<p><strong>ភ្នំពេញ៖</strong> ទេសរដ្ឋមន្រ្តី រដ្ឋមន្រ្តីក្រសួងពាណិជ្ជកម្ម លោក ស៊ុន ចាន់ថុល រួមនិងមន្រ្តីក្រសួងពាណិជ្ជកម្មជាច្រើន នាក់ផ្សេងទៀត នៅរសៀលថ្ងៃទី៣០ ខែសីហា ឆ្នាំ២០១៤នេះ បាននាំគ្នាលេងចាក់ទឹកកក «Ice Bucket Chal lenge» ប្រមូលថវិកាយកទៅជួយដល់មន្ទីរពេទ្យគន្ធបុប្ផា ដើម្បីព្យាបាលកុមារកម្ពុជា។</p>
<p>បន្ទាប់ពីលេងចាក់ទឹកកក ដែលជាល្បែងសប្បុរសធម៌ ដ៏ល្បីនៅតំបន់ក្នុងប្រទេសអាម៉េរិក និងអង់គ្លេស នោះ លោកទេសរដ្ឋមន្រ្តី ស៊ុន ចាន់ថុល ថ្នាក់ដឹកនាំក្រសួងពាណិជ្ជកម្ម និងមន្រ្តីជាច្រើននាក់ផ្សេងទៀតនោះ បាន រ៉ៃអង្គាសថវិកាតាមសទ្ធាជ្រះថ្លា ដាក់ទៅក្នុងហឹបមួយទុកយកទៅឧបត្ថម្ភដល់មន្ទីរពេទ្យគន្ធបុប្ផា។</p>
<p>ល្បែងចាក់ទឹកកក ដែលរៀបចំឡើងនាថ្ងៃចុងសប្តាហ៍នេះ មិនត្រឹមតែផ្តល់ឱកាសដល់មន្រ្តីក្រសួងពាណិជ្ជកម្មចូល រួមចំណែកផ្តល់ថវិកា ដើម្បីជួយព្យាបាលជំងឺដល់កុមារកម្ពុជានោះទេ តែក៏បានញ៉ាំងឲ្យថ្នាក់ដឹកនាំ និងមន្រ្តីបម្រើ ក្នុងក្រសួង នាំមកនូវការលេងកម្សាន្តសប្បាយរីករាយរួមគ្នាផងដែរ។ ជាពិសេសភាពសប្បាយរីករាយនេះ ជួយឲ្យថ្នាក់ដឹកនាំ និងមន្រ្តីថ្នាក់ក្រោមយល់ចិត្តថ្លើមគ្នា ដើម្បីរួមគ្នាសម្រេចការងារជូនរាជរដ្ឋាភិបាល និងប្រជាជនកម្ពុជា។</p>
<p>មិនថាតែនៅក្នុងប្រទេសអាម៉េរិក អង់គ្លេស ឬបណ្តាប្រទេសក្នុងតំបន់អឺរ៉ុបនោះទេ ដែលកំពុងពេញនិយមជាមួយ និងល្បែង « Ice Bucket Challenge» នៅប្រទេសកម្ពុជានាពេលបច្ចុប្បន្នល្បែងនេះ ក៏កំពុងពេញនិយមផងដែរ ជាពិសេសតាមបណ្តាញសង្គមហ្វេសប៊ុក ពួកគេបានលេង ហើយហៅទៅកាន់មិត្តភក្តិ និងមនុស្សដែលស្គាល់គ្នា ដើម្បីរ៉ៃអង្គាសថវិកាបម្រើក្នុងសកម្មភាពមនុស្សធម៌៕</p>
<p style="text-align: center;"><img src="http://image.dap-news.com:81/dap-news/dap-images/2014/July/id-009/S-235.jpg" alt="" width="600" /></p>
<p style="text-align: center;"><img src="http://image.dap-news.com:81/dap-news/dap-images/2014/July/id-009/S-236.jpg" alt="" width="600" /></p>
<p style="text-align: center;"><img src="http://image.dap-news.com:81/dap-news/dap-images/2014/July/id-009/S-237.jpg" alt="" width="600" /></p>
<p style="text-align: center;"><img src="http://image.dap-news.com:81/dap-news/dap-images/2014/July/id-009/S-231.jpg" alt="" width="600" /></p>
<p style="text-align: center;"><img src="http://image.dap-news.com:81/dap-news/dap-images/2014/July/id-009/S-232.jpg" alt="" width="600" /></p>
<p style="text-align: center;"><img src="http://image.dap-news.com:81/dap-news/dap-images/2014/July/id-009/S-233.jpg" alt="" width="600" /></p>
<p style="text-align: center;"><img src="http://image.dap-news.com:81/dap-news/dap-images/2014/July/id-009/S-234.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/33727-2014-08-31-03-43-53.html" target="_blank">ផ្តល់សិទ្ធដោយ ៖ ដើមអម្ពិល</a></p>