<p>ក្រុមអ្នកវិទ្យាសាស្ដ្របានព្រមានថា អ្នកដែលធ្វើការវេនយប់ នឹងរុញច្រានឱ្យរាងកាយធ្លាក់ទៅ<br />ក្នុង ស្ថានភាពច្របូកច្របល់ បង្កគ្រោះថ្នាក់ដល់សុខភាព។<br /><br />ការព្រមានត្រូវបានលើកឡើង បន្ទាប់ពីអ្នកវិទ្យាសាស្ដ្រនៅមជ្ឈមណ្ឌលស្រាវជ្រាវអំពីដំណេក <br />(Sleep Research Centre) នៃសកលវិទ្យាល័យ Surrey (អង់គ្លេស) បានរកឃើញថា ការគេង<br />ផ្ទុយពីធម្មជាតិ នឹងបំផ្លាញ DNA ។ ក្រុមអ្នកស្រាវជ្រាវ បានធ្វើការពិសោធទៅលើបុរស និងស្ដ្រី<br />ពេញកម្លាំង ចំនួន ២២នាក់ ដោយពន្យាពេលចូលគេង ចំនួន ៤ម៉ោង ជារៀងរាល់ថ្ងៃ ក្នុងរយៈ<br />ពេល ៣ថ្ងៃ រហូតដល់ពួកគេចូលគេងត្រូវនឹងពេលដែលពួកគេតែងរឭក និងផ្ទុយមកវិញ។</p>
<p style="text-align: center;"><a class="thickbox" title="" href="/FileManager/Commons/2014/1/25/sleep-25-01-2014--21-17-01.jpg"><img src="/FileManager/Articles/mce/2014/1/25/sleep-25-01-2014--21-17-01.jpg" alt="" width="420" height="236" /></a></p>
<p style="text-align: center;"><em>យោងតាមអ្នកវិទ្យាសាស្ដ្រ ហ្សែនប្រមាណជា ៩៧% ឡើងទៅ ប្រែទៅជាបាត់បង់ភាពស្រប<br />គ្នា នៅពេលមនុស្សគេងខុសទម្លាប់ ដូចជាពួកគេធ្វើការពេលយប់ និងគេងពេលថ្ងៃ។ល។</em></p>
<p><br />លទ្ធផលពិនិត្យឈាមបង្ហាញថា នៅពេលគេងតាមធម្មតា នោះ ៦% នៃហ្សែនរបស់អ្នកចូលរួម<br />ពិសោធ ត្រូវបានបង្កើតពេលវេលា ដើម្បីបង្កើន ឬបន្ថយសកម្មភាព នៅក្នុងពេលវេលាជាក់លាក់ណាមួយក្នុងថ្ងៃ។</p>
<p>ជាក់ស្ដែងដូចជា ហ្សែនមួយចំនួនដែលជាប់ទាក់ទិននឹងដំណើរនៃការការពាររាងកាយ ពីជម្ងឺនា<br />នា បានធ្វើសកម្មភាពនៅពេលថ្ងៃច្រើនជាងពេលយប់។ ប៉ុន្ដែ នៅពេលគេធ្វើការវេនយប់ និង <br />គេងពេលថ្ងៃ នោះដំណើរការខាងលើ ត្រូវបានបំផ្លាញយ៉ាងធ្ងន់ធ្ងរ។<br /><br />បណ្ឌិត Simon Archer សមាជិកម្នាក់របស់ក្រុមអ្នកស្រាវជ្រាវនេះ ថ្លែងថា ៖ “ហ្សែនច្រើនជាង <br />៩៧% ដែលគោរពទៅតាមពេលវេលា យប់ និងថ្ងៃ ប្រែទៅជាបាត់បង់ភាពស្របគ្នា នៅពេល<br />មានដំណេកខុសពេលវេលា។ ប្រការនេះបកស្រាយនូវមូលហេតុ ដែលនាំឱ្យមនុស្សមានការ<br />ពិបាកទ្រាំជាខ្លាំង នៅពេលហោះហើរក្នុងរយៈពេលវែង ឬនៅពេលធ្វើការវេនយប់”។<br /><br />សាស្ដ្រាចារ្យ Derk-Jan Dijk សហការីរបស់បណ្ឌិត Archer បានអធិប្បាយអំពីផលប៉ះពាល់ខាង<br />លើថា ជា “ការច្របូកច្របល់”។ លោក Archer បន្ដថា ការពិសោធនេះ បានជួយឱ្យមនុស្សយល់ ច្បាស់អំពីផលអវិជ្ជមាន របស់ការធ្វើការវេនយប់ ការធ្វើដំណើរតាមយន្ដហោះផ្លូវឆ្ងាយ ភាពចាស់<br />ជរា និងស្ថានភាពដទៃ ក្នុងនោះចង្វាក់របស់ហ្សែន ត្រូវបានបំផ្លាញ។<br /><br />អ្នកវិទ្យាសាស្ដ្រទទួលស្គាល់ថា ការច្របូកច្របល់នៃហ្សែន ក្នុងរយៈពេលយូរ វានឹងនាំឱ្យមាន <br />បញ្ហា សុខភាពធ្ងន់ធ្ងរ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/92153/history-of-chinese-new-year"><span style="color: #3366ff;">ស្វែងយល់ពី ប្រវត្តិបុណ្យចូលឆ្នាំចិន</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/41607/why-women-cry-more-than-men"><span style="color: #3366ff;">ស្ដ្រីយំច្រើនជាងបុរស មកពីហេតុអ្វី?</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/64287/is-our-sun-falling-silent-and-making-the-new-ice-age"><span style="color: #3366ff;">យុគសម័យ Ice Age ថ្មី កំពុងមកដល់ ដោយព្រះអាទិត្យ អន់ថយកម្លាំង?</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ BBC<br /><br /></p>