<p>Ukraine ថ្មីៗនេះ បានប្រកាសថា អាជ្ញាធររបស់ខ្លួន កំពុងកាន់កាប់ភ័ស្ដុតាង បង្ហាញថា រុស្ស៊ី <br />មានតួនាទីជាអ្នកសម្រេចចិត្តចុងក្រោយ ក្នុងករណីបាញ់ទម្លាក់យន្ដហោះ MH17 ដែលបាន<br />បណ្ដាលឱ្យមនុស្ស ២៩៨បាត់បង់ជីវិត។</p>
<p>ទំព័រ Reuters ដកស្រង់សំដីមេដឹកនាំក្រុមចារកិច្ចរបស់ អ៊ុយក្រែន លោក Vitaly Naida ឱ្យដឹង<br />ថា “យើងខ្ញុំមានភ័ស្ដុតាងដ៏ជាក់លាក់ បង្ហាញថា សកម្មភាពភេរវកម្ម ត្រូវបានធ្វើឡើង ដោយ<br />មានការគាំទ្រពីប្រទេសរុស្ស៊ី។ យើងខ្ញុំបានដឹងច្បាស់ថា បណ្ដាក្រុមមនុស្សដែលបានចូលរួម<br />ចំណែកធ្វើសកម្មភាព នៅកន្លែងបាញ់កាំជ្រួច គឺជាជនជាតិរុស្ស៊ី”។</p>
<p style="text-align: center;"><a class="thickbox" title="" href="/FileManager/Commons/2014/7/20/ukrain-20-07-2014--10-28-09.jpg"><img src="/FileManager/Articles/mce/2014/7/20/ukrain-20-07-2014--10-28-09.jpg" alt="" /></a></p>
<p style="text-align: center;">ប្រព័ន្ធបាញ់កាំជ្រួច ប្រឆាំងយន្ដហោះ Buk</p>
<p><br />ប្រធានក្រុមចារកិច្ចខាងលើ ឱ្យដឹងថា រុស្ស៊ី បានបញ្ជូនប្រព័ន្ធបាញ់កាំជ្រួច និងទាហានជំនាញ<br /> មកគាំទ្រដល់ក្រុមបំបែកខ្លួន។ យោងតាមភ័ស្ដុតាងដែលទីក្រុង Kiev បានរកឃើញ បង្ហាញថា<br /> ប្រព័ន្ធបាញ់កាំជ្រួច BUK-1 ឬ SA-11 ត្រូវបាននាំចូល អ៊ុយក្រែន ពីប្រទេសរុស្ស៊ី រួមជាមួយនឹង<br />មនុស្សមួយក្រុម ដែលមានគ្នា ៣នាក់។</p>
<p>ភាគីខាងអ៊ុយក្រែន អះអាងថា មនុស្ស ៣នាក់ខាងលើ ត្រូវបានបញ្ជូនមក ជាមួយនឹងប្រព័ន្ធ<br />បាញ់កាំជ្រួច ទន្ទឹមនឹងនេះ អ៊ុយក្រែន ក៏បានស្នើឱ្យរុស្ស៊ី ផ្ដល់អត្តសញ្ញាណរបស់មនុស្សទាំង <br />៣នាក់នេះ ដើម្បីធ្វើការសួរនាំ។ ប្រព័ន្ធបាញ់កាំជ្រួចចំនួន ៣ មកដល់ពេលនេះ គេបានបញ្ជូន<br />ត្រឡប់ចូលក្នុងទឹកដីរុស្ស៊ី។ រូបភាពដែលគេថតបាន បង្ហាញថា ប្រព័ន្ធបាញ់កាំជ្រួចទាំងនោះ <br />ត្រូវបានគេដាក់នៅទីតាំងខុសៗគ្នា។</p>
<p>មុននេះ អ្នកនាំពាក្យរបស់គណកម្មការសន្តិសុខ អ៊ុយក្រែន បានបញ្ជាក់ថា យុទ្ធភ័ណ្ឌចំនួន <br />១៥ប្រភេទ ត្រូវបាននាំពីរុស្ស៊ី មកកាន់តំបន់ Luhansk ភាគខាងកើត អ៊ុយក្រែន នៅពេលយប់។</p>
<p>ចំណែកក្រុមអ្នកស៊ើបការណ៍ និងមន្ដ្រីការពារជាតិអឺរ៉ុប ឱ្យដឹងថា ក្រុមបះបោរនៅភាគខាងកើត<br /> អ៊ុយក្រែន កំពុងតែលាក់បាំងភ័ស្ដុតាង ទាក់ទិននឹងប្រព័ន្ធបាញ់កាំជ្រួច Buk ។ កាំជ្រួចប្រឆាំង<br />យន្ដហោះនេះ ត្រូវបានគេសង្ស័យថា ត្រូវបានក្រុមបំបែកខ្លួនដែលស្និទ្ធនឹងរុស្ស៊ី ប្រើប្រាស់ដើម្បី<br />បាញ់ទម្លាក់យន្ដដឹកអ្នកដំណើររបស់ ម៉ាឡេស៊ី កាលពីថ្ងៃទី ១៧កន្លងទៅ។</p>
<p>ទំព័រ Guardian ដកស្រង់សំដីមន្ដ្រីយោធា អ៊ុយក្រែន ឱ្យដឹងថា ក្រុមបះបោរ មិនអាចគ្រប់គ្រង <br />និងបញ្ជាប្រព័ន្ធបាញ់កាំជ្រួចខាងលើ ប្រសិនមិនមានការគាំទ្រ និងជំនួយផ្នែកបច្ចេកទេស ពីរុស្ស៊ី។</p>
<p style="text-align: center;"><a class="thickbox" title="" href="/FileManager/Commons/2014/7/20/ukrain1-20-07-2014--10-31-18.PNG"><img src="/FileManager/Articles/mce/2014/7/20/ukrain1-20-07-2014--10-31-18.PNG" alt="" /></a></p>
<p style="text-align: center;">ក្រុមអ្នកសង្គ្រោះ ក្នុងករណីយន្ដហោះ MH17</p>
<p><br />ចំណែកភាគីខាងរុស្ស៊ី បានបដិសេធចំពោះការចោទប្រកាន់របស់អ៊ុយក្រែន ហើយបានអះអាង<br />ថា ៖ “ការឆ្លងដែនបែបនេះ មិនអាចធ្វើទៅបានដោយសម្ងាត់នោះទេ”។</p>
<p>គួររំលឹកថា យន្ដហោះ MH17 ត្រូវបានគេបាញ់ទម្លាក់ នៅក្នុងតំបន់ Donetsk ដែលកំពុងមាន<br />ការប្រយុទ្ធគ្នា កាលពីថ្ងៃទី ១៧ កក្កដា នៅពេលយន្ដហោះ កំពុងហោះហើរពី Amsterdam ទៅ<br />កាន់ Kuala Lumpur បណ្ដាលឱ្យមនុស្ស ២៩៨នាក់ បាត់បង់ជីវិត។ ទីតាំងយន្ដហោះធ្លាក់ មាន<br />ចម្ងាយប្រហែល ៥០គីឡូម៉ែត្រ ពីព្រំដែនរុស្ស៊ី។</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Reuters/Guardian<br /><br /></p>