<p><span style="color: #000000;"><strong>កណ្តាល៖</strong> សត្វគោរបស់ ប្រជាកសិករចំនួន៣ក្បាល ត្រូវក្រុមចោរមួយក្រុម បានលួចយកចេញពី ក្រោលដឹកយក ទៅព្រលះយក តែជើងមុខនិងភ្លៅនៅក្នុងវាលស្រែ ដោយទុកខ្លួន និងក្បាលចោល កាល ពីវេលាម៉ោង១ រំលងអាធ្រាត្រ ឈានចូលថ្ងៃទី៩ ខែមករា ឆ្នាំ២០១៤ ស្ថិតនៅក្នុងវាលស្រែ ភូមិត្រពាំងទួល ឃុំសំរោងលើ ស្រុកអង្គស្នួល ខេត្តកណ្តាល។</span></p>
<p><span style="color: #000000;">នគរបាលបានឲ្យដឹងថា បុរសរងគ្រោះជាម្ចាស់សត្វគោ ទាំងបីក្បាលនោះឈ្មោះ ជឿន សុធា ភេទប្រុស អាយុ៣៦ឆ្នាំមុខរបរកសិកររស់នៅភូមិឃុំកើតហេតុ។គោដែលត្រូវក្រុមចោលួចយកទៅនោះគឺចំនួន៣ ក្បាលឈ្មោល២ ញី១ ចំណែកឯក្រុមចោវិញមានគ្នាប្រហែលជា២ទៅ៣នាក់។</span></p>
<p><span style="color: #000000;">បើយោងតាមបុរសជាម្ចាស់សត្វគោរៀបរាប់ប្រាប់នគរបាលនោះបានឲ្យដឹងថា មុនពេលកើតហេតុ វេលាម៉ោងប្រហែល១១យប់ គាត់បានក្រោកដាក់ចំបើង អោយគោរបស់គាត់ស៊ីរួច ហើយក៏បានឡើងដេកវិញ លុះដល់ម៉ោងប្រហែល០៤ទៀបភ្លឺ គាត់ភ្ញាក់ឡើងមើលគោម្តងទៀត ស្រាប់តែបាត់គោរបស់គាត់អស់ ពីក្រោលរលីងក៍ មានការភ្ញាក់ផ្អើលឆោឡោឡើងដល់អ្នកជិតខាង នាំគ្នាជួយតាមរកលុះដល់ចំណុច វាលស្រែខាងលិចភូមិសាំងដំរី ឃុំឆក់ឈើនាង ក៏ប្រទះឃើញសត្វគោ ទាំង៣ក្បាលនោះ ប៉ុន្តែត្រូវបានក្រុមចោរ ព្រលះយកសាច់ភ្លៅនិងជើងមុខ ក្រោយទៅបាត់បន្សល់ទុកតែខ្លួន និងក្បាលចោល កន្លែងកើតហេតុ ។</span></p>
<p><span style="color: #000000;">ប្រជាពលរដ្ឋដែលឃើញហេតុការណ៍ បាននិយាយថា ក្រុមចោរលួចសត្វគោ គឺជាក្រុមបង្កទុកសោកយ៉ាង ខ្លាំងដល់ ប្រជាពលរដ្ឋក្រីក្រ យ៉ាងខ្លាំង ពីព្រោះគាត់រំពឹងទៅលើសត្វគោក្របីដើម្បីបានផ្គត់ផ្គងជីវភាព គ្រួសាររបស់ពួកគាត់ ទាំងកម្លាំងអូសទាញនិងជួយទ្រទ្រងគ្រួសារ ប៉ុន្តែក្រុមចោរលួចយកសត្វគោរបស់ ពួកគាត់ហាក់បីដូចជា ផ្តាច់ជីវិតគ្រួសារ របស់ពួកគាត់ទាំងរស់ផងដែរ ដូច្នេះពួកគាត់ជាអ្នកក្រីធ្វើស្រែចំ ការសូមសំណូមពរ ដល់សមត្ថកិច្ច ត្រូវជួយស្រាវជ្រាវវែកមុខ ក្រុមទាំងនេះឲ្យបានរួចហើយដាក់ទោស ឲ្យសមទៅនឹងទង្វើរបស់ពួកវា៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/10/1-10-2015-9-38-09-am-10-01-2015--09-42-47.png"><img src="/FileManager/Articles/mce/2015/1/10/1-10-2015-9-38-09-am-10-01-2015--09-42-47.png" alt="" /></a></span></p>
<p><a class="thickbox" title="" href="/FileManager/Commons/2015/1/10/1-10-2015-9-38-44-am-10-01-2015--09-43-02.png"><img src="/FileManager/Articles/mce/2015/1/10/1-10-2015-9-38-44-am-10-01-2015--09-43-02.png" alt="" /></a></p>
<p><a class="thickbox" title="" href="/FileManager/Commons/2015/1/10/1-10-2015-9-38-27-am-10-01-2015--09-43-15.png"><img src="/FileManager/Articles/mce/2015/1/10/1-10-2015-9-38-27-am-10-01-2015--09-43-15.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>