<p><span style="color: #000000;"><strong>ភ្នំពេញៈ</strong> តារាចម្រៀង ប្រចាំផលិតកម្ម ហង្សមាស លោក សាពូន មីដាដា នៅពេលថ្មីៗនេះ បានជួបទុកសោក ក្រៀមក្រំយ៉ាងធំ ដោយសារតែបងប្រុស ជាទីស្រលាញ់ របស់លោក គឺលោក សាពូន នីទីតា បានទទួលមរណភាព កាលពីល្ងាចថ្ងៃទី២៨ ខែមករា ម្សិលមិញនេះ ព្រោះតែរោគគាំងបេះដូង ពេលកំពុងបើករថយន្ត។</span></p>
<p><span style="color: #000000;">លោក សាពូន មីដាដា បានរៀបរាប់ប្រាប់ LookingTODAY ឲ្យដឹងនៅថ្ងៃទី២៩ ខែមករា ឆ្នាំ២០១៥នេះថា លោកនិងក្រុមគ្រួសារ មានអារម្មណ៍ សោកស្តាយ និងរន្ធត់ចិត្តជាខ្លាំង នៅពេលដែល បានទទួលព័ត៌មានថា បងប្រុសរបស់ខ្លួន ត្រូវបានស្លាប់ ដោយសារតែជំងឺគាំងបេះដូង ខណៈដែលកំពុងតែធ្វើដំណើរ នៅតាមផ្លូវជាមួយមិត្តភក្តិ។ នៅពេលដែលទទួល បានដំណឹងនេះភ្លាម លោកស្ទើរតែមិនជឿ ព្រោះថាបងប្រុសលោក មានសុខភាពល្អ មិនដែលឈឺអ្វីទេ កន្លងមក ។</span></p>
<p><span style="color: #000000;">លោក សាពូន មីដាដា បានប្រាប់ទាំងអារម្មណ៍ក្តុលក្តួលទៀតថា “ខ្ញុំរន្ធត់ចិត្ត និងពិបាកធ្វើចិត្ត ទទួលយកមែនទែន ពេលដឹងដំណឹងថា បងប្រុសខ្ញុំ គាត់ទទួលមរណភាព បើសិនជាបងខ្ញុំគាត់ធ្លាប់ មានជំងឺព្យាបាល ខ្ញុំមិនសូវរន្ធត់ទេ ព្រោះថា យើងដឹងថាគាត់ឈឺ និងអាចសម្រួលអារម្មណ៍ ធ្វើចិត្តបានខ្លះ តែនេះកន្លងមក គាត់មិនធ្លាប់ឈឺអ្វីឡើយ គាត់មានសុខភាពល្អ តែនៅសុខៗ បែរជាគាំងបេះដូង ស្លាប់ភ្លាមៗបែបនេះទៅវិញ” ។</span><br /><span style="color: #000000;">តារាចម្រៀងរូបនេះ បានប្រាប់ទៀតថា “ខ្ញុំមានអារម្មណ៍សោកសង្រេងខ្លាំងណាស់ រកអ្វីប្រៀបផ្ទឹម មិនបានទេ ដែលនៅសុខៗក្មួយៗទាំង៣ ត្រូវមកកំព្រាឪពុកលឿនបែបនេះ ហើយគ្រាន់តែទទួលបានដំណឹងភ្លាម បងថ្លៃខ្ញុំ គាត់យំឡើងសន្លប់បាត់ស្មារតី ហើយចំណែកខ្ញុំ និងគ្រួសារក៏រំជួលចិត្ត មិនចាញ់គាត់(បងថ្លៃ)ដែរ”។</span></p>
<p><span style="color: #000000;">តារាចម្រៀងកំពុងជួបទុក្ខធំ រូបនេះ បានប្រាប់ឲ្យដឹងបន្ថែមទៀតថា ពេលនេះសពតម្កល់ធ្វើបុណ្យ នៅវត្តកោះ ហើយការបូជាសព និងធ្វើនៅថ្ងៃទី៣០ ខែមករាស្អែកនេះ ។ ចំណែកពិធីបុណ្យ៧ថ្ងៃ និង១០០ថ្ងៃ គឺនឹងប្រារព្ធធ្វើឡើង នៅថ្ងៃទី២ ខែកុម្ភៈខាងមុខនេះ ។ ព័ត៌មានក៏ជាការ គោរពអញ្ជើញ ដល់សិល្បករ-សិល្បការិនី ក៏ដូចជាញាតិមិត្តជិតឆ្ងាយ ចូលរួមរំលែកទុក្ខ ដ៏មហាក្រៀមក្រំនេះ ជាមួយក្រុមគ្រួសារ របស់លោក សាពូន មីដាដា ឲ្យបានគ្រប់ៗគ្នា ។</span></p>
<p><span style="color: #000000;">គេហទំព័រ LookingTODAY ក៏សូមចូលរួមរំលេកទុក្ខ ចំពោះក្រុមគ្រួសារ លោក សាពូន មីដាដា និងគ្រួសារបងប្រុស របស់លោក និងសូមឲ្យវិញ្ញាក្ខន្ធ នេះបានទៅកាន់សុគតិភព កុំបីឃ្លៀងឃ្លាតឡើយ។</span></p>
<p><span style="color: #000000;">គួរបញ្ជាក់ថា កាលពីថ្ងៃទី០៣ ខែមេសា ឆ្នាំ២០១៤ បងប្រុសបង្កើត របស់តារាសម្ដែង សឿ សុធារ៉ា លោក សឿ រ៉ាវុធ អាយុ៣៤ឆ្នាំ ដែលត្រូវបានមជ្ឈដ្ឋាន អ្នកសិល្បៈស្គាល់តាមរយៈ ជំនាញផាត់មុខ ដ៏ប៉ិនប្រសព្វនោះ ក៏បានទទួលមរណភាព ដោយជំងឺគាំងបេះដូង នេះដែរ ខណៈដែលលោកកំពុងតែលេង Facebook នៅក្នុងផ្ទះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/29/91-29-01-2015--14-30-40.jpg"><img src="/FileManager/Articles/mce/2015/1/29/91-29-01-2015--14-30-40.jpg" alt="" /></a></span></p>
<p><a class="thickbox" title="" href="/FileManager/Commons/2015/1/29/92-29-01-2015--14-30-49.jpg"><img src="/FileManager/Articles/mce/2015/1/29/92-29-01-2015--14-30-49.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/1/29/91-29-01-2015--14-30-40.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>