<div class="article-content">
<p><strong>ព្រះវិហារៈ</strong> រថយន្ត4runner មួយគ្រឿងបានបើកយ៉ាងលឿន ហើយក៏បានជ្រុលចង្កូត កឡាប់បណ្តាលឲ្យបុរស ម្នាក់បានស្លាប់បាត់បង់ជីវិត កាលពីវេលាម៉ោង១ និង១៥នាទី រសៀលថ្ងៃទី២០ ខែមករា ឆ្នាំ២០១៤ នៅជិតចំណុច បន្ទាយពាក់ស្បែក ក្នុងស្រុកជាំក្សាន្ត ខេត្តព្រះវិហារ ។</p>
<p>តាមប្រសាសន៍របស់លោកវរៈសេនីយ៍ត្រី ដាំ យិន អធិការនគរបាល ស្រុកជាំក្សាន្ត បានប្រាប់អ្នកយកព័ត៌មាន មជ្ឈមណ្ឌលដើមអម្ពិលថា នៅមុនពេលកើតហេតុ គេបានឃើញរថយន្តម៉ាក4runner ពាក់ស្លាកលេខភ្នំពេញ 2H-1735 បានបើកចេញពីភូមិស្រអែម ឆ្ពោះមកខេត្តព្រះវិហារ ក្នុងល្បឿនយ៉ាងលឿន។ ដោយអាង ថាផ្លូវស្ងាត់លុះមកដល់ត្រង់ ចំណុចផ្លូវកោងមិនបន្ថយល្បឿនបួងចង្កូតមិនទាន់ ធ្វើឲ្យរថយន្តក្រឡាប់ បណ្តាលអោយបុរស ជាអ្នកបើកបរឈ្មោះ កើ សំរួត អាយុ៣១ឆ្នាំ រស់នៅភូមិពពាយ ឃុំទ្រា ស្រុកស្ទោង ខេត្តកំពង់ធំ បានស្លាប់បាត់បង់ជីវិត នៅនិងកន្លែងកើតហេតុភ្លាមៗ នោះតែម្តង។</p>
<p>គួរបញ្ជាក់ផងដែរថា បុរសម្នាក់ដែលបានស្លាប់នេះត្រូវបាន មន្ត្រីនគរបាលចរាចរស្រុកជាំក្សាន្ត កំពុងតែ ទំនាក់ទំនង រកបងប្អូនសាច់ញាតិ ក្រុមគ្រួសារ របស់អ្នកដែលបានស្លាប់ដើម្បីអោយមកទទួល យក សាកសពនៅ វត្តភូមិស្រអែម យកទៅស្រុកកំណើតធ្វើបុណ្យតាមប្រពៃណី។ ចំនែកឯរថយន្តត្រូវបាន កម្លាំងនគរបាលចរាចរជើងគោគ អូសយកទៅរក្សាទុកនៅ អធិការដ្ឋាននគរបាលស្រុកជាំក្សាន្ត ៕</p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00545.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00543.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00542.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00544.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00546.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>