<p><strong>ភ្នំពេញៈ</strong> តារាបង្ហាញម៉ូដ ប្រចាំក្រុម Cambodia Super Model កញ្ញា នៅ សូនីតា ថ្មីៗនេះ បានរំលេចសារមួយ ក្នុងន័យបង្ហាញ ពីការតាំងចិត្តរបស់នាង ដោយមិនប្រាថ្នា ភាពឡូយឆាយ ហ៊ឺហារ តាមរយៈការមានបានតាមផ្លូវ កាត់អ្វីឡើយ ដោយនាងសុខចិត្តរស់នៅ តាមបែបសាមញ្ញ រកបានប៉ុណ្ណា ចាយប៉ុណ្តឹង មិនចង់មានបាន តាមផ្លូវកាត់ដូចអ្នកដទៃឡើយ ។</p>
<p>តារាស្រីរាងខ្ពស់ស្រឡះ រូបស្អាត នៅ សូនីតា បានរំលេចសារខ្លីមួយ បង្ហោះនៅលើ បណ្តាញទំនាក់ទំនង Facebook ផ្ទាល់ខ្លួនរបស់នាង កាលពីថ្ងៃទី២១ ខែសីហា ឆ្នាំ២០១៤ នេះថា "ទោះបី ខ្ញុំមិនឡូយ មិនហ៊ឺហាដូចគេក៏ដោយ ប៉ុន្តែខ្ញុំពេញចិត្ត ការរស់នៅ សាមញ្ញ របស់ក្រុមគ្រួសារខ្ញុំ ។ ខ្ញុំមិនយកកិត្តិយស គ្រួសាររបស់ខ្ញុំ មកជាន់ឈ្លី ដោយប្រាក់ដុល្លារ ជីវិតខ្ញុំលំបាកតាំងតែពីតូច ហើយខ្ញុំក៏សុខចិត្ត អ៊ីចឹងតទៀត ក៏គ្មានបញ្ហាដែរ ហើយខ្ញុំពេញចិត្ត នឹងការងារសព្វថ្ងៃរបស់ខ្ញុំ អរគុណប៉ាម៉ាក់ ដែលបង្រៀន កូនឲ្យដើរតាមកន្លងធម៌ "។</p>
<p>តាមសម្តី ដែលនាងបង្ហោះនោះ បានធ្វើឲ្យទស្សនិកជន និងអ្នកដែលគាំទ្រនាង ជាច្រើន មានការងឿងឆ្ងល់ថា ហេតុអីនៅសុខៗ នាងបង្ហាញសារបែបនេះ ឬដោយសារតែមានបុរស សម្បូរទ្រព្យណាម្នាក់ តាមប្រម៉ាញ់ស្នេហ៍នាង? បានជាតារាស្រីវ័យក្មេងរូបនេះ ព្រលយសម្តី បែបនេះ ដើម្បីបង្ហាញ ជាសញ្ញាណអវិជ្ជមានមួយ ដល់បុរសដែលប៉ងប្រាថ្នា ចង់យកដុល្លារមកជះលើនាង ដើម្បីជាថ្នូរដូរយកខ្លួនប្រាណ របស់នាង ឬជាស្នេហាក្លែងក្លាយ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-140/hour-419.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-140/hour-420.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-140/hour-421.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-140/hour-422.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-140/hour-423.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-140/hour-424.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/33485-2014-08-22-06-03-35.html" target="_blank">ផ្តល់សិទ្ធដោយ ៖ ដើមអម្ពិល</a></p>