<p><span style="color: #000000;"><strong>ភ្នំពេញ៖</strong> មន្រ្តីនគរបាល ក្រសួងមហាផ្ទៃម្នាក់ បានដកកាំភ្លើង បាញ់សម្លាប់ខ្លួនឯង ភ្លាមៗ នៅវេលាម៉ោង ប្រមាណ ៥ល្ងាច ថ្ងៃទី២២ ខែមេសា ឆ្នាំ២០១៥នេះ ក្រោយពីរងការស្តីបន្ទោស យ៉ាងខ្លាំង ពីជនមិនស្គាល់ អត្តសញ្ញាណម្នាក់ ពាក់ព័ន្ធនឹងយកលុយ ហើយធានារត់ការ មិនបានសម្រេច ។</span></p>
<p><span style="color: #000000;">មន្រ្តីនគរបាល ខណ្ឌទួលគោក បានឱ្យដឹងថា មន្រ្តីក្រសួងមហាផ្ទៃរូបនេះ មានឈ្មោះ សួន សុវណ្ណ ប្រុស អាយុ៤៨ឆ្នាំ មានឋានន្តរស័ក្តិ វរសេនីយ៍ទោ (ស័ក្តិ៤កន្លះ) រស់នៅផ្ទះលេខ30E0 ផ្លូវ២៨៩ សង្កាត់ បឹងកក់១ ខណ្ឌទួលគោក រាជធានីភ្នំពេញ ។</span></p>
<p><span style="color: #000000;">មន្រ្តីនគរបាល បានរៀបរាប់ថា មុនកើតហេតុ មានជនមិនស្គាល់អត្តសញ្ញាណម្នាក់ បានមកស្តីបន្ទោស ឱ្យ ជនរងគ្រោះ ហើយទារសំណង ត្រឡប់មកវិញ ក្រោយពីជនរងគ្រោះ បានយកពីលុយ ពីជនមិនស្គាល់ អត្តសញ្ញាណនេះ ហើយធានារត់ការជួយដល់ជនរងគ្រោះ ឱ្យបានសម្រេច ប៉ុន្តែរឿងនោះ បានបរាជ័យទៅវិញ ។</span></p>
<p><span style="color: #000000;">បើតាមមន្រ្តីនគរបាលដដែល បានបញ្ជាក់ថា ទំនងជាមានភាពអៀនខ្មាស់ក្នុងខ្លួន ជនរងគ្រោះ បានឡើងទៅលើផ្ទះ ហើយទាញកាំភ្លើងK54 បាញ់ក្បាលខ្លួនឯងធ្លាយតែម្តង ៕</span></p>
<p><span style="color: #000000;"><img src="http://image.dap-news.com:81/dap-news/dap-images/2015/April/id-011/Hong-0249.jpg" alt="" width="550" /></span></p>
<p><span style="color: #000000;"><img src="http://image.dap-news.com:81/dap-news/dap-images/2015/April/id-011/Hong-0250.jpg" alt="" width="550" /></span></p>
<p style="text-align: right;"><span style="color: #000000;"><br />ផ្ដល់សិទ្ធដោយ៖ ដើមអម្ពិល</span></p>