<div class="article-content">
<p><strong>បន្ទាយមានជ័យ ៖</strong> ស្ត្រីវ័យហុកសិបប្លាយម្នាក់ បានរងរបួសធ្ងន់ ត្រូវបានគេបញ្ជូនទៅសង្គ្រោះ<br />នៅមន្ទីរពេទ្យ ទាំងយប់ បន្ទាប់ពីរងរបួសដោយក្រុមក្មេងស្ទាវបើករថយន្ត ប្រដេញគ្នា ហើយវេ<br />ចង្កូតទៅបុកផ្ទះរបស់គាត់ បណ្តាលឲ្យបាក់សង្កត់ ខណៈកំពុងដេកលក់ កាលពីវេលាម៉ោង១០<br />យប់ថ្ងៃទី០១ ខែសីហា ឆ្នាំ២០១៣នៅតាមបណ្តោយផ្លូវជាតិលេខ៥ទល់មុខសណ្ឋាគាសន្តិភាព<br /> ក្នុងភូមិសែសិន សង្កាត់អូរអំបិល ខេត្ត បន្ទាយមានជ័យ ។</p>
<p>លោក ឈឿម សុផុន ប្រធានការិយាល័យ នគរបាលចរាចរណ៍នៃស្នងការដ្ឋាន នគរបាលខេត្ត<br />បន្ទាយមានជ័យបានឲ្យដឹងនៅថ្ងៃទី០២ ខែសីហា ឆ្នាំ២០១៣នេះថាម្ចាស់រថយន្តបង្កហេតុមាន<br />ឈ្មោះ ហុង ដាវុធ ភេទប្រុស អាយុ ២០ឆ្នាំ រស់នៅភូមិ៤ សង្កាត់ព្រះពន្លា ក្រុងសិរីសោភ័ណ <br />មុនកើតហេតុបានខ្ចីរថយន្តមិត្តភ័ក្តិឈ្មោះ ចិត្រ កូនថៅកែ ផ្ទះសំណាក់ម្កុដពេជ្រជិះដើលេង។<br /> រីឯជនរងគ្រោះមានឈ្មោះ ឆូយ ឡាង ភេទ ស្រី រស់នៅក្នុងភូមិឃុំកើតហេតុខាងលើ ។</p>
<p>សមត្ថកិច្ចដដែលបានបន្តថា មុនពេលកើតហេតុគេបានឃើញរថយន្ត១គ្រឿងម៉ាកហាយព្រីដ<br /> ពណ៌ទឹក ប្រាក់ ពាក់ស្លាកលេខកណ្តាល 2A 8386 ជិះគ្នា ២នាក់ ក្នុងទិសដៅពីជើងទៅត្បូង<br /> ក្នុងល្បឿនលឿនដូចហោះ ហាក់ទើបចេញពីកន្លែងផឹកស៊ី មកដល់ចំណុចផ្លូវកោងបត់ចង្កូត<br />មិនទាន់ក៏បានទៅបុកផ្ទះស្ត្រីរងគ្រោះ បណ្តាលឲ្យបាក់សង្កត់ ខណៈដែលគាត់កំពុងដេកបែក<br />ក្បាលហូរឈាមសន្លប់បាត់មាត់ឈឹង ត្រូវ សាច់ញាតិបញ្ជូន ទៅសង្គ្រោះទាំងយប់ ។ ដោយ<br />ឡែកឈ្មោះ ហុង ដាវុធ និងរថយន្តត្រូវនគរបាលចាប់យក ទៅវាស់ជាតិអាល់កុល និងសួរនាំ<br />ចាត់ការតាមច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0014.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0015.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>