<p style="text-align: justify;"><br />ស៊ីន សេឃ្យូង (Shin Se-kyung)កើតនៅថ្ងៃទី ២៩ កក្ដដា ឆ្នាំ ១៩៩០ នាងគឺជាកំពូលតារាសំដែងម្នាក់របស់កូរ៉េខាងត្បូង។ នាងបានចាប់ផ្ដើមបង្ហាញខ្លួនក្នុងវិស័យសិល្បៈតាំងពីនាងមានអាយុ ៨ឆ្នាំ(ក្នុងឆ្នាំ ១៩៩៨)។ ដោយសារជាកុមារី នាងក៏ធ្លាប់មានវត្តមាននៅក្នុងកម្មវិធី "Kiss Kiss Kiss" សម្រាប់កុមារ ហើយនៅពេលមានអាយុ ៧ឆ្នាំ ស៊ីន សេឃ្យូង ត្រូវបានក្រុមហ៊ុនម៉ូដែលកុមារមួយ អញ្ជើញឱ្យថតផ្សាយ ពាណិជ្ជ កម្ម។ <br /><br />បច្ចុប្បន្ន កំពូលតារាដែលមានកំពស់ ១៦៦ស.ម រូបនេះបានក្លាយជាកំពូលតារាសំដែងម្នាក់ដែលមានឈ្មោះល្បី នៅពាស់ពេញពិភពលោក។ ខ្សែភាពយន្ដល្បីល្បាញ មួយចំនួន របស់នាង មានដូចជា My Little Bride , My Husband Got a Family ,Running Man , Fashion King, Running Man និង Deep Rooted Tree ។ល។ ប៉ុន្ដែ ថ្មីៗនេះ ខ្សែភាពយន្ដដែលត្រូវបានទស្សនិកជនខ្មែរ ចាប់អារម្មណ៍បំផុត គឺរឿង ស្ដេចម៉ូដែល (Fashion King) បើទោះជាខ្សែភាពយន្ដនេះ បានធ្វើឱ្យទស្សនិកជន ត្រូវខកចិត្ត ដោយសារតែទីបញ្ចប់របស់វាមិនសមតាមបំណង។<br /><br />ស្ដេចម៉ូដែល (Fashion King) គឺជាខ្សែភាពយន្ដមួយនិយាយអំពី ជោគជ័យ និងបរាជ័យរបស់ក្រុមអ្នករចនាម៉ូដវ័យក្មេង ដែលប្រកបដោយមហិច្ចតា នៅ ដុងដេម៉ុន ម៉ារឃីត(Dongdaemun Market) រួមនិងឧបសគ្គទាំងឡាយ ទាក់ទឹននឹងរឿងស្នេហា។<br /><br />តួអង្គ ខាង យ៉ាំង ហ្គាល (Kang Young Gul) ដែលសំដែងដោយ យ៉ូ អាន អ៊ីន (Yoo Ah In) បានចាប់ផ្ដើមមានគោលដៅច្បាស់លាស់ក្នុងអាជីព នៅពេលបានជួបស្រីស្អាត លី ហ្គា យ៉ាំង (Lee Ga Young ) ដែលសំដែងដោយ ស៊ីន សេឃ្យូង ប៉ុន្ដែ ក្រោយមក អាជីពរបស់ ខាង យ៉ាំង ហ្គាល ត្រូវបានគេបំផ្លាញ ចំណែកស្នេហារក៏មានភាពមិនច្បាស់លាស់។<br /><br />នៅពេលកំពុងមានទុក្ខដោយសារតែការបរាជ័យក្នុងការងារ ព្រមទាំងបញ្ហាស្នេហា ពេលកំពុងនៅក្នុងអាងហែលទឹក ខាង យ៉ាំង ហ្គាល បានទូរស័ព្ទទៅកាន់នាង លី ហ្គា យ៉ាំង ដើម្បីនិយាយពីការនឹករលឹក ប៉ុន្ដែជាអកុសល ពេលនោះ ខ្មាន់កាំភ្លើងដែលមិនស្គាល់មុខ បាន បាញ់ ប្រហារ ខណៈដែល ខាង យ៉ាំង ហ្គាល មិនទាន់បានស្ដាប់នូវការនិយាយថា “នឹក” ពីស្រីស្អាតលី ហ្គា យ៉ាំង នៅពេលដែលនាទីបញ្ចប់នៃខ្សែភាពយន្ដនេះជិតមកដល់។</p>
<p style="text-align: justify;">ទស្សនិកជនជាច្រើន បានបញ្ចេញការរិះគន់ទៅលើខ្សែភាពយន្ដ ខណៈដែលមួយចំនួនទៀត សំដែងការខកចិត្ត ដោយសារតែខ្លឹមសារក្នុងវគ្គបញ្ចប់ដែលប្រកបដោយទុក្ខសោក និងការអស់សង្ឃឹមរបស់ខ្សែភាពយន្ដនេះ ។</p>
<p> </p>
<p><a class="thickbox" title="" href="/FileManager/Commons/2013/1/29/សសស-29-01-2013--08-59-05.jpg"><img style="display: block; margin-left: auto; margin-right: auto;" src="/FileManager/Articles/mce/2013/1/29/សសស-29-01-2013--08-59-05.jpg" alt="" width="323" height="323" /></a><br /><br /></p>