<p>Kat Cole អាយុ ៣៥ឆ្នាំ ជាអគ្គនាយិការវ័យក្មេងរូបស្រស់របស់ Cinnabon ដែលជាបណ្ដាញហាងនំបំពងរបស់អាមេរិក ធ្លាប់ចាប់ផ្ដើមរកប្រាក់ដោយធ្វើជានារីបម្រើតុ នៅ Hooters ពេលមានអាយុទើប ១៦ឆ្នាំ។</p>
<p>ដោយមានការជឿជាក់ទៅលើប្រការវិជ្ជមាន មិនបោះបង់ឱកាស និងមានភាពរហ័សរហួនក្នុងការគ្រប់គ្រង បន្ដិចម្ដងៗ Kat Cole បានក្លាយជាអគ្គនាយិការរង នៅពេលមានអាយុ ២៦ឆ្នាំ បើទោះជានាងមិនទាន់មានសញ្ញាបត្រមហាវិទ្យាល័យ។<br /><br /><strong>Kat Cole បានប្រឹងប្រែង តាំងពីអាយុ ១៦ឆ្នាំ</strong></p>
<p>Kat Cole ធំឡើងនៅក្នុងតំបន់ Jacksonville រដ្ឋ Florida និងរស់នៅជាមួយម្ដាយ បន្ទាប់ពីពុកម្ដាយនាង បានលែងលះគ្នា។ ម្ដាយរបស់នាង ចិញ្ចឹមកូន ៣នាក់ តែម្នាក់ឯង ដោយទឹកប្រាក់ ១០ដុល្លារ ក្នុងមួយសប្ដាហ៍។<br /><br />អាយុ ១៦ឆ្នាំ Kat Cole បានចាប់ផ្ដើមធ្វើការក្រៅម៉ោងដំបូង នោះគឺធ្វើជាអ្នករត់តុ នៅ Hooters ក្នុងសម្លៀកបំពាក់ tank top និងខោរឹបពណ៌ទឹកក្រូច ដ៏សិចស៊ី។ ក្រោយមក មិនយូរប៉ុន្មាន នាងបានក្លាយជាអ្នកគ្រប់គ្រងចង្ក្រាន បន្ទប់អាហារ និងកន្លែងធ្វើភេសជ្ជៈ នៅទីនេះ។</p>
<p style="text-align: center;"><a class="thickbox" title="" href="/FileManager/Commons/2013/10/10/cole2-10-10-2013--21-52-56.jpg"><img src="/FileManager/Articles/mce/2013/10/10/cole2-10-10-2013--21-52-56.jpg" alt="" /></a></p>
<p>អាយុ ១៩ឆ្នាំ Kat Cole ត្រូវបាន Hooters ស្នើឱ្យទៅកាន់ប្រទេសអូស្ដ្រាលី រួមនឹងបុគ្គលិកមួយក្រុម ដើម្បីបើកហាងផ្ដល់សិទ្ធិថ្មី។ ប៉ុន្ដែពេលនោះ បញ្ហាមួយដែលសូម្បីតែអ្នកគ្រប់គ្រងរបស់នាងក៏មិនដឹងថា Kat Cole មិនមានលិខិតឆ្លងដែន។<br /> <br />Cole មិនចង់ឱ្យឱកាសកន្លងផុត នាងក៏ពិភាក្សាជាមួយម្ដាយ ហើយក៏ធ្វើការហោះហើរទៅកាន់ Miama សុំធ្វើលិខិតឆ្លងដែន។ ថ្ងៃបន្ទាប់ នាងបានទូរស័ព្ទទៅបញ្ជាក់ក្រុមហ៊ុនរបស់ខ្លួនថា នាងមានលិខិតឆ្លងដែន នាងអាចទៅបាន។ <br /><br />នៅពេលមកដល់ Sydney នាង Cole បានចាប់ផ្ដើមបើកហាង ក្នុងរយៈពេល ៤០ថ្ងៃ ហើយការងារដែលនាងត្រូវធ្វើ គឺ ជ្រើសរើស និងបណ្ដោះបណ្ដាលបុគ្គលិក។ ក្នុងដំណាក់កាលនោះ នាងកំពុងឆ្ពោះទៅគោលដៅយកឱ្យបាន សញ្ញាបត្រមហាវិទ្យាល័យ នៅសាលា North Florida និងរៀបគម្រោងចូលរៀននៅសាលាច្បាប់។ ក្នុងរយៈពេលមួយខែ Hooters បានបញ្ជូននាងទៅកាន់ Mexico ដើម្បីបើកហាងដំបូង នៅអាមេរិកកណ្ដាល និងនៅ Argentina ព្រមទាំងនៅក្នុងរដ្ឋចំនួន ២ របស់អាមេរិក។ ប៉ុន្ដែ ការសិក្សារបស់នាង ពេលនោះ ទទួលបរាជ័យ ព្រោះតែមិនបានរៀនអ្វីសោះ។</p>
<p>ឆ្នាំ ១៩៩៩ នាងត្រូវបានអគ្គនាយករងរបស់ Hooters ស្នើឱ្យដាក់ពាក្យសុំកាន់កាប់តំណែងអ្នកគ្រប់គ្រងផ្នែកបណ្ដុះបណ្ដាល នៅការិយាល័យកណ្ដាល ក្នុងតំបន់ Atlanta ។ មកដល់ឆ្នាំ ២០០៤ ក្រុមហ៊ុន Hooters ត្រូវបានប្រកាសលក់ ដោយសារម្ចាស់របស់វា បានស្លាប់ក្នុងវ័យ ៦៩ឆ្នាំ ដោយសារជម្ងឺហើមសសៃឈាម។ Cole នៅតែសម្រេចចិត្តនៅជា Hooters ហើយនាងបានក្លាយជាអគ្គនាយិការរង ពេលនាងមានអាយុ ២៦ឆ្នាំ។ ការងាររបស់នាង គឺត្រូវជួយដល់ក្រុមវិភាគ និងម្ចាស់ធនាគារ តាមរយៈការផ្ដល់ទន្និន័យនានារបស់បណ្ដាញហាង រហូតដល់ប្រាក់វិនិយោគឯកជន។ ពេលនោះ Cole មិនទាន់មានសញ្ញាបត្រមហាវិទ្យាល័យ នៅឡើយ។<br /><br />ដើម្បីដោះស្រាយបញ្ហាមិនមានសញ្ញាបត្រខាងលើ Cole បានទៅចុះឈ្មោះរៀន ដើម្បីបានសញ្ញាបត្រ MBA នៅសកលវិទ្យាល័យ Georgia State ។ មកដល់ឆ្នាំ ២០១១ Cole បានក្លាយជាអគ្គនាយិការ ក្នុងវ័យ ៣២ឆ្នាំ គឺបន្ទាប់ពីបានធ្វើការនៅ Hooters អស់រយៈពេល ១៥ឆ្នាំ។<br /><br /><strong>អគ្គនាយកបណ្ដាញហាងនំ ដែលរកបានពាន់លានដុល្លារ</strong><br /> <br />Kat Cole បានក្លាយជាអគ្គនាយិការ ក្នុងវ័យ ៣២ឆ្នាំ របស់ក្រុមហ៊ុន Cinnabon ដែលមានហាងចំណុះ ចំនួន ១,១០០ កន្លែង និងរកបានប្រាក់ចំណូល ១ពាន់លានដុល្លារក្នុងមួយឆ្នាំ បន្ទាប់ពីបានធ្វើការរយៈពេល ១៥ឆ្នាំ នៅ Jacksonville ក្នុងរដ្ឋ Florida ។ ក្នុងឆ្នាំនេះ ប្រាក់ចំណូលទូទាំងពិភពលោក របស់ក្រុមហ៊ុន នឹងឡើងដល់ ១ពាន់លានដុល្លារ។</p>
<p style="text-align: center;"><a class="thickbox" title="" href="/FileManager/Commons/2013/10/10/cole3-10-10-2013--21-55-08.jpg"><img src="/FileManager/Articles/mce/2013/10/10/cole3-10-10-2013--21-55-08.jpg" alt="" /></a></p>
<p>បើទោះ កាន់កាប់តំណែងអគ្គនាយិការក្រុមហ៊ុនដ៏ធំមួយ ប៉ុន្ដែ Cole រួមនឹងមិត្តប្រុសយូរឆ្នាំរបស់នាង កំពុងរស់នៅក្នុងផ្ទះដែលត្រូវបានសាងសង់កាលពីឆ្នាំ ១៩៦៩ នៅលើផ្ទៃដី ៣,០០០ម៉ែត្រក្រឡា នៅ Atlanta ។ នាងនៅតែប្រើប្រាស់រថយន្ដ Mercedes ដែលបានទិញកាលពី ៩ឆ្នាំមុន និងប្រើទូរស័ព្ទ iPhone ដែលមានអេក្រង់បែក។<br /><br /><span style="color: #000000;"><strong>* ព័ត៌មានទាក់ទងសំខាន់ៗ</strong></span></p>
<p><span style="color: #3366ff;"><a href="/News/Detail/86413/rainbow-loom%E2%80%99s-success-from-2000-pounds-of-rubber-bands"><span style="color: #3366ff;">- អាយុ ១៥ឆ្នាំ រកបានជាងមួយលានដុល្លារ ដោយការលក់ស្បែកជើងផ្ទាត់ </span></a></span></p>
<p><span style="color: #3366ff;"><a href="/News/Detail/86413/rainbow-loom%E2%80%99s-success-from-2000-pounds-of-rubber-bands"><span style="color: #3366ff;">- គ្រាន់តែលក់ខ្សែកៅស៊ូក្មេងលេង រកបានប្រាក់រាប់លាន ដុល្លារអាមេរិក</span></a></span></p>
<p><span style="color: #3366ff;"><a href="/News/Detail/41890/frog-fallopian-tubesbusiness-booming-at-singapores-only-frog-farm"><span style="color: #3366ff;">- ស្រីស្អាត បោះបង់មហាវិទ្យាល័យ បែរមកចិញ្ចឹមកង្កែប</span></a></span></p>
<p> </p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ forbes/ds<br /><br /></p>