<p>ព័ត៌មានអន្តរជាតិ ៖ យោងតាមសារព័ត៌មានសិង្ហបុរី មួយបានចេញផ្សាយនៅថ្ងៃពុធ ទី២០ ខែសីហា នេះថា ក្រុម វេជ្ជបណ្ឌិត វៀតណាម កំពុងធ្វើការពិនិត្យ យ៉ាងយកចិត្តទុកដាក់ បំផុតលើជនជាតិ នីហ្សេរីយ៉ា ២នាក់ បន្ទាប់ពីពួកគេធ្វើដំណើរ ទៅ ដល់ទីក្រុង ហូជីមិញ ដោយពាំនាំមកជាមួយ នូវ អាការៈ គ្រុនក្តៅ ដូចករណីបុរសសង្ស័យ នៅ មីយ៉ាន់ម៉ាដែរនោះ, នេះបើតាមការដកស្រង់ ប្រភពពី ក្រសួងសុខាភិបាលវៀតណាមកាលពីថ្ងៃអង្គារ។</p>
<p><a class="thickbox" title="" href="/FileManager/Commons/2014/8/21/ebola-stuff-21-08-2014--14-08-12.jpg"><img src="/FileManager/Articles/mce/2014/8/21/ebola-stuff-21-08-2014--14-08-12.jpg" alt="" /></a></p>
<p>ជនជាតិនីហ្សេរីយ៉ា ២ នាក់ ខាងលើនេះ ត្រូវបានក្រុមគ្រូពេទ្យទីក្រុងហូជីមិញ ធ្វើការពិនិត្យ បឋម រួចរាល់ ដោយមិនបានបង្ហាញសញ្ញាអ្វីផ្សេងក្រៅពីគ្រុនក្តៅនោះទេ ប៉ុន្តែ ពួកគេត្រូវ បាន បញ្ជូនបន្ត ទៅកាន់មន្ទីរពិនិត្យ និង ព្យាបាល រោគឆ្លង ស្ថិតនៅភាគខាងត្បូងទីក្រុង ហូជីមិញ បន្ថែមទៀត ដើ ម្បី តាមដានមើលការវិវឌ្ឍនៃជំងឺថាវាអាចជាវីរុស Ebola មែនឬអត់នោះ។</p>
<p><a class="thickbox" title="" href="/FileManager/Commons/2014/8/21/ebola-spanish0-21-08-2014--14-08-25.jpg"><img src="/FileManager/Articles/mce/2014/8/21/ebola-spanish0-21-08-2014--14-08-25.jpg" alt="" /></a></p>
<p>គួរបញ្ជាក់ផងដែរថា ជើងហោះហើរដឹកអ្នកដំណើរ ដែលសង្ស័យខាងលើនេះ បានធ្វើដំណើរ មកពី ប្រទេសនីហ្សេរីយ៉ា ដោយឆ្លងកាន់តាមប្រទេសកាតា ហើយឥឡូវនេះអ្នកដំណើរទាំង អស់ត្រូវ បាន អាជ្ញាធរវៀតណាម អំពាវនាវ ឲ្យ ទៅធ្វើការត្រួត ពិនិត្យសុខភាព ។ ក្រៅពីនេះ វៀតណាម បាន ប្រ កាស ឲ្យ តាមដានយ៉ាងដិតដល់ជុំវិញ និង ក្នុងព្រលានយន្តហោះធំៗ ចំនួនពីរ នៅ ហូជីមិញ ដើម្បី ការពារការកើតមាននៃវីរុស Ebola។</p>
<p><a class="thickbox" title="" href="/FileManager/Commons/2014/8/21/ebola8afp-21-08-2014--14-08-34.jpg"><img src="/FileManager/Articles/mce/2014/8/21/ebola8afp-21-08-2014--14-08-34.jpg" alt="" /></a></p>
<p>រហូតមកដល់ពេលនេះ Ebola បានសម្លាប់មនុស្ស កើនឡើងដល់ ១.២២៩ នាក់ ហើយ ដែល ភាគច្រើននៃអ្នកស្លាប់ គឺស្ថិតនៅប្រទេស លីបេរីយ៉ា, ហ្គីណេ, និង សៀរ៉ាលេអូន៕ </p>
<p style="text-align: right;">ប្រភព ៖ ដើមអម្ពិល អាស៊ីវ័ន channelnewsasia</p>