<div>ដូចដែលបានដឹងរួចមកហើយថា ប៉ុន្មានថ្ងៃកន្លងទៅថ្មីៗនេះ តារាបាល់ទាត់អាហ្សង់ទីន គឺ<br />កីឡាករ Lionel Messi និងឪពុករបស់គាត់គឺ លោក Jorge Horacio បាន និងកំពុងស្ថិតក្នុង<br />ស្ថានភាពមិនល្អមួយ ក្រោយពីត្រូវបានចោទប្រកាន់ ទោសកំហុសក្នុងការគេចពន្ធ ជាមួយ<br />ចំនួនទឹកប្រាក់ ៥,៣ លានដុល្លារ។</div>
<div></div>
<div>ប្រភពព័ត៌មានជាច្រើនបានឲ្យដឹងថា ទោសគេចពន្ធធ្ងន់ធ្ងរបំផុត នឹងត្រូវជាប់គុករយះពេល<br />៦ឆ្នាំ។ ប៉ុន្តែចំពោះ Messi អ្នកជំនាញពីហិរញ្ញវត្ថុកីឡា គឺលោកសាស្រ្តាចារ្យ Sandialo Gomez<br />នៃមហាវិទ្យាល័យ Navarra បានឲ្យដឹងថា ករណីរបស់ Messi មិនទាន់ធ្ងន់ធ្ងរ ដល់ថ្នាក់ត្រូវ<br />មានទោសដល់ជាប់ "ដេកគុក" នោះឡើយ។</div>
<div></div>
<div>
<div>លោក Gomez បានបញ្ជាក់ថា បើសិនជាមានទោសមែន Messi គឺគ្រាន់តែត្រូវផាកពិន័យ <br />ចំនួន ទឹកប្រាក់ ១៥០% នៃចំនួនគេចពន្ធ ពោលគឺ ត្រូវបង់ប្រាក់ប្រហែលជាង ១០ លាន<br />ដុល្លារ ប៉ុណ្ណោះ។ ចំនួនទឹកប្រាក់នេះ ប្រាកដជាមិនមែនជាចំនួនធ្ងន់ធ្ងរអ្វី បើប្រៀបនឹង<br />ប្រាក់ចំណូលរបស់ Messi នៅ Barcelona ក្នុងបណ្តាឆ្នាំកន្លងទៅទេ។</div>
<div></div>
<div><a class="thickbox" title="" href="/FileManager/Commons/2013/6/15/messi-chi-can-bo-200-ty-dong-de-chuoc-an-tu-15-06-2013--08-54-15.jpg"><img src="/FileManager/Articles/mce/2013/6/15/messi-chi-can-bo-200-ty-dong-de-chuoc-an-tu-15-06-2013--08-54-15.jpg" alt="" /></a></div>
<div></div>
<div>ទន្ទឹមនឹងនោះ កាលពីថ្ងៃម្សិលមិញនេះ ប្រធានក្លឹប Barcelona គឺលោក Sandro Rosell បានមាន<br />ប្រតិកម្មជាលើកដំបូង ដោយគាំទ្រកីឡាកររបស់ខ្លួន។ លោកបាននិយាយថាៈ “ខ្ញុំបាននិយាយជា<br />មួយ Messi និងគ្រួសាររបស់គាត់ថា សូមឲ្យស្ងប់ចិត្ត កុំព្រួយបារម្ភអ្វី។ ក្លឹបមិនមានការសង្ស័យអ្វី <br />ពីទោសកំហុសរបស់គាត់ឡើយ។ Barcelona នឹងនៅឈរពីក្រោយ កីឡាកររបស់ខ្លួនជានិច្ច បើ<br />ទោះជាមានរឿងអ្វីកើតឡើងក៏ដោយ" លោកប្រធាន Barcelona ចែករំលែកឲ្យដឹង ៕</div>
<div></div>
<div style="text-align: right;">ដោយ៖ សិលា<br />ប្រភព៖ K14</div>
</div>