<p><strong>ភ្នំពេញ៖</strong> តារាចូលចិត្តសម្ញែងដើមទ្រូង កុល ដាវី ថ្មីៗនេះ ទើបតែពើបប្រទះ និងរឿងរ៉ាវ ស្នេហា<br />ក្រៅឆាក ជាមួយតារាចម្រៀង ប្រុសលោក សុខ រក្សា នោះ ក៏ស្រាប់តែមានព័ត៌មាន លេចឮមកពី <br />ក្រៅប្រទេសថា មានបុរសវ័យ ៤០ឆ្នាំប្លាយម្នាក់ កំពុងតែព្យាយាមរកច្រក ដើម្បីទាក់ទងយកនាង<br /> ធ្វើជាគូគាប់ទៅថ្ងៃអនាគត។</p>
<p>កុល ដាវី បានដឹកដៃ សុខ រក្សា វិលមកដល់កម្ពុជាវិញ កាលពីពេលថ្មីៗនេះ ក្រោយពីបានចេញ<br />ទៅសម្តែង នៅសហរដ្ឋអាមេរិក ។ ខណៈដែលនាង កុល ដាវី មកដល់ប្រទេសកំណើត មិនទាន់<br />ទាំងបានប៉ុន្មានផង ក៏មានដំណឹងមកថា មានបុរសអាណិកជនខ្មែរ រស់នៅសហរដ្ឋអាមេរិក មិន<br />តិចនោះទេ ដែលបានលង់នឹង សម្រស់ដ៏ស្រស់ ឆើតឆាយរបស់នាង ។ពួកគេបានឃើញ វត្តមាន<br />ផ្ទាល់ អំឡុងពេលដែលតារាស្រីរូបនេះ ទៅចម្រៀង និង សម្តែងនៅ ទីនោះប្រមាណជាង២ មក<br />ហើយ។</p>
<p>បើតាមប្រភព ដែលលេចឮចេញពីអ្នករស់ នៅសហរដ្ឋអាមេរិក បាននិយាយតាមរយៈ សារអេឡិច<br />ត្រូនិចមកថា តារាចម្រៀង សិចស៊ី កញ្ញា កុល ដាវី អំឡុងពេលទៅ ស្នាក់នៅច្រៀង និង សម្តែងលើ<br />ទឹកដី អាមេរិកជាង២ខែនោះ មិនត្រឹមតែជោគ ជ័យការងារសិល្បៈទេ សូម្បីតែរឿងរ៉ាវជីវិតស្នេហា<br />ផ្ទាល់ខ្លួនខាងក្រៅ ក៏ជិតនឹងជោគជ័យដែរ ព្រោះពេលនោះ មានបុរស អាណិកជន ម្នាក់ក្នុងចំណោម<br />បុរសៗ ជាច្រើនឯទៀត បានព្យាយាមតាម យកចិត្តយកថ្លើម ស្រីស្រស់រូបនេះ ។</p>
<p>ប្រភពខាងលើបាននិយាយថា បើទោះបីជាពេលនេះ កុល ដាវី បានត្រឡប់ទៅ ដល់ស្រុកខ្មែរវិញ <br />ក៏ពិតមែន ប៉ុន្តែបុរសអាណិកជនវ័យ ៤០ប្លាយម្នាក់នេះ នៅតែលង់ចិត្តស្រឡាញ់ កុល ដាវី យ៉ាង<br />ខ្លាំង រហូតធ្វើឱ្យបុរសម្នាក់នេះ កំពុងតែស្វះស្វែង ព្យាយាមរកផ្លូវ ដើម្បីទាក់ទាញយក ចិត្តស្រីស្រស់<br />រូបនេះ មកធ្វើជាម្ចាស់ ឃុំគ្រងបេះដូង ទុកក្នុងទ្រូងទៅថ្ងៃអនាគត។</p>
<p>ប្រភពបានបន្តថា បុរសអាណិកជន កំពុងឈ្លក់វង្វេង លង់ស្នេហ៍ កុល ដាវី ខាងលើនេះ ជាមនុស្ស<br /> មានទ្រព្យសម្បត្តិច្រើន ហូរហៀចាយមិនអស់។ បើតាមដឹងបុរសម្នាក់នេះ ស្រលាញ់តារាចម្រៀង <br />កុល ដវី ក្នុងបំណងយក ធ្វើជាគូអនាគត។</p>
<p>ជុំវិញព័ត៌មានលេចឮខាងលើ នៅព្រឹកថ្ងៃទី១៩ ខែកក្កដា ឆ្នាំ២០១៣ នេះ គេហទំព័រ LookingTODAY<br /> មិនអាចទំនាក់ទំនង ដើម្បីសុំការបកស្រាយពី កុល ដាវី បាននៅឡើយទេ ដោយសារលេខទូរស័ព្ទ <br />នាងធ្លាប់ប្រើមិន អាចទាក់ទងបាន។ គេហទំព័រ LookingTODAY នឹងធ្វើការព្យាយាមទាក់ទង ទៅនាង<br />ពេលក្រោយ ដើម្បីសុំការបកស្រាយ ឱ្យបានដឹងច្បាស់ ពីបញ្ហានេះ ដោយផ្ទាល់៕</p>
<p><img src="http://image.lookingtoday.com:81/lookingtoday/looking-images/news/2013/July/id-098/S_0633.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-098/S_0634.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-098/S_0635.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-098/S_0636.jpg" alt="" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>