<p><span style="color: #000000;"><strong>កូរ៉េ៖</strong> បន្ទាប់ពីមានដំណឹង លួចលាក់ស្នេហ៍ ភ្លាមៗនោះ តារាសម្រៀង Sunny សមាជិក Girls' Generation បានបដិសេធថា ខ្លួនមិនមានទំនាក់ទំនង ស្នេហ៍ជាមួយ តារាចម្រៀងរូបសង្ហា Seo In Guk ឡើយ ។</span></p>
<p><span style="color: #000000;">ព័ត៌មានពីកាសែតកូរ៉េ Allkpop បានឲ្យដឹងនៅថ្ងៃទី១៦ ខែឧសភា ឆ្នាំ២០១៥នេះ ថាតារាចម្រៀងរូបស្រស់ Sunny សមាជិក Girls' Generation ដែលទើបតែបែកធ្លាយដំណឹងស្នេហ៍ ជាមួយតារាចម្រៀង និងជាតារាសម្តែងរូបសង្ហា Seo In Guk ថ្មីៗនេះបានបដិសេធ ថាអ្នកទាំងពីរ មិនបានស្រលាញ់គ្នានោះទេ ដោយអះអាងថាខ្លួន គ្រាន់តែជាមិត្តធម្មតាប៉ុណ្ណោះ ។</span></p>
<p><span style="color: #000000;">អ្នកដំណាងរបស់ផលិតកម្ម Jellyfish Entertainment បានឲ្យដឹងនៅថ្ងៃទី១៥ នេះដែរថា Seo In Guk និង Sunny ពិតជាមិត្តនិងគ្នាមែន ហើយមិនមែនជាគូស្នេហ៍ ដូចដែលព័ត៌មាន បានផ្សាយក្នុងពេលថ្មីៗនោះទេ ហើយព័ត៌មាននេះ អាចផ្ទុះឡើង ដោយសាតែពួកគេ ស្និទ្ធស្នាលគ្នាប៉ុណ្ណោះ ។</span></p>
<p><span style="color: #000000;">ការអះអាងខាងលើនេះក៏ដូចទៅ និងអ្នកដំណាងរបស់ Sunny ផលិតកម្ម SM Entertainment ផងដែរ ដោយបញ្ជាក់ថា Sunny មិនមានអ្វីលើសពីមិត្តនោះទេ នាងក៏បានសើច និងដំណឹងនេះដែរ មិនតែប៉ុណ្ណោះ ម្ចាស់ខ្លួនតារារូបស្រស់ Sunny បាននិយាយថា« មិនសមទាល់តែសោះ ដែលមានព័ត៌មាននេះ កើតឡើង »។</span></p>
<p><span style="color: #000000;">គួររំលឹកផងដែរថាការបែកធ្លាយព័ត៌មាន ខាងលើដែលបានបង្ហាញស្ទើរ គ្រប់គេហទំព័រព័ត៌មានកូរ៉េ ដូចនេះ បន្ទាប់ពីគេបានឃើញតារាវ័យ ២៦ឆ្នាំ Sunny ទៅមើលថែ Seo In Guk ក្នុងមន្ទីពេទ្យមួយ ក្នុងក្រុងសេអ៊ូល កាលពីខែមុន ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/18/60-18-05-2015--14-47-25.jpg"><img src="/FileManager/Articles/mce/2015/5/18/60-18-05-2015--14-47-25.jpg" alt="" /></a></span></p>
<p><a class="thickbox" title="" href="/FileManager/Commons/2015/5/18/61-18-05-2015--14-47-35.jpg"><img src="/FileManager/Articles/mce/2015/5/18/61-18-05-2015--14-47-35.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/5/18/60-18-05-2015--14-47-25.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>