<p>រឿងរ៉ាវនារីម្នាក់ដែលបាន និងកំពុងស្ថិតក្នុងស្ថានភាពសន្លប់រយៈពេល ២ឆ្នាំ ត្រូវបានគេធ្វើពិធីរៀបការនៅក្នុងមន្ទីរពេទ្យ នាំឱ្យមនុស្សជាច្រើនរំជួលចិត្ត។</p>
<p style="text-align: center;"><a class="thickbox" title="" href="/FileManager/Commons/2013/9/23/bride21n-1-web-23-09-2013--15-50-30.jpg"><img src="/FileManager/Articles/mce/2013/9/23/bride21n-1-web-23-09-2013--15-50-30.jpg" alt="" /></a></p>
<p style="text-align: center;"><em>ពិធីរៀបការដ៏គួររំជួលចិត្ត ជាមួយនារីម្នាក់ដែលកំពុងភ្លឹកស្មារតី</em></p>
<p>នាង Jingjing និងគូដណ្ដឹងរបស់នាង ឈ្មោះ Lu Lai នៅ Guangdong ប្រទេសចិន ធ្លាប់មានពេលវេលាដ៏មានសុភមង្គលជាមួយគ្នា។ ឆ្នាំ ២០១១ អ្នកទាំងពីររកបានការងារធ្វើក្នុងស្ថាប័នរដ្ឋនៅមូលដ្ឋាន ក្នុងខេត្រ Guangzhou ហើយពួកគេក៏បានទិញផ្ទះមួយខ្នង និងកំពុងមានគម្រោងរៀបការជាមួយគ្នា។<br /><br />ប៉ុន្ដែ គម្រោងរបស់គូស្នេហ៍មួយគូនេះ មិនបានសម្រេចនោះទេ បន្ទាប់ពី Jingjing បានសន្លប់នៅនឹងកន្លែងធ្វើការ។ Jingjing ធ្លាក់ក្នុងសភាពភ្លឹកស្មារតី នៅពេលកំពុងត្រូវបានបញ្ជូនទៅកាន់មន្ទីរពេទ្យ ហើយតាំងពីពេលនោះមក Jingjing មិនដែលបានដឹងខ្លួនម្ដងណាឡើយ។<br /><br />ពេលវេលា បានកន្លងទៅពីរឆ្នាំ គ្រួសាររបស់នាងបាននាំគ្នាធ្វើពិធីខួបកំណើតលើកទី ២៨ឱ្យនាង ដោយមាននំខេក និងទៀននៅក្បែរគ្រែ ក្នុងមន្ទីរពេទ្យ។ បន្ទាប់មក ពួកគេក៏បានប្រារព្ធពិធីរៀបការដ៏គួរឱ្យអាណិតបំផុត ដើម្បីបំពេញសេចក្ដីប្រាថ្នារបស់អ្នកទាំងពីរ។ <br /><br />យោងតាមគ្រួសាររបស់នាង បន្ទាប់ពីពិធីរៀបការនេះ គ្រឿងក្នុងរបស់ Jingjing នឹងត្រូវបានបរិច្ចាគដល់មន្ទីរពេទ្យ ដើម្បីជួយដល់អ្នកជម្ងឺដែលត្រូវការចាំបាច់។</p>
<p style="text-align: center;"><a class="thickbox" title="" href="/FileManager/Commons/2013/9/23/article-2425336-1be94e47000005dc-815634x449-23-09-2013--15-51-37.jpg"><img src="/FileManager/Articles/mce/2013/9/23/article-2425336-1be94e47000005dc-815634x449-23-09-2013--15-51-37.jpg" alt="" /></a></p>
<p>ស្វាមីរបស់ Jingjing លោក Lu Lai ថ្លែងថា ៖ “ខ្ញុំមានសុភមង្គលណាស់។ នាងនឹងបានជួយដល់អ្នកដទៃ ឱ្យបានរស់ជាបន្ដទៀត។ ចំណែនខ្ញុំវិញ ខ្ញុំនឹងមិនយកប្រពន្ធទៀតនោះឡើយ នាងស្ថិតក្នុងបេះដូងរបស់ខ្ញុំជានិច្ច” ។</p>
<p style="text-align: right;"><br />ដោយ ៖ តារា<br />ប្រភព ៖ nydailynews<br /><br /></p>