<p><span style="color: #000000;"><strong>ភ្នំពេញៈ</strong> មួយរយៈពេលចុងក្រោយនេះ មានព័ត៌មាន ចចាមអារ៉ាម និយាយតៗគ្នាថា តារាសម្តែង និងជាតារាបង្ហាញម៉ូដ ប្រចាំក្រុម Pop Model លោក ឡុង ប៊ុនហេង បានដកខ្លួនពីអាជីពសិល្បៈ ចោលទាំងស្រុងហើយ ព្រោះថាកន្លងមកធ្លាប់មាន អ្នកដឹកនាំរឿងជាច្រើន បានទាក់ទងហៅ លោកសម្តែង តែរាល់លើកលោក តែងតែបដិសេធថា មិនមានពេលគ្រប់គ្រាន់ ទទួលថតនោះទេ ។ ទន្ទឹមនឹងគ្នានេះ ការងារសិល្បៈផ្សេងៗ របស់លោក ក៏ស្ងប់ស្ងាត់ដែរ ។</span></p>
<p><span style="color: #000000;">ទាក់ទងនឹងព័ត៌មាន ដែលលេចឮខាងលើនេះ គេហទំព័រ LookingTODAY បានជួបសម្ភាសន៍ ជាមួយបុរសសង្ហាមាឌធំ លោក ឡុង ប៊ុនហេង តាមទូរស័ព្ទ កាលពីពេលថ្មីៗនេះ ដោយលោកបាន ចេញមុខច្រានចោល ព័ត៌មាននោះថា លោកមិនមានគំនិត ចង់បញ្ចប់អាជីព សិល្បៈឡើយ ព្រោះថា លោកមានចិត្តស្រលាញ់សិល្បៈខ្លាំង ហើយពេលនេះ ការងារ របស់លោក កំពុងតែបោះជំហានទៅមុខ ដូច្នេះលោកមិនអាច បោះបង់ចោល ពាក់កណ្តាលទី ដូចការលើក ឡើងឡើយ ។</span></p>
<p><span style="color: #000000;">តារាបង្ហាញម៉ូដរូបនេះ បានប្រាប់ឲ្យដឹងបន្ថែមទៀត "ខ្ញុំទទួលស្គាល់ថា កន្លងមកធ្លាប់មាន អ្នកដឹកនាំរឿងមួយ ចំនួនទាក់ទងហៅខ្ញុំថត តែខ្ញុំបានបដិសេធមិនទទួល ព្រោះថាមួយរយៈមុននោះ ខ្ញុំមានការរវល់ខ្លាំង ទើបអត់មានពេល ទៅថត ប៉ុន្តែមិនមែនមានន័យថា ខ្ញុំបញ្ចប់សិល្បៈ ដូចពាក្យចចាមអារ៉ាម នោះឡើយ " ។</span></p>
<p><span style="color: #000000;">លោក ប៊ុនហេង បានប្រាប់ឲ្យដឹងទៀតថា សម្រាប់លោក ការងារសិល្បៈ និងការងារនៅក្នុងក្លឹប កម្សាន្ត RCA សំខាន់ដូចគ្នា ហើយលោកក៏មិន ដែលគិតថា ចង់បោះបង់ចោល ការងារណាមួយឡើយ ឲ្យតែមានពេល លោកស្រវាការងារ ទាំងពីរនេះ ។</span></p>
<p><span style="color: #000000;">មូលហេតុដែលលោក ដកឃ្លាពីសិល្បៈនោះ គឺការងារនៅក្នុងក្លឹប រវល់ច្រើន ប៉ុន្តែពេលនេះលោក អាចដកឃ្លាពីក្លឹប ហើយអាចមានពេលទំនេរ ប្រឡូកសិល្បៈបាន ប្រសិនបើមាន អ្នកដឹកនាំរឿង ទាក់ទងមកលោកនឹង ទទួលស្វាគមន៍ទាំងអស់ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/12/26-12-01-2015--13-39-24.jpg"><img src="/FileManager/Articles/mce/2015/1/12/26-12-01-2015--13-39-24.jpg" alt="" /></a></span></p>
<p><a class="thickbox" title="" href="/FileManager/Commons/2015/1/12/27-12-01-2015--13-39-31.jpg"><img src="/FileManager/Articles/mce/2015/1/12/27-12-01-2015--13-39-31.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/1/12/26-12-01-2015--13-39-24.jpg"></a></span></p>
<p><a class="thickbox" title="" href="/FileManager/Commons/2015/1/12/28-12-01-2015--13-39-39.jpg"><img src="/FileManager/Articles/mce/2015/1/12/28-12-01-2015--13-39-39.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>