<p><strong>ភ្នំពេញៈ</strong> តារាកំប្លែងល្បីឈ្មោះ និងមានភាពលេចធ្លោ ប្រចាំស្ថានីយទូរទស្សន៍ ស៊ី ធី អ៊ីន <br />អ្នកនាង សេង សុកាន់ដា ហៅ ខ្ញុង ពេលនេះកំពុងតែរៀបចំ ខោអាវដាក់វ៉ាលីត្រៀម ឡើង<br />យន្តហោះទៅ សម្តែងនៅអូស្ត្រាលី ជាលើកដំបូង។ ទន្ទឹមជាមួយ នឹងថ្ងៃធ្វើដំណើរ កាន់តែ<br />ខិតជិត មកដល់នោះ នាងហាក់មានភាព រារែកភ័យបុកពោះ ដោយនាងបាន បង្ហើបប្រាប់ថា <br />កាលចេញទៅ សម្តែងលើកនេះ គឺមានការលំបាកណាស់ សម្រាប់រូបនាង ដោយសារតែ<br />មិនចេះ ភាសាក្នុងការទំនាក់ទំនង ជាមួយបងប្អូន ទស្សនិកជន នៅទីនោះ។</p>
<p>ជួបជាមួយ LookingTODAY នៅថ្ងៃទី១២ ខែសីហា ឆ្នាំ២០១៣នេះ តារាកំប្លែងសម្បូរវោហារ <br />និងមានប្រជាប្រិយភាព អ្នកនាង ខ្ញុង បានប្រាប់ឲ្យដឹងថា ដំបូងឡើយគម្រោង ក្នុងការធ្វើ<br />ដំណើរ ត្រូវទៅថ្ងៃទី១៣ តែដោយសារនាង ត្រូវរៀបចំ ឯកសារផ្តិតមេដៃ ធានាប្អូនស្រី នីឡា <br />ទៅជាមួយគ្នា ព្រោះថានីឡា អត់ទាន់គ្រប់អាយុ ទើបត្រូវលើកថ្ងៃ ចេញដំណើរទៅ ថ្ងៃ១៦-១៧<br /> ចន្លោះថ្ងៃណាមួយ អាស្រ័យលើឯកសារ ។ ការចេញដំណើរនេះ គឺមានតែនាង លោកពែកមី<br /> និងកុមារីនីឡា ដែលជាកូនស្រីបណ្តូលចិត្ត របស់លោកតា វិចទ័រ តែប៉ុណ្ណោះ។</p>
<p>តារាកំប្លែងរូបស្រស់សម្បូរសាច់ និងមានភាពលេចធ្លោ ប្រចាំក្រុមកំប្លែងនៅ ស៊ីធីអ៊ីនរូបនេះ <br />បានប្រាប់ឲ្យដឹងទៀតថា ការទៅសម្តែងនៅអូស្ត្រាលី គឺមិនមានរយៈពេលយូរទេ ពួកនាងទៅ<br />២-៣អាទិត្យតែប៉ុណ្ណោះ ព្រោះមិនទុក ការងារនៅទីនេះ ចោលយូរទេ ។ នាងក៏អរគុណដល់ <br />ខាងស្ថានីយទូរទស្សន៍ ដែលជានិច្ចកាល តែងតែផ្តល់ ឱកាសឲ្យនាង ក៏ដូចជាលោក ពែកមី <br />និងតារាកំប្លែង ក្នុងក្រុមរហូតមក ដូចពេលនេះអ៊ីចឹងបាន អនុញ្ញាតឲ្យពួកនាង ចេញទៅសម្តែង<br />នៅ ក្រៅប្រទេសលើក ដំបូងថែមទៀតផង។</p>
<p>អ្នកនាង ខ្ញុង បានប្រាប់ឲ្យដឹងបន្តទៀតថា "ដំណើរដែលខ្ញុំ ចេញទៅលើកនេះ គឺខ្ញុំមានអារម្មណ៍ <br />ពិបាកផង ភ័យផង អរផង គ្រប់រសជាតិ ដោយសារនេះ ជាលើកទី១ ដែលត្រូវជិះយន្តហោះទៅ<br />សម្តែង នៅក្រៅប្រទេស។ អ្វីដែលពិបាកសម្រាប់ខ្ញុំនោះ គឺអត់ចេះនិយាយ ភាសាអង់គ្លេស <br />ពិបាកក្នុងការទំនាក់ទំនង ជាមួយអ្នករស់នៅទីនោះ ។ មិនដឹងថាត្រូវនិយាយ បែបណាខ្លះទេ <br />តែទន្ទឹមជាមួយគ្នានោះ ខ្ញុំក៏មានសង្ឃឹមថា ការចេញទៅសម្តែង របស់ពួក ខ្ញុំទាំង៣នាក់ រំពឹង<br />ថាអាចទទួលបានការគាំទ្រ និងចំណាប់ អារម្មណ៍បានច្រើន ព្រោះគ្រាន់តែបងប្អូន នៅក្រៅ<br />ប្រទេសដឹងថា ពួកខ្ញុំទៅសម្តែងពួក គាត់តេមកសួរខ្ញុំ ច្រើនណាស់ ដោយពួកគាត់បាន លើក<br />ទឹកចិត្តថា ពួកគាត់ទន្ទឹងរង់ចាំមើល និង ជួបពួកខ្ញុំផ្ទាល់នៅទីនោះ " ។</p>
<p>នៅក្នុងនោះ នាងបានប្រាប់បន្ថែមទៀតថា ក្រៅពីការងារ នាងក៏មានការព្រួយ បារម្ភចិត្តមួយ<br />ទៀត។ នាងនិយាយថា " ដោយសារតែខ្ញុំចេញ ទៅត្រូវទុកកូនផ្ញើរគេ នៅទីនេះ មានអារម្មណ៍<br />ថា អាណិតកូន នឹកកូន ពិបាកចិត្ត ព្រោះថាមិនធ្លាប់ទៅ ណាឆ្ងាយពីកូន យូរបែបនេះទេ ធម្មតា<br />ទឹកចិត្តម្តាយគ្រប់រូប តែងតែនឹករឭកកូន ។ តែអ្វីដែលធ្វើឲ្យខ្ញុំខ្លោច ចិត្តអាណិតកូននោះ គឺទុក<br />កូនចោលរហូត ដល់ទៅជិត១ខែ "៕</p>
<p><img src="http://image.lookingtoday.com:81/lookingtoday/looking-images/news/2013/August/id-098/S_0319.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/August/id-098/S_0320.jpg" alt="" width="500" /></p>
<p><span>ព័ត៌មានកំសាន្តស្តីពីតារាៗ ដ៏សំបូរបែបគួរឲ្យចាប់អារម្មណ៍ជាច្រើនទៀត </span><a href="/News/Category/31/star"><strong><span>សូមចុចត្រង់នេះ</span></strong></a><span> !!!</span></p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>