<div class="article-content">
<p><strong>បន្ទាយមានជ័យ ៖</strong> ស្ត្រីជនជាតិថៃម្នាក់ លេងល្បែង នៅកាស៊ីណូហ្គោលឌិន ក្រុងប៉ោយប៉ែត ខេត្ត<br />បន្ទាយមានជ័យ អស់រយៈពេលបីយប់បីថ្ងៃយ៉ាងងប់ងល់ អត់ដេកអត់ពួន បានចាញ់អស់ ប្រាក់រាប់<br /> សែនបាត រហូតក្អួតឈាមតាមមាត់ស្លាប់ទាំងព្រលប់ ថ្ងៃទី១៤ ខែវិច្ឆិកា ឆ្នាំ២០១៣ ។</p>
<p>លោក អ៊ុំ សុផល អធិការនគរបាល ក្រុងប៉ោយប៉ែត បានឲ្យដឹង នៅថ្ងៃទី១៥ ខែវិច្ឆិកា ឆ្នាំ២០១៣<br />នេះថា ស្ត្រីជនជាតិថៃនោះ មានឈ្មោះ BUAKHAM SULLAMA កើតឆ្នាំ១៩៥៥ រស់នៅ ស្រុកម៉ែ<br />ចាន់ ខេត្ត ឈាងរ៉ាយ មានអត្តសញ្ញាណប័ណ្ណលេខ ៣៥៧០៧០០៣៥៥៦២៦ ធ្លាប់មានជំងឺរបេង<br />ប្រចាំកាយ ។</p>
<p>លោក អ៊ុំ សុផល បន្តថា មុនកើតហេតុ ស្ត្រីរងគ្រោះខាងលើ បានមកលេងល្បែងអស់បី យប់បីថ្ងៃ<br /> នៅ កាស៊ីណូ អត់ដេកពួន អត់ហូបបាយ ស្រីជនជាតិថៃរូបនេះ បានក្អួតធ្លាក់ឈាម តាមមាត់ និង<br />លែងដឹងខ្លួន ពុំមានលទ្ធភាពជួយសង្គ្រោះបាន ហើយជនរងគ្រោះបានដាច់ខ្យល់ ស្លាប់តែម្តង ។</p>
<p>យោងតាមការត្រួតពិនិត្យ និងកោសល្យវិច្ចយលើសព សមត្ថកិច្ចបានរកឃើញថា ស្ត្រីរូបនេះ បាន<br />ស្លាប់ ដោយសារខ្យល់គ និងជំងឺរបេងរើឡើង ទើបក្អួតឈាមរហូតដល់ស្លាប់ ។ ក្រោយកើតហេតុ <br />សពស្ត្រីជន ជាតិថៃនេះ ត្រូវបានក្រុមសន្តិសុខកាស៊ីណួហ្គោលឌិនក្រោន ដឹកយកទៅតម្កល់នៅ<br />វត្តបាលិលេយ្យ លុះ នៅថ្ងៃទី១៥ ខែវិច្ឆិកា ឆ្នាំ ២០១៣នេះ ទើបមានសាច់ញាតិ មកទទួលយកទៅ<br />ធ្វើបុណ្យនៅប្រទេសថៃ វិញ។</p>
<p>ប្រភពពីអ្នកញៀនល្បែង បានធ្លោយមាត់ថា ពីមុនស្ត្រីជនជាតិថៃឈ្មោះ BUAKHAM SULLAMA <br />គឺជា អ្នកមានលុយយ៉ាងច្រើនម្នាក់ ហើយបានមកលេងល្បែងនៅកាស៊ីណូខាងលើ ចាញ់អស់<br />ប្រាក់ពីខ្លួន រាប់ លានបាត ទើបគាត់ឈឺចិត្តរហូតក្អួតឈាមស្លាប់បែបនេះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-015/T-0138.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-015/T-0139.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>