<div class="article-content">
<p><strong>ភ្នំពេញ ៖</strong> បុគ្គលិកលក់ផលិតផល របស់ ក្រុមហ៊ុនអេប៊ីស៊ី ៣នាក់ ត្រូវបានក្រុមចោរ មួយក្រុម<br /> មិនតិចក្រោម ៥នាក់ បានធ្វើ សកម្មភាពតាមភ្ជង់ និងប្លន់យកម៉ូតូម៉ាក ស្កុបពី ព្រមទាំងគ្រឿង<br />អលង្កាសរុបជាង ២ពាន់ដុល្លារ កាលពីវេលាម៉ោង ៤ និង៣០ នាទីទៀបភ្លឺ ថ្ងៃទី៣១ ខែឧសភា<br /> ឆ្នាំ ២០១៣ ស្ថិតនៅខាងមុខ ផ្ទះលេខ១៦៦ ភូមិដំណាក់ សង្កាត់ភ្នំពេញថ្មី ខណ្ឌសែនសុខ ខណៈ<br />ដែល នារីរងគ្រោះទាំង ៣នាក់ កំពុងធ្វើដំណើរ ចេញមកពីរាំកំសាន្ដ ក្នុងក្លឹបម៉ូណាកូ ។</p>
<p>យោងតាមប្រភពព័ត៌មាន ពីសមត្ថកិច្ច មូលដ្ឋាន បានឱ្យដឹងថា ជនរងគ្រោះទាំង ៣ នាក់ រួមមាន<br />ទី១ ឈ្មោះ យឹម ចំរើន អាយុ ២០ឆ្នាំ ជាអ្នកបើកម៉ូតូ និង ២នាក់ទៀត ជា អ្នករួមដំណើរឈ្មោះ <br />ហ៊ុន នី អាយុ ២៤ឆ្នាំ ជាបុគ្គលិកលក់ផលិតផល របស់ក្រុមហ៊ុន អេប៊ីស៊ី និងឈ្មោះ ថា រតនា <br />អាយុ ១២ឆ្នាំ មុខរបរជាសិស្ស ស្នាក់នៅជាមួយគ្នា ។</p>
<p>សមត្ថកិច្ចបានបន្ដថា មុនពេលកើតហេតុ ជនរងគ្រោះទាំង ៣ នាក់ បានចូលទៅរាំ លេងកំសាន្ដ<br /> នៅក្នុងក្លឹបម៉ូណាកូតាំងពី វេលាម៉ោង១០យប់ថ្ងៃទី៣០ ខែឧសភា ឆ្នាំ ២០១៣ រហូតដល់ម៉ោង ៤<br /> ទៀបភ្លឺទើប ពួកគេបានត្រឡប់ទៅផ្ទះវិញ ។ ពេលចេញ ពីក្លឹប និងកំពុងជិះម៉ូតូរបស់ខ្លួនម៉ាកស្កុប<br />ពី ពណ៌ស ស៊េរីឆ្នាំ ២០១៣ ពាក់ស្លាកលេខ តាកែវ ១ះ-៨៧២៨ ដល់ចំណុចកើតហេតុ ស្រាប់<br />តែលេចមុខ ជនសង្ស័យជិះម៉ូតូ ៤ គ្រឿង ២គ្រឿងម៉ាក អាយខុន និង ២ គ្រឿងទៀត ម៉ាក ស្មាស់<br /> ធ្វើសកម្មភាពភ្ជង់ និងវាយដណ្ដើមយកម៉ូតូ ព្រមទាំងលុយ នៅក្នុងកែបម៉ូតូជាង ១ពាន់ដុល្លារ ខ្សែ<br />ដៃ បា្លទីន ខ្សែកបា្លទីន សរុបជាង ២ពាន់ដុល្លារ។</p>
<p>បើតាមសមត្ថកិច្ច ក្រោយកើតហេតុ បង្កឱ្យមានការភ្ញាក់ផ្អើល ពីសំណាក់ប្រជា ពលរដ្ឋ ដោយ<br />ឡែកនារីរងគ្រោះទាំង ៣ នាក់ ត្រូវបានសមត្ថកិច្ចយកទៅសួរនាំនៅ ប៉ុស្ដិ៍នគរបាលភ្នំពេញថ្មី <br />ដើម្បីសួរភិនភាគ ក្រុមចោរទាំងនោះ ប៉ុន្ដែ តាមចម្លើយសារ ភាពរបស់នារីរងគ្រោះ ហាក់មិន<br />ទាន់ច្បាស់ លាស់នៅឡើយ ។</p>
<p>គួរបញ្ជាក់ថា នារីរងគ្រោះទាំង ៣នាក់ ដែលរស់នៅជាមួយគ្នា ឆ្លៀតពេលដែល ឪពុក-ម្ដាយទៅ<br />លេងស្រុកកំណើត ពួកគេ ក៏បាននាំគ្នាទៅរាំនៅក្នុងក្លឹបកំសាន្ដ ហើយ ពេលចេញមកវិញ ក៏ជួប<br />ហេតុការណ៍នេះតែ ម្ដងទៅ ។ យ៉ាងណាក៏ដោយពួកគេទាំង ៣ នាក់ ស្ថិតក្រោមការសាកសួរ<br />បន្ដពីសមត្ថ កិច្ចដើម្បីកំណត់អត្ដសញ្ញាណជនសង្ស័យ ទាំងនោះ ។</p>
<p>គួររំលឹកថា សកម្មភាពប្លន់ប្រដាប់អាវុធ នៅក្នុងរាជធានីភ្នំពេញមួយរយៈពេលចុង ក្រោយនេះ <br />មានភាពស្ងប់ស្ងាត់ក៏ព្រោះតែ មេចោរ ដែលល្បីឈ្មោះ និងប្លន់ក្នុងរូបភាព សាហាវ ត្រូវបានចាប់<br />ខ្លួនជាបន្ដបន្ទាប់ពីសំ ណាក់កម្លាំងនគរបាល រាជធានីភ្នំពេញ និង កម្លាំងនគរបាល តាមបណ្ដា<br />ខណ្ឌព្រមទាំង មកពីក្រសួងមហាផ្ទៃ ប៉ុន្ដែ ទើបតែយប់ថ្ងៃ ទី៣០ និង៣១ ខែឧសភា ឆ្នាំ ២០១៣ <br />សកម្មភាពប្លន់ ដែលបានកើតឡើង២ផ្ទួនគ្នា មួយក្នុងទឹកដីសង្កាត់ទួលសង្កែ ខណ្ឌឫស្សី កែវ និង<br />ករណីក្នុងសង្កាត់ភ្នំពេញថ្មី ខណ្ឌ សែនសុខ នេះ ទើបនឹងកើតមានសារជាថ្មី។ យ៉ាងណាក៏ដោយ<br /> ក្រុមចោរទាំងនេះនឹង ត្រូវបានសមត្ថកិច្ច បើកការស្រាវជ្រាវតាម ជំនាញរបស់ខ្លួន ហើយឈាន<br />ទៅដល់ការ ចាប់ខ្លួន នាពេលខាងមុខជាក់ជាមិនខាន ឡើយ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/May/id-067/CH-0978.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>