<p>ដោយសារតែទង្វើខុសច្បាប់របស់ខ្លួន Facebook កំពុងប្រឈមនឹងពាក្យបណ្ដឹងច្រើនបំផុត ក្នុង<br />ប្រវត្តិសាស្ដ្រនៃបណ្ដាញសង្គមមួយនេះ។</p>
<p>ការប្ដឹងផ្ដល់នេះ ចាប់ផ្ដើមឡើងដោយនិស្សិតផ្នែកច្បាប់ម្នាក់ ឈ្មោះ Max Schrems ។ ក្រោយពី<br />ចាប់ផ្ដើមបាន ៤ថ្ងៃ ចំនួនអ្នកប្រើប្រាស់ ដែលដាក់ពាក្យប្ដឹង Facebook បានកើនឡើងដល់ជាង<br />២ម៉ឺននាក់។ តួលេខនេះ ប្រាកដជាមិននៅត្រឹមនេះ នោះទេ។</p>
<p style="text-align: center;"><a class="thickbox" title="" href="/FileManager/Commons/2014/8/7/fbd-07-08-2014--12-08-14.jpg"><img src="/FileManager/Articles/mce/2014/8/7/fbd-07-08-2014--12-08-14.jpg" alt="" /></a></p>
<p>យោងតាមច្បាប់ ទាក់ទិននឹងការ ការពារទិន្នន័យឯកជនរបស់អ្នកប្រើប្រាស់ នៅ អឺរ៉ុប គេឃើញ<br />ថា Facebook បានបំពានលើមាត្រាជាច្រើន ដែលមានក្នុងច្បាប់នេះ។ អ្នកប្រើប្រាស់បណ្ដាញ<br />សង្គម Facebook នៅទូទាំងពិភពលោក អាចចូលរួមករណីប្ដឹងនេះ ដោយសារថា អ្នកប្រើប្រាស់<br /> Facebook សុទ្ធតែបានផ្ដល់ព័ត៌មានឯកជនរបស់ខ្លួន ទៅឱ្យ Facebook ។</p>
<p>ពាក្យបណ្ដឹងនេះ បានចោទប្រកាន់ Facebook ថា បានតាមដានដោយសម្ងាត់ នូវទម្លាប់ចូល<br />មើលគេហទំព័រនានារបស់អ្នកប្រើប្រាស់ និងមានចេតនា ចូលរួមក្នុងគម្រោងតាមដានអ្នកប្រើ<br />ប្រាស់ទូទាំងពិភពលោក របស់ NSA (អាមេរិក)។</p>
<p>តាមរបាយការណ៍ បច្ចុប្បន្ន មានអ្នកប្រើប្រាស់ជាង ២ម៉ឺននាក់ មកពីជាង ១០០ប្រទេសបាន<br />ចូលរួមប្ដឹងប្រឆាំង Facebook ។ សាធារណជនយល់ថា ចំនួនអ្នកប្ដឹង នឹងកើនឡើងច្រើនជាង<br />នេះ រាប់សិបដង ហើយអ្នកក៏អាចចូលរួមប្ដឹងប្រឆាំង Facebook តាមរយៈ<strong><span style="color: #0000ff;"><a href="https://www.fbclaim.com/ui/register" target="_blank"><span style="color: #0000ff;">តំណភ្ជាប់នេះ</span></a></span></strong>។</p>
<p>ប្រសិនឈ្នះក្ដី អ្នកដែលបានដាក់ពាក្យប្ដឹង នឹងទទួលបានប្រាក់ប្រហែល ៦៦៩ដុល្លារអាមេរិក <br />(មិនទាន់គិតថ្លៃសេវាមេធាវី ២០%)។ ការប្ដឹងនេះ គឺចង់ព្រមាន Facebook អំពីសកម្មភាពខុស<br />ច្បាប់ដែលទំព័រនេះកំពុងធ្វើ ឱ្យបញ្ឈប់ជាបន្ទាន់។</p>
<p style="text-align: center;"><a class="thickbox" href="https://www.fbclaim.com/ui/register"><img src="/FileManager/Articles/mce/2014/8/7/fba-07-08-2014--11-56-09.jpg" alt="" width="499" height="333" /></a></p>
<p>ចំនួនទឹកប្រាក់ដែល Facebook អាចនឹងត្រូវយកមកសងជម្ងឺចិត្តអ្នកឈ្នះក្ដី គឺប្រហែល ១២,៥<br />លានអឺរ៉ូ (ជិត ១៧លានដុល្លារអាមេរិក)។ ចំនួននេះ អាចនឹងមិនច្រើនប៉ុន្មានសម្រាប់ Facebook<br /> ប៉ុន្ដែ វាក៏នឹងធ្វើឱ្យ Facebook ត្រូវព្រួយបារម្ភ ប្រសិនពួកគេនៅតែរក្សាសកម្មភាពខុសច្បាប់របស់<br />ខ្លួន៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ csmonitor/ itproportal<br /><br /></p>