<p>ដោយគ្រាន់តែប្រើ ខ្សែជ័រប៉ុន្មានសរសៃ ឬជណ្ដើរធ្វើអំពីខ្សែជួរ ដែលមិនគួរឱ្យទុកចិត្ត ក្រុមអ្នក<br />ប្រមាញ់សំបុកឃ្មុំអាជីព នៅតំបន់ភ្នំថ្ម ហិមពាន្ដ (ហិមាល័យ/ Himalaya) ក្នុងប្រទេស Nepal នាំ<br />គ្នាផ្សងជីវិត ឡើងទៅកាន់កម្ពស់ ១២០ម៉ែត្រ ដើម្បីសំបុកឃ្មុំ។</p>
<p style="text-align: center;"><a class="thickbox" title="" href="/FileManager/Commons/2014/1/11/ហិមពាន្ដ1-11-01-2014--13-44-12.jpg"><img src="/FileManager/Articles/mce/2014/1/11/ហិមពាន្ដ1-11-01-2014--13-44-12.jpg" alt="" /></a></p>
<p><br />នៅប្រទេស Nepal “ប្រមាញ់ទឹកឃ្មុំ” គឺជាមុខរបរចិញ្ចឹមជីវិតមួយដែលមានតាំងតែពី ១៣ពាន់ឆ្នាំ<br /> មុនគ្រិស្ដសករាជ ហើយមកដល់ពេលបច្ចុប្បន្ន វាបានក្លាយទៅជាផ្នែកមួយដ៏សំខាន់នៃវប្បធម៌<br />របស់ Nepal ។ មានឯកសារបុរាណជាច្រើន បានកត់ត្រានូវផែនទី និងសមត្ថភាពរបស់ជនជាតិ <br />Nepal ក្នុងមុខរបរយកទឹកឃ្មុំ។</p>
<p style="text-align: center;"><a class="thickbox" title="" href="/FileManager/Commons/2014/1/11/ហិមពាន្ដ2-11-01-2014--13-45-23.jpg"><img src="/FileManager/Articles/mce/2014/1/11/ហិមពាន្ដ2-11-01-2014--13-45-23.jpg" alt="" /></a></p>
<p><br />បច្ចុប្បន្ន ដូចទៅនឹងមុខរបរសិប្បកម្ម និងកសិកម្មដទៃរបស់បណ្ដាប្រទេសក្នុងពិភពលោក មុខរបរ<br />ដ៏គ្រោះថ្នាក់នេះ នៅ Nepal ក៏ត្រូវបានប្រជាជននៅទីប្រជុំជន បោះបង់ចោល ប៉ុន្ដែ នៅក្នុងតំបន់<br />ក្បែរព្រៃភ្នំជាច្រើន ប្រជាជន ក៏នៅតែរក្សាមុខរបរនេះ។</p>
<p style="text-align: center;"><a class="thickbox" title="" href="/FileManager/Commons/2014/1/11/ហិមពាន្ដ3-11-01-2014--13-47-56.jpg"><img src="/FileManager/Articles/mce/2014/1/11/ហិមពាន្ដ3-11-01-2014--13-47-56.jpg" alt="" /></a></p>
<p><br />Apis Laboriosa គឺជាឃ្មុំ ប្រភេទធំបំផុតក្នុងពិភពលោក ពិសេស គឺវាមាននៅប្រទេស Nepal តែ<br />ប៉ុណ្ណោះ។ ឃ្មុំប្រភេទនេះ ធ្វើសំបុកនៅលើចង្កេះភ្នំថ្ម ខ្ពស់ៗ របស់ជួរភ្នំហិមពាន្ដ (Himalaya) ។ <br />ដូច្នេះ ដើម្បីអាចយកបានឃ្មុំប្រភេទនេះបាន ក្រុមអ្នកប្រមាញ់ ត្រូវផ្សងគ្រោះថ្នាក់ដល់ជីវិត យោល<br />ខ្លួន នៅលើខ្សែពួរជ័រ ពីកំពូលភ្នំ ចុះមកក្រោម។</p>
<p style="text-align: center;"><a class="thickbox" title="" href="/FileManager/Commons/2014/1/11/ហិមពាន្ដ8-11-01-2014--13-41-35.jpg"><img src="/FileManager/Articles/mce/2014/1/11/ហិមពាន្ដ8-11-01-2014--13-41-35.jpg" alt="" /></a></p>
<p><br />ជាទូទៅ ក្នុងមួយឆ្នាំ គឺមានរដូវប្រមូលផលឃ្មុំ ចំនួន ២លើក ក្នុង ១លើកៗ មានរយៈពេល ៣<br />សប្ដាហ៍ ដោយលើកទី ១ ត្រូវបានធ្វើឡើងក្នុងរដូវផ្ការីក និងលើកទី ២ ក្នុងរដូវរំហើយ។ ប្រជា<br />ជននៅទីនេះ បានឱ្យដឹងថា មុននេះ ឃ្មុំសម្បូរខ្លាំងណាស់ មានពេលខ្លះ ប្រជាជនមួយចំនួន បាន<br />ក្លាយជាអ្នកមាន បន្ទាប់ពីរកបានឃ្មុំ ៦០០ សំបុក ប៉ុន្ដែបច្ចុប្បន្ន ការស្វែងរកឃ្មុំ គឺកាន់តែជួបការ<br />លំបាក ដោយសារព្រៃជាច្រើនតំបន់ ត្រូវគេកាប់បំផ្លាញ។ បច្ចុប្បន្ន អ្នកប្រមាញ់ឃ្មុំម្នាក់ យ៉ាង<br />ច្រើន រកបានត្រឹមតែ ៨០សំបុកប៉ុណ្ណោះ ក្នុងមួយឆ្នាំ។</p>
<p><a class="thickbox" title="" href="/FileManager/Commons/2014/1/11/ហិមពាន្ដ7-11-01-2014--13-50-20.jpg"><img src="/FileManager/Articles/mce/2014/1/11/ហិមពាន្ដ7-11-01-2014--13-50-20.jpg" alt="" /></a></p>
<p> <br />នៅពេលរដូវប្រមូលផលមកដល់ អ្នកប្រមាញ់ឃ្មុំ នឹងប្រមូលផ្ដុំគ្នាជាក្រុមមួយ ហើយធ្វើដំណើរ<br />ទៅកាន់ភ្នំហិមពាន្ដ។ ជនជាតិ Nepal មួយចំនួនដែលជាអ្នកមានជំនាញខាងយកឃ្មុំ ប្រាប់ឱ្យដឹង<br />ថា ការយកឃ្មុំបានមួយសំបុក គឺត្រូវការពេល ពី ២ ទៅ ៣ម៉ោង ប៉ុន្ដែ វាក៏អាស្រ័យទៅលើតំបន់<br /> ស្ថានភាពភូមិសាស្ដ្រ និងទំហំរបស់សំបុកឃ្មុំ។</p>
<p style="text-align: center;"><a class="thickbox" title="" href="/FileManager/Commons/2014/1/11/ហិមពាន្ដ15-11-01-2014--13-51-32.jpg"><img src="/FileManager/Articles/mce/2014/1/11/ហិមពាន្ដ15-11-01-2014--13-51-32.jpg" alt="" /></a></p>
<p><br />មុនពេលចាប់ផ្ដើមការឡើងយកឃ្មុំ ក្រុមអ្នកប្រមាញ់ នឹងធ្វើពិធីបួងសួងតាមជំនឿបុរាណ ដើម្បី<br />អរគុណដល់មេឃដី និងធម្មជាតិទាំងឡាយដែលបានបង្កើតរុក្ខជាតិ និងពលិកម្មរបស់ប្រភេទរុក្ខ<br />ជាតិនានា ដើម្បីបានទឹកឃ្មុំដ៏ផ្អែម។</p>
<p style="text-align: center;"><a class="thickbox" title="" href="/FileManager/Commons/2014/1/11/ហិមពាន្ដ11-11-01-2014--13-52-52.jpg"><img src="/FileManager/Articles/mce/2014/1/11/ហិមពាន្ដ11-11-01-2014--13-52-52.jpg" alt="" /></a></p>
<p><br />ក្រោយមក ពួកគេនឹងដុតភ្លើង ចែកគ្នាជាក្រុមតូចៗ និងធ្វើការរុករកឃ្មុំ។ ក្រុមនិមួយៗ តែងមានគ្នា<br /> ២នាក់ ដោយម្នាក់នៅខាងលើ មានតួនាទីជាជំនួយការ ហើយម្នាក់ទៀត ត្រូវចុះទៅខាងក្រោម<br /> ចង្កេះភ្នំ ដោយប្រើខ្សែ ដើម្បីយកសំបុកឃ្មុំ។</p>
<p style="text-align: center;"><a class="thickbox" title="" href="/FileManager/Commons/2014/1/11/ហិមពាន្ដ4-11-01-2014--13-53-45.jpg"><img src="/FileManager/Articles/mce/2014/1/11/ហិមពាន្ដ4-11-01-2014--13-53-45.jpg" alt="" /></a></p>
<p><br />បើទោះជាបានដុតភ្លើង បង្ហុយផ្សែង ដើម្បីដេញឃ្មុំ ប៉ុន្ដែអ្នកយកឃ្មុំជាច្រើន នៅតែត្រូវឃ្មុំទិច <br />ហើមមុខមាត់ អ្នកខ្លះក៏ត្រូវខ្វះភ្នែក។ នៅពេលត្រូវរងគ្រោះបែបនេះ ពួកគេបែរជាយល់ថា ដោយ<br />សារមិនបានសែនព្រេន និងសុំម្ចាស់ទឹក ម្ចាស់ដី ឱ្យបានគ្រប់ជ្រុងជ្រោយ ត្រូវតាមវិធីទៅវិញ ។</p>
<p style="text-align: center;"><a class="thickbox" title="" href="/FileManager/Commons/2014/1/11/ហិមពាន្ដ16-11-01-2014--13-52-16.jpg"><img src="/FileManager/Articles/mce/2014/1/11/ហិមពាន្ដ16-11-01-2014--13-52-16.jpg" alt="" /></a></p>
<p><br />បណ្ដារូបភាពដ៏អស្ចារ្យនេះ មួយចំនួន ជាស្នាដៃរបស់ជាងថតរូប Éric Tourneret ក្រៅពីនេះ ក៏មាន<br />ស្នាដៃរបស់ Eric Valli ដែលជាអ្នកនិពន្ធ និងជាជាងថតរូប ជនជាតិបារាំង ដែលបានធ្វើឡើងកាល<br />ពីឆ្នាំ ១៩៨៧។ កម្រងរូបថតនេះ ក្រោយមក ក៏បានទទួលពានរង្វាន់សារព័ត៌មានពិភពលោក៕</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/87026/9-ways-to-make-lots-of-money"><span style="color: #3366ff;">វិធី ៩យ៉ាង ដើម្បីក្លាយជា អ្នកមាន</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/46310/new-jackets-for-hens"><span style="color: #3366ff;">ផលិតអាវសម្រាប់មាន់ ក៏ជាវិធីរកប្រាក់ ប្រកបដោយភាព ច្នៃប្រឌិត</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/18650/chinas-booming-business-of-burials"><span style="color: #3366ff;">សេវាកម្មបុណ្យសពនៅចិន ៖ វិស័យដែលរកប្រាក់បាន ១៥ពាន់លានដុល្លារ ក្នុងមួយឆ្នាំ</span></a></span></p>
<p> </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ CB<br /> <br /> <br /> <br /> </p>