<p>ការទទួលទានដំណេកមិនបានលក់ស្រួល ស្កប់ស្កល់ នឹងធ្វើឱ្យអ្នកមានអារម្មណ៍ នឿយហត់<br />អស់កំលំាងនិងខ្ជិលនៅពេលអ្នកក្រោកពីដំណេក។ តើអ្នកធ្លាប់មានអារម្មណ៍ថា ទទួលទាន<br />ដំណេក មិនលក់នៅពេលយប់មែនទេ? តើអ្នកដឹងពីវិធីណា ដែលធ្វើឱ្យទទួលទានដំណេក<br /> ឆាប់លក់ និង ទទួលទានដំណេកលក់ស្កប់ស្កល់ដែរ ឬទេ?</p>
<p>សូមកុំបារម្ភពីបញ្ហាទាំងអស់នេះ! ខាងក្រោមនេះ ជាវិធីងាយៗ ដ៏មានប្រសិទ្ធិភាពដែលអាច<br />ជួយអ្នក ឱ្យទទួលទានដំណេកលក់ស្រួល និង ឆាប់ទទួលទានដំណេក បានយ៉ាងប្រសើរ៖</p>
<p><strong class="whb">១/ ធ្វើកិច្ចការអ្វីមួយ មុនចូលដំណេក៖</strong> ដូចជា ការស្តាប់បទចំរៀងរ៉ូម៉ែនទិចបើកសំលេង<br />តិចៗ អាចសៀវភៅ សរសេរ ឬធ្វើកិច្ចការសាលា។ ធ្វើបែបនេះ គឺជាទំលាប់ដ៏ល្អមួយ ថែម<br />ទាំង ជួយអ្នកឱ្យទទួលទានដំណេក បានលក់ស្រួល យ៉ាងឆាប់រហ័ស។ ប៉ុន្តែ សូមកុំមើល<br />ទូរទស្សន៍ ឬ បើកកុំព្យួទ័រ ពិសេស សំរាប់អ្នកលេង Facebook តែម្តង ពីព្រោះថា វានឹងធ្វើ<br />អ្នកមិនអាចទទួលទានដំណេកបានស្កប់ស្កល់។</p>
<p><a class="thickbox" title="" href="/FileManager/Commons/2013/8/9/laughingcoupleinbedmain-09-08-2013--15-16-16.jpg"><img src="/FileManager/Articles/mce/2013/8/9/laughingcoupleinbedmain-09-08-2013--15-16-16.jpg" alt="" /></a></p>
<p><strong>២/ </strong><strong>មុជ </strong><strong>ឬត្រាំទឹក</strong><strong>ក្តៅឧណ្ឌៗ៖</strong> អាចធ្វើឱ្យកោសិកាសាច់ដុំ របស់អ្នកឆាប់សំរាក និងបំផុស<br />សីតុណ្ហភាពក្នុងខ្លួន ឱ្យស្ថិតនៅថេរ ដែលធ្វើឱ្យមានអារម្មណ៍ថា ធូរស្បើយ និងឆាប់ទទួល<br />ទានដំណេក។</p>
<p><strong>៣/ ការបន្ធរអារម្មណ៍៖ </strong>នេះគឺជាវិធីដ៏សាមញ្ញបំផុតនៅពេលដែលអ្នកចូលក្នុងបន្ទប់ទទួល<br />ទានដំណេកសូមបិទភ្លើងឬពន្លឺផ្សេងៗ ដែលមាននៅក្នុងបន្ទប់។ បន្ទាប់មកដកដង្ហើមវែងៗ<br />មួយៗ ចំនួន ៤ ដង រហូត ដល់មានអារម្មណ៍ថា ធូរស្បើយ អ្នកនឹងទទួលទានដំណេកបាន<br />យ៉ាងស្រួល ដោយមិនដឹងខ្លួន។</p>
<p><strong>៤/ រួមភេទ៖ </strong>ការរួមភេទ គឺជាវិធីដ៏ល្អ មានប្រសិទ្ធិភាពបំផុតដែលអាចជួយឱ្យអ្នកឆាប់ចូល<br />ដំណេក និងទទួលទានដំណេកលក់ស្កប់ស្កល់។ នេះគឺដោយសារតែ ការធ្វើចលនាសាច់ដុំ<br /> និង ការបញ្ចេញទឹកកាម ធ្វើឱ្យរាងកាយរបស់អ្នក នឿយហត់ អស់កំលំាង និង ការទទួល<br />បានភាពស្កប់ស្កល់ពីដៃគូ ទើបធ្វើឱ្យអ្នក ទទួលទានដំណេកបានយ៉ាងស្រួល៕</p>
<p style="text-align: right;"><strong class="whb"></strong>ដោយ៖ វណ្ណៈ<br />ប្រភព៖ health</p>