<div class="article-content">
<p><strong>ភ្នំពេញ ៖</strong> បុរសម្នាក់ មានមុខរបរជាជាងសំណង់ផង និងឆ្លៀត ប្រកបរបររត់ម៉ូតូឌុបផងនោះ <br />ដើម្បីផ្គត់ផ្គង់ជីវភាពគ្រួសារ តែមានប្រពន្ធ ខ្វះភាពជា ឧមត្តភរិយានោះ បានជេរដៀលមកលើ<br />ប្តីថា មិនចេះធ្វើការរកស៊ី និងក្រីក្រទៅវិញ ។ ជាហេតុធ្វើឲ្យបុរសជាប្តី បានដាច់ចិត្តជិះម៉ូតូមក<br />លោតទឹក ធ្វើ អត្តឃាត លើស្ពានព្រះមុនីវង្សថ្មី តែត្រូវសមត្ថកិច្ចជួយទាន់ ។</p>
<div>ហេតុការណ៍នេះ កើតឡើង នៅចំណុចលើស្ពានព្រះមុនីវង្សថ្មី ស្ថិតក្នុងសង្កាត់ច្បារអំពៅទី១ <br />ខណ្ឌមានជ័យ កាលពីវេលាម៉ោង១និង០០នាទីយប់ រំលងអធ្រាត្រ ឈានចូល ថ្ងៃទី២១ ខែ<br />តុលា ឆ្នាំ២០១៣ ។ បុរសដែលយកកិត្តិយស ជាបុរសដើមទ្រូង៥ហត្ថ តែប៉ុនប៉ុងធ្វើអត្តឃាត<br />ខ្លួន ព្រោះត្រូវស្រ្តីជាប្រពន្ធយក ស្បែកជើងវាយក្បាល និងជេរដៀលត្មះនេះ មាន ឈ្មោះ ភ័ក្រ <br />អាយុ ២២ឆ្នាំ ស្នាក់នៅម្ដុំវត្តព្រែកប្រា សង្កាត់ព្រែកប្រា ខណ្ឌមានជ័យ មុខរបរ ជាជាងសំណង់<br /> និងរត់ម៉ូតូ។ នាយនគរបាលប៉ុស្តិ៍ច្បារ អំពៅទី១ លោក ហ៊ុន សុផល បានឲ្យដឹងថា បុរសដែល<br />ប៉ុនប៉ង លោតទឹកសម្លាប់ខ្លួន ហើយត្រូវបានសមត្ថកិច្ច ជួយឃាត់ ទាន់ពេលវេលានេះ បានធ្វើ<br />ដំណើរ តាមបណ្ដោយ ផ្លូវព្រះមុនីវង្ស ក្នុងទិសដៅពីលិចទៅកើត លុះមកដល់លើស្ពានព្រះមុនី<br />វង្សថ្មី បានចុះពីលើម៉ូតូ ហើយឡើងបង្កាន់ដៃស្ពាន បំណងលោតទឹកសម្លាប់ខ្លួន តែមិនបាន<br />សម្រេច ដោយសារសមត្ថកិច្ចជួយទាន់។ </div>
<p><br /> ក្រោយពេលកើតហេតុ សមត្ថកិច្ចបានយកទៅទីស្នាក់ការ ប៉ុស្តិ៍នគរបាលច្បារអំពៅទី១ ដើម្បី<br />សួរនាំបុរសនោះ បានរៀបរាប់ប្រាប់សមត្ថកិច្ចថា រូបគេមានប្រពន្ធម្នាក់ ឈ្មោះ ភាព ដោយ<br />ប្រពន្ធបានដៀលខ្លួនក្រ និងថា មិនចេះរកស៊ី ហើយប្រពន្ធបានយកស្បែកជើងវាយក្បាល ទើប<br />រូបគេ សម្រេចចិត្ដជិះម៉ូតូ មកលោតទឹកស្ពានព្រះមុនីវង្សថ្មីតែម្ដងទៅ ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-014/that-0283.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-014/that-0284.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-014/that-0285.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>