិនព្រមចូលទៅឡើយ ដែល បច្ចុប្បន្នកំពុងតែរត់គេចខ្លួន ទំនងជាគេច <br />ចេញទៅក្រៅប្រទេសទៀតផង ។</p>
<p>សូមបញ្ជាក់ថា ក្មេងស្រីចំនួន ២នាក់ ដែលជាអ្នកបម្រើ នៅភូមិគ្រឹះខាងលើបាន រត់ចេញពីផ្ទះ <br />ដោយមានស្នាមរបួសពេញ ខ្លួន បន្ទាប់ពីពួកគេមិនអាចទ្រាំតទៅទៀត បាន ចំពោះការធ្វើទារុណ<br />កម្មយ៉ាងព្រៃផ្សៃ ជាទីបំផុត ពីសំណាក់ភរិយាលោកឧកញ៉ា ឈ្មោះ លី ពៅ ក្រោយពេលដែល<br />ក្មេងស្រី ទាំង ២នាក់នេះ ត្រូវបានម្ចាស់ភូមិគ្រឹះយក មកឱ្យបម្រើ នៅភូមិគ្រឹះខាងលើអស់រយៈ <br />ពេលជាង ១០ឆ្នាំ ៕</p>
<p style="text-align: center;"><img src="http://111.92.240.170:81//dap-news/dap-images/2013/March/id-007/pheak-0454.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/pheak-0455.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/pheak-0456.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/pheak-0457.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/pheak-0458.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/pheak-0459.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>