<p>មកដល់ដំណាក់កាលនេះ គេមិនគិតថាមានមនុស្សច្រើននាក់ ជឿទៅលើវីដេអូនៃការ កាត់ក្បាលរបស់អ្នកសារព័ត៌មាន អាម៉េរិក លោក James Foley ជារឿងពិតទេ ។ សូម្បីតែប្រព័ន្ធផ្សព្វផ្សាយព័ត៌មាន mainstream media ក៏ចាប់ផ្តើមទទួលស្គាល់ ដោយការដកស្រង់ យកសម្តីអ្នកជំនាញ ជាច្រើនថា វីដេអូមួយនេះ អាចជាវីដេអូក្លែងក្លាយ ដែលត្រូវបានគេប្រឌិតឡើង ។ បើទោះបីអ្នកជំនាញទាំងនោះ មិនអាចលាតត្រដាង នូវការទទួលស្គាល់ ដោយត្រង់ក៏ដោយ ព្រោះការទទួលស្គាល់វីដេអូនេះ ថាជារឿងប្រឌិត វាប្រឆាំងទៅនឹងការងារ របស់ពួកគេផ្ទាល់ ។</p>
<p>ក្រោយពេលបែកធ្លាយរូបភាព និងវីដេអូកាត់តទៅលើការ ស្លាប់របស់អ្នកសារព័ត៌ មានអាម៉េរិក លោក James Foley ត្រូវបានពិភពលោក និងអ្នកជំនាញជាច្រើន បានប៉ាន់ប្រមាណថា ជាវីដេអូក្លែងក្លាយ ប៉ុន្តែមានអ្នកជំនាញមួយចំនួន បានជឿទៅលើវីដេអូ ប៉ុន្តែពួកគេមិនហ៊ានទទួល ស្គាល់ ព្រោះតែប៉ះពាល់ ដល់ការងារផ្ទាល់ខ្លួន ។</p>
<p>យោងទៅតាមសម្តីរបស់លោក Bouthaina Shaaban មន្ត្រីនាំពាក្យរដ្ឋាភិបាលស៊ីរី បានឲ្យដឹងថា James Foley ត្រូវបានចាប់ខ្លួនដោយ កងទ័ពស៊ីរី ក្លែងក្លាយម្នាក់ ហើយត្រូវសម្លាប់ដោយយោធារដ្ឋ អ៊ីស្លាមកាលពីមួយឆ្នាំមុន ។</p>
<p>នៅពេលដែលរដ្ឋអ៊ីស្លាម មួយនេះ បានហៅខ្លួនឯងថា ISIS ពេលនោះ លោក James Foley ត្រូវបានគេចាប់ខ្លួន ដោយកងទ័ពស៊ីរីសេរី ហើយលក់មកឲ្យ ISIS ដោយព័ត៌មាននេះ ត្រូវបានផ្ទៀងផ្ទាត់ជាមួយអង្គការសហប្រជាជាតិ ព្រោះថាអង្គការសហប្រជាជាតិ ក៏ធ្លាប់ទទួលស្គាល់ ព័ត៌មាននេះផងដែរ ។ James Foley ត្រូវបានគេសម្លាប់កាលពីឆ្នាំមុន មិនមែនបច្ចុប្បន្ននេះទេ ហេតុអ្វីបានជាពួកគេទើបតែចេញផ្សាយ រូបភាពវីដេអូកាត់ក្បាល នាពេលថ្មីៗនេះទៅវិញ?</p>
<p>បើយើងមើលវីដេអូនោះវិញ មានចំណុចមួយចំនួនដែលគួរឲ្យជឿ និងមិនគួរឲ្យជឿ ពួកគេបានធ្វើឲ្យងងឹត មុនពេលបង្ហាញរូបភាព សាកសព គ្មានក្បាល ហើយចំនួន frames ដែលបង្ហាញគឺវាតិចពេក សម្រាប់បង្ហាញការ កាត់ក្បាល់លោក James Foley ។ ម្យ៉ាងវិញទៀត វីដេអូខាងក្រោម គឺជារូបភាពវីដេអូដែល មានចលនាយឺតបំផុតមួយ ដែលកំពុងបង្ហាញអំពីវីដេអូ នៃការចោទថាកាត់ក្បាល លោក James Foley នោះ ពីមួយ frame ទៅមួយ frame ៕</p>
<p style="text-align: center;"><object width="470" height="403" data="http://www.youtube.com/v/I4FKpv-fcE0&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/I4FKpv-fcE0&rel=1" /></object></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-140/hour-772.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/33717-2014-08-30-07-43-01.html" target="_blank">ផ្តល់សិទ្ធដោយ ៖ ដើមអម្ពិល</a></p>