<div class="article-content">
<p><strong>ភ្នំពេញ ៖</strong> ជនសង្ស័យចំនួន ៣នាក់ដែល រកស៊ីលក់នំប៉័ង និងកម្មករកាត់ដេរប្រហែល ជារក<br />លុយមិនសូវបាន សម្រាប់ជីវិតខ្លួន និង គ្រួសារនោះ បាននាំគ្នាបែកគំនិតទៅរកស៊ី លួចឆ្កែ<br />បន្ថែម ទីបំផុតត្រូវបានចាប់ខ្លួនយក ទៅផ្ដន្ទាទោសតាមផ្លូវច្បាប់ ។</p>
<p>ជនសង្ស័យទាំង ៣នាក់ ដែលជាប់ពាក់ ព័ន្ធនឹងសកម្មភាពលួចឆ្កែ ត្រូវបានកម្លាំង នគរបាល<br />ខណ្ឌសែនសុខ និងកម្លាំងនគរបាល មូលដ្ឋានបានឃាត់ខ្លួនកាលពីវេលាម៉ោង ៣ ទៀបភ្លឺ<br /> ឈានចូលថ្ងៃទី២១ ខែមិថុនា ឆ្នាំ ២០១៣ ក្រោយពីពួកគេបានលួចឆ្កែនៅក្នុង ភូមិពោងពាយ<br /> សង្កាត់ភ្នំពេញថ្មី ខណ្ឌសែន សុខ ។</p>
<p>មន្ដ្រីនគរបាលមូលដ្ឋាន បានឱ្យដឹងថា ជនសង្ស័យទី១ ឈ្មោះ សម ខួច ភេទស្រី អាយុ ១៨ឆ្នាំ<br /> មុខរបរ កម្មការិនីរោងចក្រ ស្នាក់នៅផ្ទះជួល ក្រុមទី៤ ផ្លូវបេតុង ភូមិ ពោងពាយ សង្កាត់ភ្នំពេញ<br />ថ្មី ជនសង្ស័យទី២ ឈ្មោះ យ៉ា ខេន ភេទប្រុស អាយុ ១៩ឆ្នាំ មុខរបរ លក់នំប៉័ង ស្នាក់នៅផ្ទះជួល<br /> ក្រុមទី ៤ ផ្លូវបេតុង ភូមិពោងពាយ សង្កាត់ភ្នំពេញ ថ្មី និងជនសង្ស័យទី៣ ឈ្មោះ សូត្រ សេត <br />ភេទប្រុស អាយុ ២០ឆ្នាំ មុខរបរ លក់នំប៉័ង ស្នាក់នៅផ្ទះជួល ក្រុមទី៤ ផ្លូវបេតុង ភូមិ ពោងពាយ<br /> សង្កាត់ភ្នំពេញថ្មី ។ ដោយឡែក ជនរងគ្រោះ ដែលជាម្ចាស់ឆ្កែឈ្មោះ សឿន សៀន ភេទប្រុស<br /> អាយុ ៤៣ឆ្នាំ មុខរបរ រត់ ម៉ូតូឌុប ស្នាក់នៅផ្ទះជួល ក្រុមទី៤ ផ្លូវបេតុង ភូមិពោងពាយ សង្កាត់<br />ភ្នំពេញថ្មី ។</p>
<p>បើតាមសមត្ថកិច្ច មុនពេលកើតហេតុ នៅវេលាម៉ោង ១២ និង៣០នាទីយប់រំលង អាធ្រាត្រ <br />ឈានចូលថ្ងៃទី២១ ខែមិថុនា ឆ្នាំ ២០១៣ នេះ ជនសង្ស័យមានចំនួន ៤នាក់ បាននាំគ្នាផឹកស្រា<br /> នៅផ្ទះរបស់ជនសង្ស័យ ឈ្មោះ សេត ពេលនោះ បក្ខពួកជនសង្ស័យ ម្នាក់ថា ចង់ចូលទៅរាំ<br />នៅក្នុងក្លឹបតែមិន មានលុយ ។ រំពេចនោះស្រាប់តែមានឆ្កែ មួយក្បាលដើរ ក៏នាំគ្នាចាប់យក<br />ទៅលក់នៅ ម្ដុំកៅដាយបានប្រាក់ ១០ដុល្លារ រួចក៏នាំគ្នា ត្រឡប់មកវិញ ក្នុងគោលបំណងចូល<br />ស្កាយ ក្លឹប ។</p>
<p>សមត្ថកិច្ចបានបន្ដទៀតថា នៅពេល ដែលពួកគេចូលរាំនៅក្នុងក្លឹប ក្រោយពីលក់ ឆ្កែបានលុយ<br />ចំនួន ១០ដុល្លារនោះ ស្រាប់តែ សំណាងអាក្រក់ ក៏បានជួបម្ចាស់ឆ្កែនៅក្នុង ក្លឹប ។ពេលនោះ<br />ម្ចាស់ឆ្កែបានសួរទៅឈ្មោះ ខួច ហើយក៏ត្រូវឈ្មោះ ខួច ប្រាប់ថា ពួកគេ យកឆ្កែទៅលក់នៅ<br />ម្ដុំកៅដាយ ស្រាប់តែជនរងគ្រោះដែលជាម្ចាស់ឆ្កែ បានឱ្យក្រុម ជនសង្ស័យនាំទៅយកឆ្កែវិញ<br /> ហើយប្ដឹងទៅ សមត្ថកិច្ច ចុះមកឃាត់ខ្លួនភ្លាមៗ ខណៈដែលជនសង្ស័យម្នាក់ទៀតរត់គេចខ្លួន<br />បាត់ ។ បច្ចុប្បន្ន ជនសង្ស័យទាំង៣នាក់ ត្រូវបានឃុំ ខ្លួនជាបណ្ដោះអាសន្ន នៅអធិការដ្ឋាន<br />នគរបាលខណ្ឌសែនសុខ ដើម្បីកសាងសំណុំរឿង បញ្ជូនទៅតុលាការ ។</p>
<p>សមត្ថកិច្ចបានឱ្យដឹងថា វត្ថុតាងដែល ត្រូវបានរឹបអូស រួមមាន ខ្សែលួសប្រវែង ២ ម៉ែត្រ និង<br />ម៉ូតូសង់កូរ៉េ ១គ្រឿង ដោយឡែក ឆ្កែរបស់ជនរងគ្រោះ បានងាប់បាត់ទៅហើយ ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0844.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>