<p>ព័ត៌មានអន្តរជាតិ ៖ ជាការថ្លែងអំណរអរគុណ ទៅដល់បច្ចេកវិទ្យាទំនើប 3D នាសតវត្សទី ២១ នេះបានញ៉ាំងអោយសម្រេចបានរូបស្រ្តីបុរាណ ដែលធ្លាប់មានវត្តមានរស់នៅលើភពផែនដីយើងនេះ តាំងពី ១,៨០០ ឆ្នាំមុន នេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរ ទេសដឹមីរ័រ ។</p>
<p><a class="thickbox" title="" href="/FileManager/Commons/2014/2/5/mirror-news-05-02-2014--11-06-27.jpg"><img src="/FileManager/Articles/mce/2014/2/5/mirror-news-05-02-2014--11-06-27.jpg" alt="" /></a></p>
<p>គួររំឭកផងដែរថា រូបទម្រង់មុខ ស្រ្តីបុរាណរូបនេះ ត្រូវបានគេប្រសិទ្ធនាមអោយឈ្មោះថា Beachy Head Lady ខណៈពេលដែល ឆ្អឹងលលាដ៍ក្បាល របស់គាត់ ត្រូវបានក្រុមអ្នកវិទ្យសាស្រ្តរុករកឃើញ តាំងពី ៦០ ឆ្នាំមកម្ល៉េះ ពោលគឺ បានរកឃើញតាំងពីឆ្នាំ ១៩៥៣ មកម្ល៉េះ ។ បន្ថែមពីលើនេះ ប្រភព សារព័ត៌មានដដែល បន្តអោយដឹងថា វត្តមានស្រ្តីបុរាណ ខាងលើ បានរស់ និង ស្លាប់ទៅវិញ នៅលើ ភពផែនដីយើងនេះ តាំងពី សម័យ Roman មកម្ល៉េះ ពោលគឺ នៅឆ្នាំ ២៤៥ នៃគ.ស មកពី sub - Saharan Africa តែវាមិនស្ថិតនៅផ្នែកនៃចក្រភពរ៉ូមែន នោះទេ ។</p>
<p><a class="thickbox" title="" href="/FileManager/Commons/2014/2/5/skeleton-05-02-2014--11-06-35.jpg"><img src="/FileManager/Articles/mce/2014/2/5/skeleton-05-02-2014--11-06-35.jpg" alt="" /></a></p>
<p>បន្ថែមពីលើនេះ ប្រភពបន្តអោយដឹងថា កាលពី ៦០ ឆ្នាំមុន ឆ្អឹងលលាដ៏ក្បាលស្រ្តីខាងលើ ត្រូវបាន ក្រុមអ្នកវិទ្យាសាស្រ្តរកឃើញ នៅឯ East Sussex ប្រទេសអង់គ្លេស ។ យ៉ាងណាមិញ យោងតាម លោក Jo Seaman ជាមន្រ្តីបេតិកភណ្ឌ មកពី Eastbourne Borough Council គូសបញ្ជាក់អោយ ដឹងថា នេះគឺជាការរកឃើញ ដ៏អស្ចារ្យមួយ ពីឆ្នេរសមុទ្រភាគខាងត្បូង បន្ថែមពីលើនេះ គាត់បន្តថា ស្រ្តីខាងលើ មានវ័យ ជាង ៣០ ឆ្នាំ ។ គួររំឭកថា ឆ្អឹងលលាដ៍ក្បាល ដែលបានរកឃើញខាងលើនេះ ត្រូវបានដាក់តាំងបង្ហាញជាសាធារណៈ និងលើកដំបូង នៅឯ សារមន្ទីរ Eastbourne Heritage Museum ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ដឹមីរ័រ</p>