<p>ព័ត៌មានអន្តរជាតិ ៖ យ៉ាងហោចណាស់ មនុស្ស ៣ នាក់ បានស្លាប់បាត់បង់ជីវិត ខណៈជាច្រើននាក់ផ្សេង ទៀតនៅបន្តជាប់ក្រោមគំនរថ្ម បាក់បែកនៅឡើយ បន្ទាប់ពីមានករណីផ្ទុះ រលំ បាក់អាគារ កំពស់ ៤ ជាន់ មួួុយកន្លែង កណ្តាលក្រុង បារីស ប្រទេស បារាំង នេះបើតាមការអោយដឹង ពី គេហទំព័រសារព័ត៌មានបរ ទេសស្កាយញូវ ។</p>
<p><a class="thickbox" title="" href="/FileManager/Commons/2014/9/1/building-collapse-1-380x285-01-09-2014--09-29-07.jpg"><img src="/FileManager/Articles/mce/2014/9/1/building-collapse-1-380x285-01-09-2014--09-29-07.jpg" alt="" width="484" height="362" /></a></p>
<p>សេចក្តីរាយការណ៍ បន្តអោយដឹងថា ក្នុងនោះ ប្រតិបត្តិការចុះអន្តរាគមន៍ជាបន្ទាន់ ក៏ត្រូវបានធ្វើឡើងពី សំណាក់ អាជ្ញាធរ ប្រចាំតំបន់ ពោលបានប្រើប្រាស់ ឆ្កែហិតក្លិន ជាច្រើនក្បាល ក្នុង ការតាមប្រមាញ់រក ជនរងគ្រោះ ៦ នាក់ ដែលនៅតែបន្តបាត់ខ្លួនឡើយ ក្រោយពីមានករណី ផ្ទុះ សំ ណង់អាគាររស់នៅមួយ កន្លែងនេះ នៅឯភាគខាងកើតក្រុង ។ អ្នកនាំពាក្យ អោយ នា យកដ្ឋាន ពន្លត់ អគ្គីភ័យ លោក Gabriel Plus សរបញ្ជាក់អោយដឹងថា លោកពិតជាមានសុទិដ្ឋនិយម ដោយជនរងគ្រោះ នឹង រកឃើញ ក្នុងរយៈ ពេលប៉ុន្មានម៉ោងខាងមុខនេះ។</p>
<p><a class="thickbox" title="" href="/FileManager/Commons/2014/9/1/building-collapse-2-1-380x285-01-09-2014--09-29-19.jpg"><img src="/FileManager/Articles/mce/2014/9/1/building-collapse-2-1-380x285-01-09-2014--09-29-19.jpg" alt="" width="485" height="363" /></a></p>
<p>ដោយឡែក របាយការណ៍ ពីភ្នាក់ងារ សេវាកម្មសង្គ្រោះបន្ទាន់ អោយដឹងថា យ៉ាង ហោចណាស់ មនុស្ស ៣ នាក់បានស្លាប់ ក្នុងនោះ ក្មេងតូច វ័យ ៨ ឆ្នាំម្នាក់ និងនារីជំទង់ ពីរ នាក់ផ្សេង ទៀត វ័យ ជិត ២០ ឆ្នាំ ស្របពេលដែល មនុស្ស យ៉ាងតិច ១០ នាក់ផ្សេងទៀត រងរបួស ធ្ងន់ និង ស្រាល ។</p>
<p>រូបភាពក្រោយពីកើតមានឡើងនូវករណីផ្ទុះ បានបង្ហាញអោយឃើញថា ធ្វើអោយរលំ បាក់សំណង់អាគារ ខ្ទេចអស់មួយចំហៀង ។ យ៉ាងណាមិញ សាក្សីរស់នៅកន្លែងកើតហេតុ អោយ ដឹងថា ករណី ផ្ទុះបាក់រលំ អាគារមួយនេះ លាន់ឭ និង រំជួយរយៈចម្ងាយឆ្ងាយដល់ទៅ ១០០ ម៉ែត្រ ។ ទន្ទឹមនឹងនេះ មូលហេតុដែល នាំអោយមានករណីផ្ទុះរហូតដល់រំលំ បាក់សំណង់អាគារ ពុំទាន់មានការគូសបញ្ជាក់អោយដឹងច្បាស់នៅ ឡើយទេ ក៏ប៉ុន្តែ បើតាមការអះអាង ជាជំហានដំបូង ដោយដឹងថា អាចមកពី ករណីផ្ទុះធុង ហ្គាស ។</p>
<p><a class="thickbox" title="" href="/FileManager/Commons/2014/9/1/building-collapse-6-1-380x285-01-09-2014--09-29-31.jpg"><img src="/FileManager/Articles/mce/2014/9/1/building-collapse-6-1-380x285-01-09-2014--09-29-31.jpg" alt="" width="485" height="363" /></a></p>
<p><a class="thickbox" title="" href="/FileManager/Commons/2014/9/1/building-collapse-7-1-380x285-01-09-2014--09-29-43.jpg"><img src="/FileManager/Articles/mce/2014/9/1/building-collapse-7-1-380x285-01-09-2014--09-29-43.jpg" alt="" width="485" height="363" /></a></p>
<p><a class="thickbox" title="" href="/FileManager/Commons/2014/9/1/building-collapse-8-1-380x285-01-09-2014--09-29-54.jpg"><img src="/FileManager/Articles/mce/2014/9/1/building-collapse-8-1-380x285-01-09-2014--09-29-54.jpg" alt="" width="485" height="363" /></a></p>
<p>រដ្ឋមន្រ្តី ក្រសួងមហាផ្ទៃប្រទេស បារាំង លោក Bernard Cazeneuve បាន ចុះ ទៅដល់កន្លែងកើតហេតុ ដោយមានការប្តេជ្ញា និងតាំងចិត្ត អោយដឹងថា នឹងមានការគាំពារ ក៏ដូចជា គាំទ្រ ដល់ជនរងគ្រោះ ក៏ដូច ជាក្រុមគ្រួសារ ជនរងគ្រោះជាដើម ៕</p>
<p><object width="501" height="429" data="http://www.youtube.com/v/AYqhKxSjAR4&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/AYqhKxSjAR4&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ សា្កយញូវ</p>