<p><strong>ភ្នំពេញៈ</strong> កន្លងមក លោក ប៊ុន លីម៉ា ត្រូវបានព្យុះបោកបក់ថា លោកលួចមាន ទំនាក់ទំនង ស្នេហា<br />ក្រៅឆាក ជាមួយតារាសម្តែង កញ្ញា លីឡា ដោយស្ងាត់ៗ។ តែពេលនេះ ប៊ុន លីម៉ា បានព្រលយឲ្យ<br />ដឹងការពិតថា ព័ត៌មានដែលគេចុះផ្សាយថា លោកស្រឡាញ់ លីឡា នោះ គឺជាការពិត ។</p>
<p>លោក ប៊ុន លីម៉ា និង កញ្ញា លីឡា ត្រូវបានប្រភព ពីអ្នកនៅជិតខ្លួន បង្ហើបប្រាប់ឲ្យដឹងថា ពួកគេ<br />មាន ទំនាក់ទំនងស្រឡាញ់គ្នា ក្រៅរង្វង់សិល្បៈ។ ជារឿយៗ គេឧស្សាហ៍ឃើញនាង ទៅណាមក<br />ណា បង្កើតពីភាពសិទ្ធស្នាល ជាមួយគ្នាប្លែក ខុសពីតារាដទៃ ប្រៀបដូចជាគូ ស្នេហ៍ថ្មោងថ្មី បង្ហាញ<br />ពីភាពស្អិតល្មួត បេះមិនចេញទាល់តែសោះ។</p>
<p>តារាសម្តែងរូបសង្ហាមាឌមាំ សម្បុរស កូនកាត់ចិន លោក ប៊ុន លីម៉ា បានប្រាប់នៅក្នុងកម្មវិធី "តារា<br />ក្នុងដួងចិត្តខ្ញុំ" របស់វិទ្យុដើមអម្ពិល ជាសាធារណៈពេញៗម៉ាត់ថា ចំពោះព័ត៌មានដែលថា លោក<br />មានទំនាក់ទំនងស្នេហាជាមួយ កញ្ញា លីឡា នាពេលកន្លងមក លោកធ្លាប់បានបកស្រាយរួចហើយ<br /> គ្រាន់តែពេលខ្លះ អ្វីដែលលោកនិយាយ ត្រូវបានគេយកទៅចុះផ្សាយមិនដូចអ្វី ដែលលោកនិយាយ។<br /> ដូច្នេះឆ្លៀតក្នុងឱកាសនេះ លោកសុំទទួលស្គាល់ដោយចំហរនៅពេលនេះថា លោកពិតជាស្រឡាញ់<br />នាង (លីឡា) បា្រកដមែន ហើយ លោកមានទំនាក់ទំនង ជិតដិតនឹង គ្នាខ្លាំងណាស់ ។</p>
<p>តារាប្រុស មានស្រុកកំណើត នៅទីក្រុងភ្នំពេញ វ័យ២៤ឆ្នាំ ប៊ុន លីម៉ា បានប្រាប់ឲ្យដឹងថា "តាមពិត<br />ទៅ ខ្ញុំក៏ចង់រកឱកាសនិយាយពីរឿងនេះដែរ ហើយខ្ញុំគិតថាការបកស្រាយនេះ ជាចម្លើយពិតប្រាកដ<br /> ចេញពីម៉ាត់ខ្ញុំតែម្តង ។ ខ្ញុំទទួលស្គាល់ថា ពួកខ្ញុំស្រឡាញ់គ្នា ជាមួយនាងពិតមែន ភាគច្រើនខ្ញុំទាំងពីរ<br />នាក់ តែងតែទៅណាមក ណាជាមួយគ្នា ជិតដិតគ្នា ។តែការស្រលាញ់នោះ មិនមែនជាស្នេហាទេ គឺ<br />ជាការស្រលាញ់ ដែលមានត្រឹមតែ នៅក្នុងការសម្តែង តែប៉ុណ្ណោះ សម្រាប់ស្នេហាក្រៅឆាកវិញ គឺ<br />គ្មានទេ ស្រឡាញ់គ្នាប្រៀប ដូចជាមិត្តភក្តិរួមអាជីព"។</p>
<p>តារាសម្តែងកាយវិការ ខារ៉ាអូខេក្នុងបទ "មនុស្សប្រុសមិនខូច មនុស្សស្រីមិនស្រលាញ់" លោក ប៊ុន <br />លីម៉ា បានប្រាប់ឲ្យដឹងថា សម្រាប់លោក មិនទាន់ចង់ គិតពីរឿងស្នេហា នៅឡើយទេ ព្រោះថាកន្លង<br />មក លោកធ្លាប់មាន ស្លាកស្នាមដំបៅ ស្នេហាចាស់ ឈឺចាប់ម្ដងរួចមកហើយ ។ ដូច្នេះមិនទាន់ចង់ <br />គិតពីរឿងនេះទៀតទេ ចង់ទុកពេល គិតពីការងារឲ្យបានច្រើន ។ម្យ៉ាងទៀត លោកក៏កំពុងតែត្រៀម<br />បង្ហាញការងារថ្មីមួយទៀត គឺជាការថតខ្សែភាពយន្តថ្មី ជាលើកដំបូង នៅក្នុងពេលឆាប់ៗនេះ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-098/S_0721.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-098/S_0722.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-098/S_0723.jpg" alt="" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>