<p>ព័ត៌មានអន្តរជាតិ ៖ ក្រុមសកម្មប្រយុទ្ធ ផ្តាច់រដ្ឋ អ៊ីស្លាមជ្រុលនិយម បានចេញផ្សាយនូវវីដេអូ អនឡាញ មួយបញ្ជាក់អោយដឹង ស្តីពីវិនាទី កាត់ក្បាល អ្នកកាសែតម្នាក់ របស់ សហរដ្ឋ អាមេរិក ឈ្មោះ James Foley ក្រោយពីគាត់បានបាត់ខ្លួនតាំងពី ឆ្នាំ២០១២ មកម្ល៉េះ នេះបើតាមការអោយដឹង ពីទំព័រប៊ីប៊ីស៊ី ។</p>
<p>ក្រុមសកម្មប្រយុទ្ធ ផ្តាច់រដ្ឋ អ៊ីស្លាមជ្រុលនិយម IS បានបញ្ជាក់ក្តែងៗ អោយ ដឹងថា ករណីសម្លាប់អ្នក កាសែតលើកនេះ គឺជាការសងសឹក ទៅនឹងប្រតិបត្តិការ វាយប្រហារ តាម អាកាស របស់សហរដ្ឋអាមេ រិក ប្រឆាំងទៅលើក្រុមសកម្មប្រយុទ្ធរបស់ខ្លួន ។</p>
<p><a class="thickbox" title="" href="/FileManager/Commons/2014/8/20/09-20-08-2014--09-50-41.jpg"><img src="/FileManager/Articles/mce/2014/8/20/09-20-08-2014--09-50-41.jpg" alt="" /></a></p>
<p>លោកស្រី Diane ត្រូវជាម្តាយ លោក Foley គូសបញ្ជាក់នៅលើទំព័រ ហ្វេសប៊ុក អោយដឹងថា លោកស្រី ពិតជាមានមោទនភាព ចំពោះកូនលោកស្រីជាខ្លាំង ខណៈពេល ដែលគាត់ បាន ចំណាយ អាយុជីវិត របស់គាត់ ព្យាយាម បង្ហាញពិភពលោក ពីភាពឈឺចាប់ របស់ ក្រុមពលរដ្ឋ ស្លូតត្រង់ នៅក្នុងប្រទេស ស៊ីរី ។</p>
<p>ដោយឡែក សេតវិមាន គូសបញ្ជាក់អោយដឹងថា បើសិន ណា វីដេអូនេះ វាពុំមែនជាការខ្លែងបន្លំ នោះ ទេ អាមេរិកពិតជារងនូវការរន្ធត់ជាខ្លាំង ។ " លោកស្រី <span class="quote-credit">Caitlin Hayden អ្នកនាំពាក្យ តំណាងអោយ នា យកដ្ឋានសន្តិសុខ សហរដ្ឋអាមេរិក បើសិនណា វីដេអូនោះ ជារឿងពិត ច្បាស់ណាស់ ពួកយើងពិតជា ត្រូវបានបំភ័យ ដោយការសម្លាប់យ៉ាងសាហាវ ទៅលើ អ្នកកាសែត អាមេរិក មួយរូប ដែលពុំបានដឹងអ្វី ទាល់តែសោះ </span> " ។</p>
<p><span>គួរបញ្ជាក់ថា លោក Foley គឺជាអ្នកកាសែត បម្រើការអោយ America's Global Post ក៏ដូចជាប្រព័ន្ធ ផ្សព្វផ្សាយមួយចំនួនទៀត រួមមានដូចជា ទីភ្នាក់ងារសារព័ត៌មានបារាំង AFP ជាដើម ៕</span></p>
<p style="text-align: right;">ប្រែសម្រួល ៖ កុសល<br />ប្រភព ៖ ប៊ីប៊ីស៊ី</p>