<p><span style="color: #000000;">ស្ទើរតែមិនគួរអោយជឿ ៖ ក្រោយពីបានដកស្រង់ របាយការណ៍ ពី ការិយាល័យ សារព័ត៌មាន របស់ រដ្ឋាភិបាលក្នុងស្រុក ភ្នាក់ងារ សារព័ត៌មាន Weibo Post បន្តចុះផ្សាយអោយដឹងថា ហោចណាស់ មនុស្ស ២ នាក់ បានស្លាប់បាត់បង់ជីវិត ខណៈ ៣ នាក់ផ្សេងទៀត រងរបួសធ្ងន់ស្រាល ក្រោយពីមាន ហេតុការណ៍ គ្រោះថ្នាក់ដ៏រន្ធត់ កើតមានឡើង ទៅ លើ ឧបករណ៍កំសាន្ត នា សួន កំសាន្ត ក្នុងក្រុង Pingyang ខេត្ត Zhejiang ប្រទេសចិន ។</span></p>
<p><span style="color: #000000;"><a class="thickbox" title="" href="/FileManager/Commons/2015/5/4/90-04-05-2015--16-03-31.jpg"><img src="/FileManager/Articles/mce/2015/5/4/90-04-05-2015--16-03-31.jpg" alt="" /></a><br /></span></p>
<p><span style="color: #000000;">សេចក្តីរាយការណ៍អោយដឹងថា ជនរងគ្រោះទាំង ៥ នាក់នោះ គឺ មានវត្តមានមកពីក្រុង Wenzhou ក្នុងនោះ ៣ នាក់ បានធ្លាក់ចេញពីឧបករណ៍កំសាន្ត ដែលគេអោយឈ្មោះថា "Crazy Scream" មាន វត្តមាននៅក្នុង សួនកំសាន្ត the Longshan Amusement Park កាលពីថ្ងៃទី ១ ឧសភា ២០១៥ វេលា ម៉ោង ១២ និង ០៥ នាទី រសៀល ។</span></p>
<p><span style="color: #000000;"><a class="thickbox" title="" href="/FileManager/Commons/2015/5/4/91-04-05-2015--16-03-41.jpg"><img src="/FileManager/Articles/mce/2015/5/4/91-04-05-2015--16-03-41.jpg" alt="" /></a><br /></span></p>
<p><span style="color: #000000;">ភ្ញៀវទេសចរ ២ នាក់ ម្នាក់មាននាមត្រកូលថា Chen និងម្នាក់ទៀត មាន នាមត្រកូលថា Zhou នោះ ត្រូវបានមន្រ្តីពាក់ព័ន្ធ អះអាងថាបានស្លាប់បាត់ បង់ជីវិត នៅឯបន្ទប់ សង្គ្រោះ បន្ទាន់ នាមន្ទីរពេទ្យ Pingyang No. 1 People’s hospital ខណៈជន រង គ្រោះ ៣ នាក់ទៀត មាននាមត្រកូលថា Li និង Chen នោះ ទទួលរងរបួសធ្ងន់ ដោយតម្រូវអោយមានការសម្រាកនិង ព្យាបាល ដោយឡែក ជនរង គ្រោះ មាននាមត្រកូល ថា Xu បានទទួលរងរបួសស្រាល ដោយ គេបានចាក់ចេញពីមន្ទីរពេទ្យនៅ ថ្ងៃកើតហេតុតែម្តង ព្រោះពុំចាំបាច់ត្រូវសម្រាករង់ចាំការព្យាបាលនោះទេ ។</span></p>
<p><span style="color: #000000;">យោងតាមសារព័ត៌មានក្នុងស្រុកអោយដឹងថា ជនរងគ្រោះ ៣ នាក់ បាន ធ្លាក់ចុះ ពីឧបករណ៍ជិះ លេងកំសាន្ត ខណៈពួកគេមានវត្តមាន នៅលើឧបករណ៍កណ្តាលអាកាស ដោយឡែក ជនរងគ្រោះ ២ នាក់ផ្សេងទៀត បានទទួលរងរបួស ក្រោយ មានវត្ថុរឹងធ្លាក់ចំពីលើ ។ សាក្សី រស់បានឃើញហេតុ ការណ៍ផ្ទាលភ្នែកអោយដឹងថា ឧបករណ៍កំសាន្តមួយនេះ បាន ចាប់ ផ្តើមដំណើរ ការ នាវិនាទីភ្ញៀវ ទេសចរកំពុងតែជិះ តែមិនទាន់ត្រៀមខ្លួនរួចជាស្រេច ជាហេតុធ្វើអោយ មនុស្ស ៣ នាក់ធ្លាក់ចេញពី ឧបករណ៍កំសាន្តមួយនេះ ក្នុងរយៈកំពស់ខ្ពស់ ៣ ម៉ែត្រ ។ ភ្លាមៗ មានកិច្ចអន្តរាគមន៍ ដោយបញ្ជា អោយសួនកំសាន្តខាងលើ បិទទ្វារមួយរយៈ ខណៈ អ្នកគ្រប់គ្រងសួនកំសាន្ត ត្រូវបានឃាត់ខ្លួនរក្សា ទុកនៅមន្ទីរឃុំឃាំង ប៉ូលីស ។ ព័ត៌មានលម្អិត មន្រ្តីប៉ូលីស កំពុងតែ ធ្វើការ តាម ដាន និង ស៊ើប អង្កេត ៕</span></p>
<p><span style="color: #000000;"><object width="483" height="414" data="http://www.youtube.com/v/omKlEG93W_8&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/omKlEG93W_8&rel=1" /></object><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ សៀងហៃលីស</span></p>