<p><strong>ភ្នំពេញៈ</strong> តារាកំប្លែងស្រីសម្បូរវោហារ អ្នកនាង សុខ ចាន់ធីតា ហៅ កាតុ កាលពីយប់មិញនេះ បានឈឺពោះឆ្លងទន្លេ សម្រាលបានកូនស្រីម្នាក់ តាមបំណងប្រាថ្នា ធ្វើឲ្យនាងនិងស្វាមីញញឹមបិទមាត់មិនជិត ព្រោះតែនាង និងស្វាមី បានឃើញមុខកូនស្រីកើតមក មានសុខភាពល្អ ធ្វើឲ្យនាងរំភើបចិត្ត ស្ទើរតែទប់ទឹកភ្នែកមិនជាប់ ។</p>
<p>ជួបជាមួយ LookingTODAY តាមទូរស័ព្ទ នៅរសៀលថ្ងៃទី១២ ខែមីនា ឆ្ន២០១៤នេះ លោក ខ្យង ដែលជាស្វាមី របស់ អ្នកនាង កាតុ បានប្រាប់ឲ្យដឹងថា ភរិយារបស់លោក បានឈឺពោះឆ្លងទន្លេ តាំងពីយប់ម៉ោង១-៣០ នាទីយប់ ឈានចូលថ្ងៃទី១២ ខែមីនា ឆ្នាំ២០១៤នេះ កូនស្រីរបស់លោក មានសុខភាព ល្អមានទម្ងន់២គីឡូ៨ខាំមានសុខភាព រឹងមាំទាំងម្តាយ និងកូន។ ពេលនេះភរិយារបស់លោក កំពុងតែសម្រាកនៅសម្ពភចិត្រា ស្ថិតនៅតាមបណ្តោយ ផ្លូវព្រះ មុនីរ៉េត ក្បែរផ្សារដើមគ ។</p>
<p>លោកក៏បានបង្ហាញពីអារម្មណ៍ សប្បាយរីករាយថា “ខ្ញុំពិតជាសប្បាយចិត្តណាស់ ដែលខ្ញុំ និងភរិយា បានទទួល ចំណងដៃអាពាហ៍ពិពាហ៍ តាមបំណងប្រាថ្នា ហើយពេលនេះ ភរិយា និងកូនជាទីស្រឡាញ់ខ្ញុំ មានសុវត្ថិភាពនិង សុខភាពល្អ ទាំងអស់គ្នា ខ្ញុំបានក្លាយជាឪពុកគេហើយ...!”។</p>
<p>លោកខ្យងក៏បានប្រាប់ឲ្យដឹងទៀតថា កូនស្រីរបស់លោកមាន ឈ្មោះថា គង សុណានជីញ ហៅអាជីញ ដែលឈ្មោះនេះលោក និងភរិយាបានត្រៀមសម្រាប់ ស្វាគមន៍កូនស្រីជាយូរមកហើយ ។ ក្រោយពីសម្រាលកូនរួច ភរិយារបស់លោកសម្រាកនៅមន្ទីរពេទ្យ ត្រឹម តែ៤ថ្ងៃប៉ុណ្ណោះ នឹងចេញពីពេទ្យ ទៅសម្រាកនៅផ្ទះហើយ ៕</p>
<p style="text-align: center;"><img style="font-family: Arial, Helvetica, sans-serif; font-size: 13px; line-height: 1.8; text-align: left;" src="http://image.lookingtoday.com:81/lookingtoday/looking-images/news/2014/March/id-100/Ravuth-169.jpg" alt="" width="600" /></p>
<p style="text-align: center;"><img style="font-family: Arial, Helvetica, sans-serif; font-size: 13px; line-height: 1.8; text-align: left;" src="http://image.lookingtoday.com:81/lookingtoday/looking-images/news/2014/March/id-100/Ravuth-168.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-100/Ravuth-170.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-100/Ravuth-164.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-100/Ravuth-165.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-100/Ravuth-166.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-100/Ravuth-167.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/28468--qq.html" target="_blank">ផ្តល់សិទ្ធដោយ ៖ ដើមអម្ពិល</a></p>