<div class="article-content">
<p><strong>ខេត្តកណ្តាលៈ</strong> បុរសម្នាក់ ដោយសារតែបាត់ ស្បៃមុង មិនដឹងជាអ្នកណា លួចទៅបាត់ ហើយ<br />សង្ស័យទៅលើប្អូនថ្លៃ ក៏បានសួរនាំមើល ស្រាប់តែប្អូនថ្លៃ ច្រឡោតខឹង ទាញកាំបិតប៉័ង តោគប់<br />និង កាប់ចិញ្រ្ចាំឡើងស្ទើរតែសុះសាច់ បណ្តាលឲ្យរងរបួសធ្ងន់ ។ ហេតុការនេះ កើតឡើងកាល<br />ពីល្ងាចថ្ងៃទី០២ ខែកក្កដា ឆ្នាំ២០១៣ស្ថិត នៅក្នុងភូមិព្រែកតាជ័រ ឃុំស្វាយប្រទាល ស្រុកស្អាង<br /> ខេត្តកណ្តាល ។</p>
<p>លោក សេង សុជាតិ អធិការ នគរបាល ស្រុកស្អាង បានឲ្យដឹងថា ជនដៃដល់ ដែលត្រូវឃាត់ខ្លួន<br /> នោះមាន ឈ្មោះ តឹក លី ភេទប្រុស អាយុ២៥ឆ្នាំ មានមុខរបរជាកសិករ មានទីលំនៅក្នុងភូមិ ឃុំ<br />កើតហេតុ ត្រូវ ជាប្អូនថ្លៃជនរងគ្រោះ រីឯជនរងគ្រោះមានឈ្មោះ ឃុន កៃ ភេទប្រុសអាយុ៤៦ឆ្នាំ<br />មានមុខរបរជាកសិករ រស់នៅក្នុងភូមិ ឃុំកើតហេតុជាមួយគ្នា ។</p>
<p>លោកបានបន្តថា មុនពេលកើតហេតុ ជនរងគ្រោះបានបាត់ស្បៃមុង របស់ខ្លួន ដែលធ្លាប់ប្រើ<br />ប្រាស់រាល់ ថ្ងៃមិនដឹងជាអ្នកយកហើយ ក៏បានទៅសួរនាំប្អូនថ្លៃ ក្រែយកទៅប្រើ ប៉ុន្តែប្អូនថ្លៃ <br />បែរជាខឹងសប្បាយយ៉ាង ខ្លាំងស្ទុះចូល ទៅក្នុងផ្ទះទាញកាំបិតប៉័ងតោមកកាន់ ពេលនោះជន<br />រងគ្រោះភ័យ ក៏រត់សំដៅទៅផ្ទះ ប៉ុន្តែរត់បាន៤ទៅ៥ ជំហាន ក៏ត្រូវជនដៃ ដល់គប់កាំបិទ ចំ<br />បាត់ជើងខាងស្តាំ ធ្វើឲ្យជនរងគ្រោះដួលទៅនឹងដីពេលជនដៃដល់ បានស្ទុះទៅយកកាំបិតកាប់<br />ចាំប៉េះគូថ ចង្កេះ ក្បាលជាច្រើនកាំបិត បណ្តាលឲ្យរង របួសធ្ងន់ ។ ភ្លាមៗនោះត្រូវលោកបញ្ជា<br />ឲ្យកម្លាំងនគរបាលប៉ុស្តិ៍ ចុះទៅឃាត់ខ្លួន ជនដៃដល់បានភ្លាមៗ និងដកហូតវត្ថុតាង បានជាក់<br />ស្តែងកាំបិតប៉័ងតោ១ រួចហើយកសាងសំណុំរឿងបញ្ជូនទៅស្នងការដ្ឋាន ដើម្បីចាត់ការបន្ត ។</p>
<p>ចំណែកជនរងគ្រោះ ត្រូវក្រុមគ្រួសារ ដឹកយកទៅសម្រាកព្យាបាល ឯមន្ទីរពេទ្យបង្អែក ស្រុក<br />ស្អាង ដើម្បី ជួយ សង្គ្រោះអាយុជីវិតបន្ទាន់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0018.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>