<div class="article-content">
<p><strong>ភ្នំពេញ៖</strong> ផ្លូវវ៉េងស្រេង ដែលស្ថិតនៅ សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ<br /> ដែលបងប្អូនប្រជាពលរដ្ឋ ធ្លាប់តែរអ៊ូរទំាថា ហុយខ្លំាង និងពិបាកធ្វើដំណើរនោះ ពេលនេះ បាន<br />ចាប់ផ្តើមបើកការដ្ឋាន ស្ថាបនាជា ផ្លូវការហើយ ដោយមានការចូលរួមពី អភិបាលរាជធានីភ្នំ<br />ពេញ មន្រ្តីស្ថាប័នពាក់ព័ន្ធជាច្រើនរូប និងប្រជាពលរដ្ឋ យ៉ាងច្រើនកុះករ។</p>
<p>ពិធីសម្ពោធការដ្ឋានស្ថាបនានេះ ធ្វើឡើងនៅព្រឹកថ្ងៃទី២១ ខែវិច្ឆិកា ឆ្នាំ២០១៣ ដោយផ្លូវដែល<br />មានប្រវែង ៦.៥ ០០ម៉ែត្រ, ទទឹង ២២ម៉ែត្រ ចាប់ពីស្ថានីយប្រេងឥន្ធនៈ សូគីមិក ស្ទឹងមានជ័យ <br />ដល់រង្វង់មូលចោមចៅនេះ នឹង ត្រូវស្ថាបនាជួសជុល ជាប្រភេទវិនិយោគ BOT ដោយចាក់បេ<br />តុងអាមេ កម្រាស់ ២០សង់ទីម៉ែត្រ មាន៣ គន្លង ទៅ ៣គន្លងមក មានសួនច្បារចំកណ្តាលប្រវែង<br /> ២,៥ម៉ែត្រ ចិញ្ចើមផ្លូវប្រវែង ៣ម៉ែត្រសងខាង ដាក់លូអមសងខាងផ្លូវទំហំ ១,៥ម៉ែត្រ ដោយប្រើ<br />ប្រាស់រូបមន្តសាងសង់តាមបទដ្ឋានបច្ចេកទេស រួមទំាងការពង្រីកផ្លូវឲ្យបានធំជាងមុន។</p>
<p>លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានមានប្រសាសន៍<br />ថា ការស្ថាបនាកំណាត់ផ្លូវវ៉េងស្រេង ដែលមានប្រវែង ៦.៥០០ម៉ែត្រនេះ នឹងចំណាយថរិកាសរុប<br />អស់ ១០.៥៧៦.០០០ដុល្លារអាម៉េរិក និងចំណាយរយៈពេលស្ថាបនាអស់ ១៤ខែ។</p>
<p>ជាមួយគ្នានោះដែរ លោក ប៉ា សុជាតិវង្ស អភិបាលរាជធានីភ្នំពេញ មានប្រសាសន៍ថា ពាក់ព័ន្ធនឹង<br />ការស្ថាបនាផ្លូវប្រវែង ៦.៥០០ម៉ែត្រ ឲ្យទៅជាកំណាត់ផ្លូវចាក់បេតុងនេះ គឺដោយសារតែផ្លូវចាក់បេ<br />តុង មានសភាពរឹងមាំ និងធននឹងទម្ងន់ជាងកៅស៊ូ។ ក្នុងឱកាសនោះ លោកក៏បានបន្តអំពាវនាវឲ្យ<br />ប្រជាពលរដ្ឋទំាងអស់ ដែលរស់នៅតាមកំណាត់ផ្លូវនេះ ត្រូវចេះថែរក្សាប្រព័ន្ធលូឲ្យបានស្អាត<br /> កាយសំរាមចេញ ជៀសវាងការកកស្ទះ ពេលមានភ្លៀង ពីព្រោះប្រព័ន្ធលូមានសារៈសំខាន់ជាង<br />ផ្លូវទៅទៀត ដោយសារផ្លូវពេលមានការខូចខាតត្រង់កន្លែងណាមួយ គឺនៅតែអាចធ្វើដំណើរទៅ<br />បាន ប៉ុន្តែប្រព័ន្ធលូវិញ ប្រសិនបើមានការស្ទះត្រង់កន្លែងណាមួយ គឺទឹកមិនអាចហូរឆ្លងទៅកន្លែង<br />ផ្សេងទៀតបាននោះទេ ហើយការកកស្ទះនេះ នឹងបណ្តាលឲ្យផ្លូវដែលថ្មីមានការខូចខាតតែក្នុង<br />រយៈពេលខ្លី។</p>
<p>ពាក់ព័ន្ធនឹងការស្ថាបនាផ្លូវនេះដែរ លោកអភិបាលរាជធានី ក៏បានបន្តថា នៅរាជធានីភ្នំពេញ សា<br />លារាជធានី បានដាក់ចេញនូវគោលការណ៍ចំនួនបីចំណុច ដើម្បីធ្វើឲ្យប្រសើរឡើងនូវស្ថានការណ៍<br />ក្នុងក្រុង ដែលទី១. មាន ការរួមគ្នាកាត់បន្ថយគ្រោះថ្នាក់ចរាចរណ៍ ដែលជាឃាតករទីមួយ សម្រាប់<br />ប្រជាជនកម្ពុជា។ទី២. បញ្ហាសំរាម ដោយសាលារាជធានី នឹងអនុវត្តបញ្ហាគ្រប់គ្រងសំរាម និងការ<br />ដុតកម្ទេចសំរាមឲ្យបាន ដោយអនុវត្តចាប់ពីថ្ងៃទី១ ខែមករា ឆ្នាំ២០១៤តទៅ និងទី៣. ពាក់ព័ន្ធនឹង<br />ប្រព័ន្ធលូ ដែលជាផ្នែកសំខាន់ជាងគេក្នុងការអភិវឌ្ឍក្រុង៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-010/chanroth013-nov-118.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>