<p>មហាសេដ្ឋីដែលបានរកប្រាក់លឿនបំផុតប្រចាំឆ្នាំ ២០១៣ នេះ គឺកំពូលវិនិយោគិន Warren Buffett ដោយល្បឿននៃការរកប្រាក់របស់គាត់ គិតជាមធ្យម គឺ ៣៧លានដុល្លារអាមេរិក ក្នុងមួយថ្ងៃៗ។<br /><br />ទីភ្នាក់ងារសារព័ត៌មាន CNBC បានដកស្រង់របាយការណ៍ស្រាវជ្រាវមួយរបស់ Wealth-X បានឱ្យ<br />ដឹងថា ក្នុងរយៈពេល ៣៤៥ថ្ងៃកន្លង នៃឆ្នាំ ២០១៣ តម្លៃទ្រព្យរបស់មហាសេដ្ឋី Buffett បានកើន<br />បន្ថែម១២,៧ពាន់លានដុល្លារ ហើយបច្ចុប្បន្ន កំពូលអ្នកមានរូបនេះ មានទ្រព្យ ៥៩,១ពាន់លាន<br />ដុល្លារ។</p>
<p style="text-align: center;"><a class="thickbox" title="" href="/FileManager/Commons/2013/12/23/warren-buffett-23-12-2013--12-32-03.jpg"><img src="/FileManager/Articles/mce/2013/12/23/warren-buffett-23-12-2013--12-32-03.jpg" alt="" width="421" height="280" /></a></p>
<p style="text-align: center;"><em>មហាសេដ្ឋី Warren Buffett</em></p>
<p><br />បើទោះជាក្លាយជាអ្នកដែលរកប្រាក់បានលឿនបំផុតក្នុងចំណោមមហាសេដ្ឋី ប៉ុន្ដែលោក Buffett មិនមែនជាអ្នកមានបំផុតក្នុងពិភពលោកនោះដែរ។ យោងតាមការដាក់ចំណាត់ថ្នាក់ដែលធ្វើឡើង<br />ដោយទស្សនាវដ្ដី Forbes ចេញផ្សាយកាលពីខែមិនា ឆ្នាំ ២០១៣ Buffett ជាអ្នកមានលំដាប់លេខ<br />៤ ។<br /><br />ដោយល្បឿននៃការរកបានប្រាក់ ៣៧លានដុល្លារអាមេរិក ក្នុងមួយថ្ងៃៗបែបនេះ គេជឿថា មហា<br />សេដ្ឋី Buffett អាចនឹងដណ្ដើមបានតំណែងទី ៣ ពីមហាសេដ្ឋី លក់រាយផ្នែកសម្លៀកបំពាក់ ជន<br />ជាតិអេស្ប៉ាញ Amancio Ortega ដែលជាម្ចាស់ក្រុមហ៊ុន Zara (Amancio Ortega មិនមានឈ្មោះ<br />នៅក្នុងបញ្ជីរបស់ Wealth-X ស្ដីអំពីមហាសេដ្ឋីដែលរកប្រាក់បានលឿនបំផុត ក្នុងឆ្នាំនេះ)។ <br /><br />ល្បឿននៃការរកបានប្រាក់របស់មហាសេដ្ឋីវ័យ ៨៣ឆ្នាំ លោក Buffett គឺលឿនជាងអ្នកមានបំផុត<br />លំដាប់លេខ២ គឺ Bill Gates ទៅទៀត។ ចាប់ពីដើមឆ្នាំមកនេះ តម្លៃទ្រព្យរបស់ស្ថាបនិក Microsoft<br /> កើនបន្ថែមបាន ១១,៥ពាន់លានដុល្លារ ជួយឱ្យទ្រព្យសរុបរបស់គាត់ឡើងដល់ ៧២,៦ពាន់លាន<br />ដុល្លារអាមេរិក។<br /><br />ជាមួយនឹងទ្រព្យខាងលើ Bill Gates អាចទុកចិត្តក្នុងការកាន់កាប់តំណែងជាអ្នកមានបំផុតក្នុង<br />ពិភពលោក ដោយមិនព្រួយបារម្ភអំពីការប្រជែងរបស់មហាសេដ្ឋីទីពីរ គឺកំពូលអ្នកទូរគមនាគមន៍<br /> ជនជាតិ Mexico លោក Carlos Slim ។ ឆ្នាំនេះ លោក Carlos Slim ក៏មិនមានឈ្មោះនៅក្នុងបញ្ជី កំពូលអ្នករកប្រាក់បានលឿនបំផុតប្រចាំឆ្នាំ ២០១៣ របស់ Wealth-X ។<br /><br />“មេ” បនល្បែង Sheldon Adelson កាលពីខែមិនា ត្រូវបានទស្សនាវដ្ដី Forbes ដាក់ចំណាត់ថ្នាក់<br />លេខ ១៥ ក្នុងបញ្ជីមហាសេដ្ឋីរបស់ខ្លួន។ ប៉ុន្ដែ Sheldon Adelson មានឈ្មោះក្នុងបញ្ជី top ១០ នេះ គឺដោយសារទ្រព្យរបស់គាត់បានកើនឡើងយ៉ាងលឿន។ ទំព័រ Wealth-X ឱ្យដឹងថា អគ្គនាយកវ័យ<br /> ៨០របស់បនល្បែង Las Vegas Sands រូបនេះ រកបានប្រាក់បន្ថែម ១១,៤ពាន់លានដុល្លារ ចាប់ពី<br />ដើមឆ្នាំមកនេះ ហើយបច្ចុប្បន្ន ទ្រព្យសរុបរបស់ Sheldon Adelson បានឡើងដល់ ៣៥,៣ពាន់លាន<br />ដុល្លារ។</p>
<p style="text-align: center;"><a class="thickbox" title="" href="/FileManager/Commons/2013/12/23/w-23-12-2013--12-29-17.jpg"><img src="/FileManager/Articles/mce/2013/12/23/w-23-12-2013--12-29-17.jpg" alt="" /></a></p>
<p><br />ចំណែកមហាសេដ្ឋី Jeff Bezos ដែលជាស្ថាបនិករបស់ Amazon ក្នុងឆ្នាំនេះ រកបានប្រាក់បន្ថែម<br /> ១១,៣ពាន់លានដុល្លារ ជួយឱ្យទ្រព្យសរុបរបស់គាត់ បច្ចុប្បន្ន ឡើងដល់ ៣៤,៤ពាន់លានដុល្លារ។<br /><br />ក្រៅពីនេះ ក៏មានឈ្មោះមហាសេដ្ឋីមួយចំនួនផ្សេងទៀត ដែលរកប្រាក់បានលឿនបំផុត ប្រចាំឆ្នាំ <br />២០១៣ ៖ Larry Pages និង Sergey Brin មកពី Google , CEO Masayoshi Son របស់ Sofbank , <br />ម្ចាស់ Facebook លោក Mark Zuckerberg , រួមនឹង Lui Chee Woo អ្នកគ្រប់គ្រងបនល្បែង Galaxy<br /> Entertainment របស់ Macau ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/45238/sales-of-startups-halo-pocket-charger-soar-to-90m-in-3-years"><span style="color: #3366ff;">រកបានរាប់សិបលានដុល្លារ ដោយគ្រាន់តែ លក់ឆ្នាំងសាកថ្ម</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/48162/how-a-coffee-lid-turned-into-a-million-dollar-idea"><span style="color: #3366ff;">គម្របកែវកាហ្វេ ជួយឱ្យ Resnikoff រកបាន រាប់លានដុល្លារ</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/63782/make-money-from-facebook-fanpage"><span style="color: #3366ff;">មានពីរសែន “Like” លើ Facebook ដូចមានប្រាក់ខែខ្ពស់</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ CNBC<br /><br /></p>