<div class="article-content">
<p><strong>ភ្នំពេញ ៖</strong> អ្នកនាំពាក្យ ក្រសួងការ បរទេសកម្ពុជា លោក កុយ គួង បានថ្លែង អះអាង នៅថ្ងៃសុក្រ<br /> ទី០៥ ខែមេសា ឆ្នាំ ២០១៣ ថា ភាពតានតឹងនៅឧបទ្វីបកូរ៉េ នឹងមិនអាចមានការផ្ទុះសង្គ្រាមនោះទេ<br /> ហើយកម្ពុជាក៏មិនបានត្រៀមលក្ខណៈ សម្រាប់ការជម្លៀសនោះដែរ ទោះបីជា មានប្រទេសខ្លះ ប្រ-<br />កាសពីការត្រៀម ជម្លៀសប្រជាជនរបស់គេ ចេញពីប្រទេស កូរ៉េខាងត្បូង ។</p>
<p>ថ្លែងប្រាប់មជ្ឈមណ្ឌល ព័ត៌មានដើម អម្ពិល លោក កុយ គួង បានមានប្រសាសន៍ ថា “មកទល់ពេល<br />នេះ យើងនៅតែយល់ថា ជាសង្គ្រាមពាក្យសំដី សង្គ្រាមស្លាបប៉ាកា។ យើងអត់ទាន់បានគិតដល់ <br />(ជម្លៀសប្រជា ជនកម្ពុជានៅកូរ៉េខាងត្បូង)នៅឡើយទេ។ ខ្ញុំគិតថា ប្រសិនបើសង្គ្រាមពិតជាផ្ទុះឡើង<br /> មែន នោះនឹងបង្កឱ្យមានវិនាសកម្មដ៏ធំធេង នៅក្នុងទ្វីបកូរ៉េនោះឯង”។</p>
<p>យោងតាមគេទំព័រ The Nation របស់ថៃ នៅថ្ងៃ សុក្រ ទី ៥ ខែ មេសា ឆ្នាំ ២០១៣ នេះបានឲ្យដឹងថា<br /> លោក ប្រាដឺមឆៃ សាស៊ុមស័ព្ទ រដ្ឋមន្ត្រីក្រសួងការងារថៃ បានថ្លែងថា រដ្ឋាភិបាលថៃ បានយកចិត្តទុក<br />ដាក់យ៉ាងខ្លាំង ចំពោះពលករថៃ ដែលកំពុងរស់នៅ ក្នុងប្រទេសកូរ៉េខាងត្បូង បន្ទាប់ពីស្ថានការណ៍<br />នៅឧបទ្វីបកូរ៉េ កំពុងតែមានភាពតានតឹងឡើងៗ ដោយកូរ៉េខាងជើង បានប្រកាសថា បានត្រៀមរួច<br />ជាស្រេច ក្នុងការរធ្វើសង្គ្រាម ជាមួយកូរ៉េខាងត្បូង។<br /> <br /> ក្រសូងការងារថៃ បានរាយការណ៍ពីតួលេខប្រជាពលរដ្ឋថៃ រស់នៅកូរ៉េខាងត្បូង មានចំនួន ប្រមាណ<br /> ៤,៣ ម៉ឺននាក់ ក្នុងនោះរួមមាន ពលករស្រប និង ខុសច្បាប់ មន្រ្តីរាជការ និងដទៃទៀត។</p>
<p>បើតាមអគ្គនាយករដ្ឋបាល និងហិរញ្ញវត្ថុ និងជាប្រធានអង្គភាពរដ្ឋបាល និងហិរញ្ញវត្ថុ នៃគណៈកម្មា<br />ធិការបញ្ជូនពលករ ទៅក្រៅប្រទេសនៃ ក្រសួងការងារលោក ហេង សួរ បានប្រាប់ឲ្យដឹងថា រហូត<br />មកទល់ពេលនេះ ពលករកម្ពុជាដែលកំពុងបម្រើការ នៅក្នុងប្រទេសកូរ៉េខាងត្បូង មានប្រហែលជា <br />២០.០០០នាក់៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0122.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>