<div class="article-content">
<p><strong>ភ្នំពេញ ៖</strong> ជនសង្ស័យម្នាក់ ប្រឈមនិងចំណាត់ការ របស់តុលាការ ក្រោយពីសមត្ថកិច្ច ឃាត់ខ្លួន<br />បានជាក់ស្តែង ខណៈដែលជនសង្ស័យ បានធ្វើសកម្មភាព ឆក់យកទូរស័ព្ទដៃ IPHONE4 បាន<br />សំរេចពីសិស្សសាលាម្នាក់ ។</p>
<p>មន្ត្រីនគរបាលខណ្ឌទួលគោក បាននិយាយថា អំពើឆក់យកទូរសព្ទ័ដៃខាងលើបានកើតឡើងកាល<br />ពីរសៀលថ្ងៃទី១០ ខែតុលា ឆ្នាំ២០១៣ វេលាម៉ោងប្រហែល ១និង៤០នាទីនៅ ចំណុចមុខផ្ទះលេខ<br />១៣៥E0 ផ្លូវលេខ១៣២ ក្រុមទី៣ ភូមិ១ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ។ ជន<br />សង្ស័យម្នាក់នេះត្រូវបាន សមត្ថកិច្ច ប្រាប់ថាឈ្មោះ សោម ឌីណា ភេទប្រុស អាយុ១៨ឆ្នាំ ជនជាតិ<br />ខ្មែរ មុខរបរពុំពិតប្រាកដ ស្នាក់នៅផ្ទះលេខ២៦ ផ្លូវលេខ១៣៨ សង្កាត់ផ្សារដេប៉ូទី២ ខណ្ឌទួលគោក <br />រាជធានីភ្នំពេញ ។ ចំណែកជនរងគ្រោះត្រូវបានគេស្គាល់ឈ្មោះ លី សុភា ភេទប្រុស អាយុ១៤ឆ្នាំ <br />ជនជាតិខ្មែរ មុខរបរសិស្សវិទ្យាល័យជាស៊ីមសន្ធរម៉ុក ស្នាក់នៅផ្ទះលេខ៣០ ផ្លូវលេខ២៨៩ សង្កាត់<br />បឹងកក់ទី១ ខណ្ឌទួលគោក រាជធានីភ្នំពេញ។</p>
<p>មន្ត្រីដដែលបានបន្តរថា នៅមុនពេលកើតហេតុក្មេងប្រុសរងគ្រោះ ឈ្មោះ លី សុភា និង មិត្តភក្តិម្នាក់ <br />ឈ្មោះមាន រិទ្ទរតនៈ បានដើរចេញពីរៀនគួរពេលដើរមកដល់កន្លែងកើតហេតុ ជនរងគ្រោះបានលើក<br />ទូរស័ព្ទដើម្បី និយាយ ស្រាប់តែជនសង្ស័យម្នាក់ធ្វើ សកម្មភាពលួចឆក់ទូរស័ព្ទដៃ ម៉ាក IPHONE4 <br />ពណ៌ស របស់ក្មេង ប្រុសរងគ្រោះ ហើយរត់គេចខ្លួនតែម្តង។</p>
<p>ក្នុងស្ថានភាពនោះជនរងគ្រោះក៏បានស្រែកឆោឡោថាចោរៗ និងបានដេញតាមចាប់ ជនសង្ស័យ<br />ពីក្រោយ ហើយពេលដេញនិងស្រែក ឆោឡោនោះក៏បានជួបកម្លាំងនគរបាល ប៉ុស្តិ៍ រដ្ឋបាលទឹក<br />ល្អក់ទី១ដែល កំពុងល្បាតការពារ សុវត្ថិភាពនៅក្នុងមូលដ្ឋានទើបធ្វើអន្តរាគមន៍ដោយឃាត់ខ្លួន <br />ជនសង្ស័យម្នាក់នេះ បានជាក់ស្តែងតែម្តង ។</p>
<p>បច្ចុប្បន្នជនសង្ស័យ ខាងលើកំពុងឃាត់ខ្លួន ជាបណ្តោះអាសន្ន នៅអធិការដ្ឋាននគរបាល ខណ្ឌ<br />ទួលគោក ដើម្បីសាកសួរ និង ត្រៀមកសាងសំណុំរឿងបញ្ជូន ទៅសាលាដំបូងរាជធានីភ្នំពេញ <br />ចាត់ការតាមផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0152.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>