<p><span style="color: #000000;">គ្រោះថ្នាក់ ស្ទើរតែមិនគួរអោយជឿ ៖ សពនារីវ័យក្មេងម្នាក់ ព្រមទាំង សពបុរសជាមិត្រប្រុសរបស់ នាង ត្រូវបានគេស្រង់ចេញពីទឹកបឹង មួយកន្លែងក្នុងក្រុង Zhengzhou ខេត្ត Henan ប្រទេសចិន អំ ឡុងថ្ងៃ ១៨ មិថុនា កន្លងទៅនេះ បន្ទាប់ពី ជនរងគ្រោះ ទាំងពីរនាក់ មាន សេចក្តីរាយការណ៍លើក ឡើងអោយដឹងថា មានជម្លោះនឹងគ្នា ឈានទៅដល់ការធ្វើអត្តឃាត លោតទឹកម្នាក់ម្តង ។ </span></p>
<p><span style="color: #000000;"><a class="thickbox" title="" href="/FileManager/Commons/2015/6/19/18-19-06-2015--15-51-20.jpg"><img src="/FileManager/Articles/mce/2015/6/19/18-19-06-2015--15-51-20.jpg" alt="" /></a><br /></span></p>
<p><span style="color: #000000;">សាក្សីបានធ្វើសេចក្តីរាយការណ៍ ដល់ប៉ូលីសក្នុងស្រុកអោយដឹងថា លោកបាន ឃើញ គូស្នេហ៍វ័យ ក្មេងមួយគូនេះ ផឹកស្រាជាមួយគ្នា រហូតមានជម្លោះ នៅលើជ្រាំងបឹង Tai Lake ខណៈលោកបានឮ មិនសូវច្បាស់ពីអ្នកទាំង ២ មានជម្លោះពីប្រធានបទឪពុកម្តាយទាំងសងខាងមិនយល់ព្រមពីទំនាក់ ទំនងរបស់ពួកគេ ។ សាក្សីដដែលបន្តដឹងថា ជម្លោះកាន់តែក្តៅឡើង រំពេចនោះ គេបែរជាឃើញនារី ជាមិត្តស្រីប៉ុនប៉ងលោតទឹកបឹង ខណៈបុរសជាមិត្តប្រុស ព្យាយាម ហា មនាង តែមិនបានសម្រេច ភ្លាមៗ បន្ទាប់ពីនារីលោតចូលក្នុងទឹកបឹង បុរសជាមិត្តបុ្រស បាន លោតទៅតាមក្រោយ ឈានទៅ ដល់ករណីលង់ទឹកស្លាប់ទាំង ២ នាក់ តែម្តង ។ </span></p>
<p><span style="color: #000000;"><a class="thickbox" title="" href="/FileManager/Commons/2015/6/19/37-19-06-2015--15-49-26.jpg"><img src="/FileManager/Articles/mce/2015/6/19/37-19-06-2015--15-49-26.jpg" alt="" /></a><br /></span></p>
<p><span style="color: #000000;">ក្រោយពីមានបទអន្តរាគមន៍ ពីសំណាក់មន្រ្តីប៉ូលីស ក៏ដូចជាភ្នាក់ងារ ពន្លត់ អគ្គីភ័យពួកគេក៏បាន ស្រង់ត្រលប់មកវិញ សពគូស្នេហ៍វ័យក្មេងមួយគូនេះ ខណៈបាន រក ឃើញ របស់របរមួយចំនួនរួម មានដូចជា កាបូបលុយមនុស្សប្រុស កាបូបលុុយមនុស្សស្រី និង អត្ត សញ្ញាណ ប័ណ្ណ ជាដើម ។ មិនត្រឹមតែប៉ុណ្ណោះ មន្រ្តីពាក់ព័ន្ធ ក៏បានរកឃើញដូចគ្នាដែរ កង់អាគុយពណ៌ក្រហម របស់គូស្នេហ៍ មួយគូរនេះ ផ្ទុកនូវស្របៀរ ២ ទៅ ៣កំប៉ុង សំចតនៅក្បែរកន្លែងកើតហេតុ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/6/19/38-19-06-2015--15-49-38.jpg"><img src="/FileManager/Articles/mce/2015/6/19/38-19-06-2015--15-49-38.jpg" alt="" /></a><br /></span></p>
<p><span style="color: #000000;">មន្រ្តីប៉ូលីស កំណត់អត្តសញ្ញាណជនរងគ្រោះអោយដឹងថា បុរសជាមិត្តប្រុស មាន វ័យ ២១ ឆ្នាំមាន ឈ្មោះថា Liu ខណៈនារីជាមិត្តស្រី មានវ័យ ប្រមាណ ២០ ឆ្នាំ បច្ចុប្បន្នភាពប៉ូលីសកំពុងតែព្យាយាម ទំនាក់ទំនងក្រុមគ្រួសារនៃសព ដើម្បី កំណត់ អោយបាននូវមូលហេតុ នាំអោយកើតមានឡើងនូវ សោកនាដកម្ម មួយនេះ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/19/39-19-06-2015--15-49-48.jpg"><img src="/FileManager/Articles/mce/2015/6/19/39-19-06-2015--15-49-48.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ឆៃណា</span></p>