<p><span style="color: #000000;">ព័ត៌មានអន្តរជាតិ ៖ អេហ្ស៊ីប និង អារ៉ាប់ប៊ីសាអ៊ូឌីដ មានចំណាប់អារម្មណ៍ក្នុងការបញ្ជាទិញ នាវា ចម្បាំងផលិតពីប្រទេស បារាំង ២ គ្រឿង (នាវាចម្បាំង Mistral)នេះបើយោងតាមការគូសបញ្ជាក់ ពីសារព័ត៌មានបរទេស AFP សេចក្តីរាយការណ៍ បញ្ជាក់អោយដឹងថា នាវាចម្បាំងទាំងពីរគ្រឿង នេះត្រូវបានលក់ចេញទៅអោយប្រទេសរុស្ស៊ី មុនពេលបារាំង លុបចោលកិច្ចព្រមព្រៀងមួយនេះ</span></p>
<p><span style="color: #000000;">មន្រ្តីផ្លូវការ ប្រទេស បារាំង គូស បញ្ជាក់ អោយដឹង ក្នុង លក្ខខ័ណ្ឌ មិនបញ្ចេញឈ្មោះ ដល់សារ ព័ត៌មានប្រទេស បារាំង Le Monde អោយ ដឹងថា ៖ ដោយឡែក ពីគ្នា អេហ្ស៊ីប និង អារ៉ាប់ប៊ីសា អ៊ូឌីដ មានចំណាប់អារម្មណ៍ ក្នុងការបញ្ជាទិញ នាវាចម្បាំង ទាំង ២ គ្រឿង ។ </span></p>
<p><a class="thickbox" title="" href="/FileManager/Commons/2015/8/8/40-08-08-2015--10-47-53.jpg"><img src="/FileManager/Articles/mce/2015/8/8/40-08-08-2015--10-47-53.jpg" alt="" /></a></p>
<p><span style="color: #000000;">ប្រភពដដែលបន្ត អោយ ដឹងថា ស្តេច Salman ប្រទេស អារ៉ាប់ប៊ីសាអ៊ូឌីដ មាននិន្នាការ បង្កើត កងនាវា នៅក្នុងប្រទេស អេហ្ស៊ីប ដែលជាគម្រោងផែនការ ពង្រីកអំណាចក្នុងតំបន់ ពោល នៅ ក្នុងតំបន់សមុទ្រក្រហម Red Sea ក៏ដូចជា សមុទ្រ Mediterreanean ជាដើម ។ គួរបញ្ជាក់ថា របាយការណ៍ខាងលើនេះ ត្រូវបានគេមើលឃើញថា មាន ការលើកឡើង បំភ្លឺអោយដឹងទៅបាន មួយថ្ងៃបន្ទាប់ពី ប្រធានាធិបតី ប្រទេស បារាំង Francois Hollande ទៅចួលរួមកម្មវិធីសម្ភោធជា ផ្លូវការ ព្រែកជីក Suez Canal នៅក្នុងទីក្រុង កំពង់ផែ ទីក្រុង Ismailia ប្រទេស អេហ្ស៊ីប ៕</span></p>
<p><a class="thickbox" title="" href="/FileManager/Commons/2015/8/8/41-08-08-2015--10-48-02.jpg"><img src="/FileManager/Articles/mce/2015/8/8/41-08-08-2015--10-48-02.jpg" alt="" /></a></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ អ័រតេ </span></p>