<p><span style="color: #000000;"><strong>ភ្នំពេញៈ</strong> តារាចម្រៀងមានទឹកដម សំនៀងក្រអួនក្រអៅ ត្រូវចិត្តយុវវ័យ ប្រចាំផលិតកម្មថោន នាង មាស សុខសោភា នៅព្រឹកថ្ងៃទី២៩ ខែកក្កដានេះ បានដឹកដៃម្តាយ ឡើងយន្តហោះ ចេញទៅសម្តែង និងដើរលេងលំហែអារម្មណ៍ រយៈពេលប្រមាណកន្លះខែ នៅលើទឹកដីញូវសេឡេន ទុកឲ្យស្វាមីលាក់មុខនៅកណ្ដោចកណ្ដែងម្នាក់ឯង ។</span></p>
<p><span style="color: #000000;">ជួបជាមួយ LookingTODAY តាមទូរស័ព្ទ នៅថ្ងៃទី៣០ខែកក្កដា ឆ្នាំ២០១៤នេះ លោក មាស សុខរតនៈ ជាបងប្រុសបង្កើតរបស់តារាចម្រៀងស្រី កំពុងមានប្រជាប្រិយភាព និងកំពុងតែកាក់កប់ ការចេញថតស្ពតពាណិជ្ជកម្ម ជាហូរហែមិនដាច់ នាង មាស សុខសោភា បានប្រាប់ឲ្យដឹងថា នៅវេលាម៉ោង៩ព្រឹក ថ្ងៃទី៣០ ខែកក្កដានេះ នាងបានឡើងយន្តហោះ ចេញដំណើរទៅញូវសេឡេនហើយ ដោយយកម្តាយ ទៅជាមួយផងដែរ ។</span></p>
<p><span style="color: #000000;">បងប្រុសរបស់តារាចម្រៀងយេៗ មាស សុខសោភា បានប្រាប់ឲ្យ ដឹងទៀតថា "បើតាមគម្រោង គ្រោងទុក អាភា ទៅ ញូវសេឡេន តែកន្លះខែទេ ហើយគម្រោងបន្តទៀត ប្រសិនបើការងារក្នុងស្រុក អាចដកឃ្លាបាន មិនសូវរវល់ គឺនាង នឹងបន្តដំណើរ ចេញទៅអូស្ត្រាលីកន្លះខែទៀត។ តែសម្រាប់គម្រោងនេះ ខ្ញុំនៅមិនទាន់ច្បាស់ទេ រង់ចាំជិតដល់ពេល បើសិនអាចដកឃ្លាបាន ខ្ញុំនឹងផ្តល់ដំណឹងឲ្យ អាភា ហើយគេ និងនាំម្តាយ បន្តទៅអូស្ត្រាលីតែម្តង "។</span></p>
<p><span style="color: #000000;">ជាមួយគ្នានោះ លោក មាស សុខរតនៈ បានប្រាប់ឲ្យដឹងបន្ថែមទៀតថា ប្អូនស្រីរបស់លោក មានការមមាញឹកច្រើន ខ្លាំងណាស់ សម្រាប់ការងារ ក្នុងស្រុកស្ទើរ តែគ្មានពេលសម្រាកទៅហើយ។ ប៉ុន្តែដោយសារតែមានការគាំទ្រ និង ស្រលាញ់ពីបងប្អូន រស់នៅលើទឹកដីញូវសេឡេន ទើបនាងសម្រេចចិត្តដកឃ្លា ចេញទៅសម្តែង រយៈពេលខ្លីបែបនេះ ។ ម្យ៉ាងទៀត ដូចលោកធ្លាប់ប្រាប់អ៊ីចឹង គឺចង់នាំម្តាយទៅដើរលេងកម្សាន្ត នៅក្រៅប្រទេស ដើម្បីឲ្យគាត់បានស្រស់ស្រាយ សប្បាយអារម្មណ៍ និងបានឃើញពីភាពរីក ចម្រើននៃប្រទេសគេ៕</span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/July/id-098/S_0280.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/July/id-098/S_0281.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/July/id-098/S_0282.jpg" alt="" width="500" /></span></p>
<p style="text-align: right;"><br /><span style="color: #000000;">ផ្តល់សិទ្ធិ ៖ ដើមអំពិល</span></p>