<p>កាលពីម្សិលមិញ តុលាការរុស្ស៊ីបានសម្រេចផ្ដន្ទាទោសអោយជាប់ពន្ធនាគាររយៈពេល ៨ឆ្នាំចំពោះ<br />វិស្វករម្នាក់របស់ប្រទេសនេះ ក្រោមបទលួចលក់ព័ត៌មានសម្ងាត់ស្ដីពីកាំជ្រួចរបស់រុស្ស៊ី ទៅអោយ<br />បរទេស។</p>
<p><img src="http://vnexpress.net/Files/Subject/3b/bd/70/25/bulava.jpg" border="1" alt="" width="480" height="272" /></p>
<p><em>ការបាញ់សាកល្បងកាំជ្រួច Bulava របស់រុស្ស៊ី</em></p>
<p>ទំព័រ <em>RIA Novosti</em> បានរាយការណ៍ថា តុលាការក្នុងតំបន់ Sverdlovsk បានសម្រេចដាក់ទោសវិស្វករ<br />Alexander Gniteyev ពីបទក្បត់ជាតិ ដោយត្រូវជាប់ពន្ធនាគាររយៈពេល ៨ឆ្នាំ។ ក្រៅពីនេះ Alexander Gniteyev ក៏ត្រូវបានពិន័យជាប្រាក់ប្រមាណជា ៣២.៥០០ដុល្លារ និងមិនអនុញ្ញាតអោយដើរឆ្ងាយ<br />បន្ទាប់ពីចេញពីពន្ធនាគារ។ ប៉ុន្ដែបច្ចុប្បន្ន ការដាក់ទោសចំពោះវិស្វកររូបនេះ មិនទាន់ត្រូវបានគេ<br />អនុវត្តនៅឡើយ ហើយ Alexander Gniteyev នៅតែអាចប្ដឹងឧទ្ធរណ៍បាន។</p>
<p class="Normal">គួររំឭកថា Alexander Gniteyev គឺជាវិស្វករនៅរោងចក្រផលិតអាវុធ Avtomatika ត្រូវបានចោទពីបទ<br />ទទួលប្រាក់ ៥០.០០០ដុល្លារក្នុងការលក់ទិន្នន័យស្ដីពីប្រព័ន្ធនាំផ្លូវ និងគ្រប់គ្រងរបស់ Bulava ដែលជា<br />កាំជ្រួចផ្លោងសម្រាប់បាញ់ចេញពីនាវាមុជទឹកទំនើបបំផុតរបស់រុស្ស៊ី។</p>
<p>កាំជ្រួចអន្ដរទ្វីបនេះត្រូវបានមន្ទីរបច្ចេកវិទ្យា Moscow អភិវឌ្ឍតាំងពីឆ្នាំ ១៩៩៨ ដើម្បីជំនួសអោយកាំ<br />ជ្រួចដែលមានតាំងពីជំនាន់សូវៀត។ កាំជ្រួច Bulava អាចបំពាក់ក្បាលគ្រាប់ចំនួន ១០ ដោយឡែក<br />ពីគ្នា (MIRV)និងអាចបាញ់បានចម្ងាយ ៨.០០០គម។</p>
<p style="text-align: right;">ដោយ ៖ សូរីយ៉ា<br />ប្រភព ៖ VE</p>