<p><strong>ភ្នំពេញៈ</strong> បើគិតត្រឹមថ្ងៃទី២៦ ខែវិច្ឆិកា ឆ្នាំ២០១៣នេះ គឺមានរយៈពេល២ឆ្នាំហើយ ដែលតារា<br />សម្តែង និងជាតួឯកស្រីល្បីឈ្មោះ ក្នុងរឿង “កុមារី២៥ឆ្នាំ” អ្នកនាង នី មុល្លីកា បានរៀបការ<br />តាមប្រពៃណី ជាមួយស្វាមី អាណិកជនខ្មែរ រស់នៅអាមេរិក ហើយនាងក៏ បានសម្រេចចិត្ត<br /> ដើរចេញពីវិថីសិល្បៈ ទៅសម្ងំសាងគ្រួសារ យ៉ាងមានសុភមង្គល នៅលើទឹកដីមហាសេដ្ឋកិច្ច <br />ដោយមិនខ្វាយខ្វល់ ពីសិល្បៈតទៅទៀតឡើយ ។</p>
<p>ចាប់តាំងពីតារាសម្តែង នី មុល្លីកា បានផ្តាច់ខ្លួនចេញពីសិល្បៈ រៀបការមានគ្រួសារ និងចាក<br />ចេញពីស្រុកកំណើត ទៅរស់នៅលើ ទឹកដីសម្បូរដុល្លារ តាមស្វាមីជាទីស្រឡាញ់រួចមក គេ<br />តែងតែឃើញនាងបង្ហោះរូបថត ជាមួយស្វាមីបង្ហាញពីទឹកចិត្ត ស្រឡាញ់ សេចក្តីសុខសុភ<br />មង្គល ក្នុងគ្រួសារជាសាធារណៈ នៅលើបណ្តាញទំនាក់ទំនងសង្គម Facebook ក្នុង Account <br />របស់នាងមិនសូវដាច់ ។ រហូតធ្វើឲ្យមហាជនលាន់មាត់សរសើរ ពីភ័ព្វព្រេងសំណាងរបស់ <br />នី មុល្លីកា ដែលមានស្វាមីស្រឡាញ់ ថ្នាក់ថ្នមមិនឲ្យទាស់ចិត្ត ស្រស់គ្រប់ពេលវេលា ។</p>
<p>កាលពីពេលថ្មីៗនេះ អតីតតារាសម្តែង និងជាពិធីការិនី អ្នកនាង នី មុល្លីកា ទើបតែបានបង្ហោះ<br />រូបថតជាច្រើនសន្លឹក ស្តែងឲ្យ ឃើញ ពីស្នេហាផ្អែមល្ហែម ប្រៀបដូចជាទឹកឃ្មុំក្នុងរដូវរំហើយ<br /> រវាងនាង និងស្វាមី ដែលបានរៀបចំកម្មវិធីខួបអាពាហ៍ពិពាហ៍២ឆ្នាំជាមួយគ្នា កាលពីថ្ងៃទី២៦<br /> ខែវិច្ឆិកា ឆ្នាំ២០១៣ ស្ថិតនៅក្រោមបរិយាកាស រ៉ូមែនទិកមួយ មិនចាញ់ស្វាមីភរិយា ដែល<br />ទើបតែរៀបការ ថ្មោងថ្មីប៉ុន្មានទេ ។ ការរៀបចំកម្មវិធីនេះ ត្រូវបានមិត្តភក្តិ នៅក្នុងចង្កោម<br />សិល្បៈ បង្ហើបឲ្យដឹងថា គ្រាន់តែជាកម្មវិធីតូចធម្មតា ដែលស្វាមីនាង ធ្វើរំឭកពីអតីតកាល<br />ស្នេហ៍ និងចង់ធ្វើឲ្យភរិយាសប្បាយចិត្តតែប៉ុណ្ណោះ មិនមែនជាកម្មវិធីធំដុំអ្វីឡើយ។</p>
<p>ប្រភពខាងលើ បានលួចបង្ហើបឲ្យដឹងថា បើតាមដឹង មុល្លីកា ធ្លាប់បានបង្ហើបថា បើសិនជា<br />មានឱកាស ហើយស្វាមីរបស់នាង មានពេលទំនេរ ពីការងារ នាងមានបំណងចង់ មកធ្វើ<br />ខួបអាពាហ៍ពិពាហ៍ ជាលក្ខណៈទ្រង់ទ្រាយធំមួយ នៅប្រទេសកំណើត ដោយជួបជុំក្រុម<br />គ្រួសារ និងមិត្តភក្តិសិល្បៈម្តង ។ បើតាមគម្រោងនោះ គេមិនទាន់ដឹងច្បាស់ថា នាងមកធ្វើ<br />នៅឆ្នាំណាទេ ព្រោះតែ ម្ចាស់សាម៉ីខ្លួន នាង មុល្លីកា ចង់ធ្វើខួបលើកទី៥ នៃថ្ងៃរៀបការ <br />ដើម្បីរំឭកអនុស្សាវរីយ៍ និងចង់ឆ្លៀតពេល មកលេងស្រុកកំណើត ។ ប៉ុន្តែពេលវេលាមិន<br />ទៀងទេ នាងក៏មិនទាន់ច្បាស់ តែបើសិនជាដល់ពេល នាងបានមកដូចបំណង នឹងរៀបចំ<br />ពិធីនេះ ឲ្យអធិកអធម តែម្ដង។</p>
<p>គួររំឭកថា នី មុល្លីកា បានចូលរោងការ ជាមួយលោក គឹម ប៊ុណ្ណា ជាវិស្វករមានអាយុ ៣៩<br /> ឆ្នាំ រស់នៅរដ្ឋអូហៃយ៉ូ សហរដ្ឋអាមេរិក កាលពីថ្ងៃទី ២៦ ខែវិច្ឆិកា ឆ្នាំ ២០១១ នៅសណ្ឋា<br />គារ អ៊ិនធើកុងទីណង់តាល់ ដោយមានការ ចូលរួមពីសំណាក់មិត្តភក្តិក្នុង និង អ្នកក្រៅសិល្បៈ<br />ជា ច្រើន។ បន្ទាប់ពីរៀបការរួច នី មុល្លីកា ក៏ត្រូវបានស្វាមីធានាចេញទៅរស់នៅជាមួយភ្លាមៗ<br /> តែម្តង ហើយបើគិត មកដល់ពេលនេះ ចំណងអាពាហ៍ពិពាហ៍របស់ពួកគេទាំងពីរ មានរយៈ<br />ពេល២ឆ្នាំមកហើយ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0583.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0584.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-098/S_0585.jpg" alt="" width="600" /></p>
<p style="text-align: left;"><img src="http://image.lookingtoday.com:81/lookingtoday/looking-images/news/2013/November/id-098/S_0586.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/24994-2013-11-28-04-19-34.html"><span style="color: #0000ff;">ដើមអំពិល</span></a></p>