<div class="article-content">
<p><strong>ស្វាយរៀង៖</strong> មន្រ្តីនគបាលប៉ុស្ត៍រដ្ឋបាលម្នាក់ ត្រូវបានយុជនម្នាក់ចោទប្រកាន់ថា បានលោតមក<br />ធាក់ខ្លួន និងមិត្តភក្តិរបស់ខ្លួន បណ្ដាលឲ្យដួលម៉ូតូ និងបាក់ភ្លៅម្ខាង ដោយមិនដឹងមូលហេតុអ្វី<br />ទាំងអស់។</p>
<p>យុវជន ប្រាក់ សុវណ្ណលីដា អាយុ ១៩ឆ្នាំ ដែលកំពុងតែសម្រាកព្យាបាល នៅគ្លីនិកឯកជនមួយ ក្នុង<br />ខេត្តស្វាយរៀងបានប្រាប់ឲ្យដឹងថា ហេតុការណ៍ នេះ បានកើតឡើងតាំងពីថ្ងៃទី១៧ ខែមេសា ឆ្នាំ<br />២០១៣មកម្លេះ នៅក្នុងវត្តខ្ជាយដែលស្ថិតនៅក្នុង ឃុំរមាំងថ្កោល ស្រុកស្វាយទាប ដោយមុនពេល <br />កើតហេតុ ជនរងគ្រោះរួមជាមួយមិត្តភក្តិម្នាក់ទៀត បានជិះម៉ូតូនៅក្នុងវត្តខ្ជាយ ស្រាប់តែមន្រ្តីនគរ<br />បាលប៉ុស្ត៍រដ្ឋបាលម្នាក់ឈ្មោះ ផាត់ គន្ធា ហៅម៉ុក មិនដឹងជាមានរឿង ហេតុអ្វីស្រាប់តែស្ទុះមកធាក់<br />ម៉ូតូ ដែលក្រុមយុវជនកំពុងតែបើក បណ្ដាលឲ្យដួលហើយនគរបាលនោះ បានស្ទុះទៅវាយទាត់ធាក់<br />មិត្តភក្តិរបស់គេ ព្រមទាំងវាយខ្នោះ និងចាប់យកទៅកាន់ប៉ុស្តិ៍រដ្ឋបាល ថែមទៀតផង ដោយឡែករូប<br />គេបានវារឡើង ពួននៅលើព្រះវិហារ ខណៈ ដែលនគរបាលរូបនេះ បានវាយមិត្តភក្តិរបស់ខ្លួននោះ។</p>
<p>ម្ដាយមីងជនរងគ្រោះ ដែលមកកំដរក្មួយរបស់ខ្លួន បានប្រាប់ឲ្យដឹងថា មន្រ្តីនគរបាល ដែលបានទាត់<br />ក្មួយប្រុសរបស់ខ្លួនឲ្យរងរបួសបាក់ភ្លៅនេះ គឺ ជាអ្នករស់នៅក្នុងស្រុកភូមិជាមួយគ្នា «កន្លងមកមនុស្ស<br />នេះមានប្រវត្តិមិនល្អនោះទេ តាំងពីមិនទាន់បានធ្វើនគរបាលប៉ុស្តិ៍ ដូច្នោះ ខ្ញុំសំណូមពរឲ្យ អាជ្ញាធរ<br />គ្រប់លំដាប់ថ្នាក់ ជួយរកយុត្តិធម៌ដល់ក្មួយប្រុសខ្ញុំផង»។</p>
<p>លោក ប្រាក់ សុវណ្ណថា ឪពុកជនរងគ្រោះបានប្រាប់ឲ្យដឹងថា បន្ទាប់ពីមានអំពើហិង្សា មកលើកូន<br />របស់គាត់រួចមក គាត់បានទៅដាក់ពាក្យបណ្ដឹងនៅការរិយាល័យព្រហ្មទណ្ឌកំរិតស្រាល ខេត្តស្វាយ<br />រៀង ដើម្បីឲ្យមានការចាប់ជនដៃដល់ មកផ្ដន្ទាទោសទៅតាមច្បាប់ និងសងជំងឺចិត្តថ្លៃការ ព្យាបាល<br />តឆ្អឹងជើង ដល់កូនគាត់ផងដែរ ក៏ប៉ុន្តែចាប់តាំងពីថ្ងៃដាក់ពាក្យបណ្ដឹង មិនទាន់ឃើញសមត្ថកិច្ច មាន<br />ចំណាត់ការអ្វីនៅឡើយនោះទេ។</p>
<p>លោក ដាំ ឃា អធិការនគរបាលស្រុកស្វាយទាប បានប្រាប់ឲ្យដឹងថា រឿងនេះខាងព្រហ្មទណ្ឌកំរិត<br />ស្រាល របស់ស្នងការនគរបាលខេត្តជាដោះស្រាយ ហើយសំណុំរឿងនេះ លោកក៏បានបញ្ជូន ទៅ<br />កាន់ការិយាល័យ ព្រហ្មទណ្ឌកំរិតស្រាលអស់ហើយដែរ។</p>
<p>លោក សួស សារិន ប្រធានការរិយាល័យ ព្រហ្មទណ្ឌកំរិតស្រាល បានប្រាប់ឲ្យដឹងថា សំណុំរឿងនេះ លោកមិនទាន់បានឃើញនៅឡើយទេ ព្រោះ លោកកំពុងតែមានភារកិច្ច នៅខេត្តមណ្ឌលគិរី ហើយ<br />ប្រសិនបើខាងស្រុកគេបញ្ជូនសំណុំរឿងនេះមករួចហើយនោះ អនុប្រធានរបស់លោកអាច និងកំពុង<br />ពិនិត្យសំណុំរឿងនេះ៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-014/that-0381.jpg" alt="" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>